1 Tesalonaeka 1:5 - Hano Niu Testamen

⁵ bwatuna be Roroi Tavuha be gan laia vai abemiu nu hav vora te gin avoana n̄ano, take gin muramura, non Vui Sabuga, i mai binihimwasigi wasi be kea mwasigi. Mulei gin iloe be gon togo kun hanigi batena be kamai abemiu be gai bului kimiu.

1 Tesalonaeka 1:5 ပူးပေါင်းရင်းမြစ်များ

Leo Tavuha gabe Mak nu Ravae 16:20

Ira roron̄tai ram ban ram doretore vataha ute, i Ratahigi mwa lalaḡo bul maira i mwa dovon̄ainia be nora toretore nu mwasigi gin ginau dan̄an̄a ivusi be ram lolia.] [

Leo Tavuha gabe Luk nu Ravae 1:1

Ratahigi Tiovilas: Atatu ivusi ran lol ron̄oe huba be ramen rava roroi huri ginau duluai gabe ran lolia abemai.

Lalaḡova 11:21

Haḡe muramura non Ratahigi mwa dogo maira, i sinombu gaivua maragai ram binihimwasigi i ram dabagilu huri Ratahigi.

Lalaḡova 16:14

I vavine vwate mwa dogo mwa roron̄tai kamai kea vavine ata Tuatira ihana Lidia. Vavine geki non silo abena i mwa salei gav memea tavtavuha maragai. Lidia geki mwa ḡogonai God, i Ratahigi mwa havan̄ non binihiva be men roron̄tai havanau gabe Pol mwa bevea.

Lalaḡova 2:33

God nu lol domareinia vai amare huba, be vi togo la mwatuana. God Tamanda nu lai Vui Sabuga lalainia huba, kun gabe nu tatauleo huba huria lalainia tuai. I ginau duluai gea be gim du gim ḡitae, i gim ron̄oe, kea rovoga non Vui Sabuga duluai gabe Jisas mwa laia lalai kamai.

Ravrava non Pol lalai ata Rom 1:16

Nam hav busbusi tehe gin Roroi Tavuha, huri be kea haḡea muramura be God nu lolia be men varahu sinombu be ram binihimwasigi nu varahu ira vara ira Jius muana, i mulei nu varahu kera be varate ira vara vai Israel.

Ravrava non Pol lalai ata Rom 15:13

Nam dataro lalai God be mwa hogoi doronhohov be vi hogon bamasiri kimiu gin ron̄ mwandavuha i tamwata lol taro be giv binihimwasigi garagusi aluna. I nomiu doronhohov vi maumauri gin muramura non Vui Sabuga.

Ravrava non Pol lalai ata Rom 2:16

Ginau n̄oto kerageki rav loli lol gubwen̄i be God, sivi Jisas Kraes, vi vevegi binihiv dahuligi non atatu. Roroi Tavuha gabe nam doretore huria mwa bev ginau kerageki.

1 Korin 1:24

Take lalainira sinombu be God nu uloi luara, ira Jius mai ira ata Krik, Kraes kea muramura non God i mataisao non God.

1 Korin 10:33

Gov lolia kunia n̄ano be nam lolia. Kunia be inau nam doron be nav lol doroniva non atatu duluai la hala n̄oto. Nam hav lol te ginau be nu vavtutu huriau take ginau be nu vavtutu huri atatu duluai be rav rahu.

1 Korin 3:16

Matuke gim hav iloe tehe be kimiu imwa tataro non God i be kunia Vui Sabuga non God mwa dogo alolomiu.

1 Korin 3:6

Inau nan riv biri, i Apolos mwa ruhua gin wai. Take God kea n̄an atatu gaituvwa be mwa lolia mwa mauri.

1 Korin 4:20

bwatuna be ute ratahigi non God nu visirae nu hav vora te gin avoana take gin muramura.

1 Korin 9:14

La hala n̄an gea, God mwa bevea be kera be ram bev lua Roroi Tavuha rav lai tavwe nin rovoga geki.

2 Korin 3:6

Nu lol kamai gam mai dum gi atatun rovoga huri damean gara ninia sibona lalai non sinombu. Damean gara uhu nu hav vora te silo be nu rava, take kea vui. Silo be nu ravana mwa lai mateana, take Vui kea mwa lai rahuana.

Kelesia 2:2

Nan vano bwatuna be God nu lol melmeloinia mulei lalaiau be nas vano. Nan sogari ira binihimwasigi aia, i gin hala dahuligi nan vevea lalai ira nora tomuai huri Roroi Tavuha be nan toretore huria lalai ira Lolobon̄i. Nan hav doroni tehe be noḡu rovoga ata amua mai rovoga be nan lolia kadogaha vi sabweleiana.

