1 Tesalonaeka 1:8 - Hano Niu Testamen

⁸ I silo vagahi non Ratahigi God mwa bataha ute sivi kimiu, i nu vano vai Masedonia i Kris mulei, take kadogaha nomiu binihimwasigi garagusi alun God mwa iloana vataha ute. Kadogaha mwa hav tu tehe be gamen vev havanau huria.

1 Tesalonaeka 1:8 ပူးပေါင်းရင်းမြစ်များ

Lalaḡova 18:12

Haḡe mahavana be Kalio mwa dariana gi tomuai vevev ata Rom lol ute Akaia, i ira Jius ram ḡoḡo utegaituvwa ram haḡo batugehi Pol ram laia vai lol imwan harahara.

Ravrava non Pol lalai ata Rom 1:8

Muana nam doron be nav vevea be nam hav vev te tabeana lalai noḡu God sivi Jisas Kraes huri kimiu duluai, bwatuna be sinombu duluai lol ureure ram avoi nomiu binihimwasigi garagusi.

Ravrava non Pol lalai ata Rom 15:26

Ira binihimwasigi ata Masedonia i ata la n̄olin vanua Kris ram ron̄ mwandavuha be rav lai nora mwane ba bului atat non God be ram hiruga Jerusalem.

Ravrava non Pol lalai ata Rom 16:19

Atat binihimwasigi n̄oto ram ron̄oe be gim lol gogonai, i nam ron̄ mwandavuha bwatuna kimiu. Ta nam doron be kimiu giv mataisaoga huri hano be nu tavuha i giv melmelo nin hantai.

1 Korin 14:36

Silo vagahi non God mwa mai nin kimiu? Sage giḡo n̄ano be nu mai lalainigo?

2 Korin 2:14

Take avkari lalai God, kea tagaro mwa domuai gida vai lol tanoi sivi Kraes. God mwa haḡo kamai be gav lon̄ahi ute gin non iloute vataha ute kun bonin ruḡuruḡu bonboni.

2 Korin 3:4

Gai vev dumwia kunia, bwatuna be sivi Kraes, gam ron̄oe be mwasigi lolmatan God.

Kolosi 3:16

Giv lin̄ silo vagahi non Kraes vi togo mai kimiu tagaro. Giv haḡo mataisao n̄oto be giv vagahi i giv iloilo kimiu be giv lol iboi, iboin tataro mai iboi sabuga gin avoan avkari lol irubwimiu lalai God.

2 Tesalonaeka 1:4

Gam sagerei kimiu lalai atatun uloilua non God. Gam bevea lalainira huri hala be gim lolia. Gam bev luae lalainira be nomiu binihimwasigi mwa du wasigi, batena be gim ron̄ mwahantai be kera ata avare ram ḡoro kimiu.

2 Tesalonaeka 3:1

I kadogaha ira tuaku, giv tataro huri kamai be silo vagahi non God vi tu rahurahu i vi lon̄ahi vilvilehi ute i sinombu rav lol gogonai ira silo vagahi keragea, kunia be nu loli maigo.

1 Timoti 2:8

Nam doron atatu vataha ute be rav tataro, rav hagai limara amare la hala be nu sabuga, be lol horo sigai i vigaigaiana.

2 Timoti 2:9

i nam ron̄ ḡagarasi bwatuna Roroi Tavuha, i kadogaha ram bauhiau gin gao talai kun atatun wehi surai. Take silo vagahi non God kea mwa hav togo tehe lol imwa vauvauhi.

3 Jon 1:12

Atatu n̄oto ram bev ginau tavuha huri Demetrias, i mwasigi mwa dame huri hano be ram bevea kamai mulei gam bev tavuhainia i gim iloe be ginau be gam bevea kea mwasigi.

Visirai 14:6

Haḡe nam ḡita enjel vwate be mwa ḡaga haehae butbutui lol mahao, mai roroanan Roroi Tavuha be nogonana nu sigai be vi vev luae lalai sinombu lol ureure, i lalai lalan̄an atatu i lalan̄an vara, mai avoana, i tatan̄an vanua.

Visirai 22:17

Haḡe Vui mai tasalan Sipsip Kolo, ramuru bevea be, “Mai!” Atatu duluai be ram ron̄ avoana kera geki, mwa du be rai vevea be, “Mai!” Atatu duluai gabe ram mandou mwa du be rav mai. Atatu duluai gabe ram doron wain rahuana, mwa du be rav mai ba mwinua huribe nu mahin̄ainia huba.