1 Tesalonaeka 1:6 - Hano Niu Testamen

⁶ I kimiu gin mai kun kamai i kun God. Gin ron̄ ḡagarasi maragai, take gin dame ḡoro silo vagahi gin samwarana be mwa mai nin Vui Sabuga.

1 Tesalonaeka 1:6 ပူးပေါင်းရင်းမြစ်များ

Matiu 16:24

Haḡe Jisas mwa bevea lalai non roron̄tai be, “Be ihei mwa doron be vi huriau, wani gea vi derai non doroniva sibona. Haḡe vi haḡo domarei non volovolo ba huriau.

Leo Tavuha gabe Jon nu Ravae 8:12

Jisas mwa avo lalai ira Varise be, “Inau haḡea gigitan ureure. Be ihei tehe mwa huriau vi lai gigitan rahuana i sihav lago te dum lol ute meto.”

Lalaḡova 13:52

Haḡe sinombu ata Antiok ram masiri gin samwarana i Vui Sabuga.

Lalaḡova 5:41

Mahavana be ira hala ram bwihavare, ram samsamwara, bwatuna be God vi vev dumwia ke ram dadariha be rav ron̄ ḡagarasi bwatuna Jisas.

Lalaḡova 9:31

Haḡe kunia uloilua Judia duluai, Kalili mai Samaria ram dogo lol tamwata. Haḡe uloilua mwa mauri doratora gin buluiana non Vui Sabuga, kun gabe mwa dogo gin binihi marahi alun Ratahigi.

Ravrava non Pol lalai ata Rom 15:13

Nam dataro lalai God be mwa hogoi doronhohov be vi hogon bamasiri kimiu gin ron̄ mwandavuha i tamwata lol taro be giv binihimwasigi garagusi aluna. I nomiu doronhohov vi maumauri gin muramura non Vui Sabuga.

1 Korin 11:1

Giv huri maleleku kunia be nam huri malelen Kraes.

1 Korin 11:2

Nam lol roroainigo huribe gom binihi dumwiau lol ginau duluai, i gon huri ira silo vagahi be nam laia lalai kimiu.

1 Korin 4:16

I nam hudali mutai kimiu be giv lin̄ mulei kimiu ba huri maleleku.

2 Korin 6:10

Gam habwe ron̄ mwahantai be gaivua, take tagaro gam samsamwara. Gam hiruga, take gam lol sinombu ivusi ram rosoga lol binihimwasigi. Nomai na ginau mwa sigai, take mwasigi be ginau duluai nomai abena.

2 Korin 8:5

I kera ram laia la hala be gan hav binihia te be rav lol dumwia. Muana ram mahin̄ainira sibora lalai God i lalai kamai. Geki haḡea hano be God mwa doronia.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Ifisas 5:1

Kimiu ira nitun God gabe mwa dabe kimiu, i giv lol ron̄oe be giv vora kunia.

Filipae 3:17

Ira tuaku, kimiu duluai gis lol ron̄oe be giv huri maleleku i be giv lolia kunira be ram dogo la hala be gan seserainia lalainira kunia.

2 Tesalonaeka 1:4

Gam sagerei kimiu lalai atatun uloilua non God. Gam bevea lalainira huri hala be gim lolia. Gam bev luae lalainira be nomiu binihimwasigi mwa du wasigi, batena be gim ron̄ mwahantai be kera ata avare ram ḡoro kimiu.

2 Tesalonaeka 3:7

Giḡo kimiu sibomiu gim iloe be giv togo la rahuana kunia be kamai gam dogo aluna. Kamai varate gan bwatiḡoruga lol taro be gan togo mai kimiu.

2 Tesalonaeka 3:9

Nomai mwasigi be gav hudali kimiu be giv bului kamai, ta gam lol rovoga be gav gitaḡoro kamai sibomai huribe gav tau malele tavuha lalai kimiu be giv huria.

2 Timoti 4:2

Inau nam hudalinigo be gov toretore huri Leo Tavuha. Lol vatuvwai vataha taro, i vevea lalai sinombu havanau be mwa du be rav lolia. Vevea lalainira lol taro be ram bahala. Av durara gin sine maḡemu gaivua, i silo vagahi vavtutu.

Hibru 10:34

Gom bului atat binhimwasigi be ram dogo lol vauvauhi. I lol taro be atatu ram mai ram lai dagai nomiu vataha ginau take kimiu gim samsamwara n̄ano, huribe gim iloe huba be nomiu vataha ginau rituai ram dogo be ran tavuha liu, i be rasav van te dagai nin kimiu.

1 Pita 1:6

Ginau geki mwa lol kimiu gim ron̄ mwandavuha maragai, n̄ano be kadogaha taro mwa bwelvwele lalan̄an ginau hahantai vi lol dum kimiu giv ron̄ mwahantai.

1 Pita 1:8

Kimiu gim hav gita te Kraes, take gim dabea radu. Gisav gita te dumwia Kadogaha, take gim binihimwasigi nia. Haḡe kimiu giv masiri gin samwarana be sihav veveana te dumwi, samwarana be nu masiri gin sarisari.

1 Pita 3:13

Kebe gom binihi hahavwani be gov lol tavuha, atatu vwate sihav lol te ḡagarasigo.

3 Jon 1:11

Tuaku gosav huri te havanau be nu hantai; gov huri hano be nu tavuha. Atatu be mwa lalaḡo tavuha kea bilan God. Take atatu be mwa hav lalaḡo te tavuha mwa hav ilo te hohoi God.