Kelesia 5:5

Take gida tam haḡo mwasin doronhohov be mwa mai nin lolian vavtutu mai God, i gin Vui non God tam hohovi gin doroniva maragai huri doronhohov geki.

Ifisas 2:10

God nu loli gida be tav togo haḡea kun geki. Lol Kraes Jisas, God nu lol gida be tav lol rovoga tavuha, gabe God mwa lol daua lol non hogoi huri gida be rahuda vi togo mai nonda lalaḡova.

Ifisas 3:20

Gin muramura non God be mwa lol rovoga bul mai gida, God vi lol dum gaivua liu nin havanau tehe be gida tam hudalinia sage tam binihia.

Filipae 2:13

bwatuna be God mwa lol rovoga alolomiu, be vi bului kimiu giv doron be giv lol hano be vi lol samsamwarai lolon God.

Filipae 4:9

Giv lol havanau be gin huhuinia huba i gin laira huba niniau, havanau be nan vevea lalai kimiu, i havanau be gin gitau nan lolia. I God kea be mwa lai tamwata vi togo mai kimiu.

Kolosi 2:2

Nam doronia be rav muramuraga i rav bul gaituvwa lol lolotabetabe be rav rosoga lol nora iloilo. La hala n̄an gea ram ilo ute rosoga dahuligi non God, kea Kraes sibona.

1 Tesalonaeka 2:13

Mulei, gam avkari God bwatuna be batena be gin ron̄ non roroi nin kamai, gin lai ḡoḡoe kun be avoana non God, nu hav vora te avoana non atatu. I mwasigi be avoana non God, nu hav vora te avoana non atatu. I mwasigi be avoana non God be mwa lol rovoga alolomiu be gim binihimwasigi.

2 Tesalonaeka 2:14

God mwa lol Roroi Tavuha be gam doretore huri be men uloinigo be gomen rahu huribe gov rahu dumwi lol sarisari non nonda ratahigi Jisas Kraes.

2 Timoti 2:10

Kunia inau nam dame gin maḡemu lol taro ririhai kera geki huria be kera be God nu gita luara rav lai dum varahuva gea be mwa du mai Kraes Jisas i mwa lai sarisari be sihav nogo tehe.

2 Timoti 2:8

Gov vinihi dum Jisas Kraes, nu tomare nin mateana, kea ata lol imwan Deved. Geki Roroi Tavuha nam doretore huria,

Hibru 10:22

I huri ginau geki nu tavuha be tam mai sosori aben God be binihinda vi melmelo i nonda binihimwasigi garagusi ran wasi. Amua binihinda ran bibili gin vuroda, mwa melmelo be tam ḡagaru lol wai melmelo.

Hibru 6:11

I kamai gam doron maragai be nomiu binihiva vi tu wasigi tagaro, i giv lai dum ginau gea be nomiu doronhohov mwa du wasigi aluna.

1 Pita 1:12

God nu seserainia lalainira be nora rovoga nu hav vorate hurira Sibora take huri kimiu, lol taro be nu veveana na ira mwasigi be gim ron̄oe kadogaha. Kera be ram doretore huri Roroi Tavuha lalai kimiu ran vev ginau kerageki mai buluiana non Vui Sabuga gabe nu horana nin ute atamare ginau alolona gabe ira enjel ram doronia be rav gitae.

1 Pita 1:3

Uloi roroai lalai God i Tata non nonda Ratahigi Jisas Kraes. Lol ihan God lavoa sine hagavi kea nu lolia be tav vora mulei vai lol doronhohov lol rahuan n̄ava, bwatuna be Jisas Kraes nu tomare nin mateana.

1 Pita 5:3

Gisav vora te tomuai lololhoroga ḡoro sinombu be gim gitaḡoro, take giv vora malel tavtavuha lalainira.

2 Pita 1:10

Ira tuaku atamwani i vavine, giv vinihi hahavwani be kimiu mwasigi gin uloiana i gin gitan lua sivi God. Kebe giv lol ginau duluai geki, gisav hovi te dumwi.

2 Pita 1:19

Geki haḡea nu lolia mwa melmelo lalai kamai gin roroi be atatun vevsera ran vevea. Nu tavuha hurigo be gov huri sosori hano be ran vevea i kimiu giv huri gigita lol ute meto, vaivotu be gubwen̄i vi tau bwatuna i mahoe vi tomare lol sibwen̄imiu.