1 Tesalonaeka 1:3 - Hano Niu Testamen

³ Gam binihi dumwia tagaro lolmatan God Tamanda ginau duluai be gin lolia huba, bwatuna nomiu binihimwasigi garagusi i rovoga be gin lolia bwatuna nomiu lolotabetabe. I gam avkaria be gim wasi radu bwatun nomiu doronhohov lol Ratahigi Jisas Kraes.

1 Tesalonaeka 1:3 ပူးပေါင်းရင်းမြစ်များ

Leo Tavuha gabe Jon nu Ravae 14:15

“Be gim dabeau giv ḡoḡoi noḡu leohorai.

Leo Tavuha gabe Jon nu Ravae 15:10

Be gim dabe noḡu leo horai giv togo lol noḡu lolotabetabe, kunia gabe nam dabe leo horai non Tamaḡu i nam dogo lol non lolotabetabe.”

Lalaḡova 10:31

i kea mwa bevea lalaiau be, ‘Konilias! God mwa ron̄ nom tataro i mwa ilo nam lalaḡov tavuha huri lolotabetabe.

Lalaḡova 3:19

Nu vevea be giv binihi leahi i giv tabagilu huri God, huri be vi binihi kaburai vuromiu. Be giv lolia kunia,

Ravrava non Pol lalai ata Rom 12:12

Gov ron̄ mwandavuha huribe nom doronhohov mwa hohovi huri ginau tavuha nin God. Gov lin̄ maḡemu lol taro ririhai, i gov tataro vataha mahavana.

Ravrava non Pol lalai ata Rom 15:13

Nam dataro lalai God be mwa hogoi doronhohov be vi hogon bamasiri kimiu gin ron̄ mwandavuha i tamwata lol taro be giv binihimwasigi garagusi aluna. I nomiu doronhohov vi maumauri gin muramura non Vui Sabuga.

Ravrava non Pol lalai ata Rom 15:4

Ginau duluai be nu ravana tuai nu ravae be vi vagahi gida. Ravrava sabuga mwa lol gida tam lin̄ maḡemu i mwa lai avoan dura lalai gida huri be vi lol gida tav doronhohov.

Ravrava non Pol lalai ata Rom 16:26

Nu loliana mwa melmelo sivi ravrava nin ira atatun vevsera. I hurin avoan wasi non God, be mwa dogo vai tuai mwa loliana lalai ureure duluai huribe kera rav binihimwasigi i rav gogonainia.

Ravrava non Pol lalai ata Rom 16:6

Avoan helheloi mulei lalai Mere, be nu lol rovoga hahavwani huri kimiu.

Ravrava non Pol lalai ata Rom 2:7

Atatu rituai, be ram lol rahurahui ginau tavuha, rav togo huri lalaḡova non God, huri binihi marahi, i huri rahuana be nogonana sigai. God vi lai lalainira rahuana vai tuai.

1 Korin 13:13

I ginau gaitolu geki ram du rahurahu vai tuai: binihimwasigi garagusi, doronhovhov, i lolotabetabe. Ta ginau mutai alolora kea lolotabetabe.

1 Korin 15:58

Ira tuaku, giv tu wasigi. Gosav lin̄ te ginau vwate be vi leahigo. Gov lin̄ mulei duluainigo huri rovoga non God, huribe gom iloe be nom rovoga lol God mwa hav van te kaburai.

2 Korin 2:17

Gam hav salei te avoana non God huri be gav lai homu aluna kun sinombu ivusi ram lolia huba. Take alun Kraes gam bev mwasigi lolmatan God, kun be kamai ira vwalaua huri non avoana.

Kelesia 1:4

Jisas mwa laia sibona huri vuroda be men lai lua gida nin ureure vuroga geki be tam dogo alolona, kunia be God tamanda nu lol vatuvwainia.

Kelesia 5:13

Ira tuaku, God nu uloi kimiu huba gi atat mwaribwesi, take gisav haḡo te nomiu ribwesiva gi hala vwate be vi lol kimiu gi atat vuroga sibomiu. Giv lol rovoga lalai kimiu sibomiu gin lolotabetabe.

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

Kelesia 6:9

Si hav sav gita te gida gin lolian tavuha. Tav lai vwain bilada gin rahuana vai tuai la mwasin tarona kebe si hav sav te gida.

1 Tesalonaeka 3:6

Take Timoti kadogaha nu mai mulei nin kimiu vai abemai nu tabagilu mai Roroi Tavuha vai abemai huri nomiu binihimwasigi garagusi i lolotabetabe. Nu vevea lalai kamai be kimiu mulei gim binihi dum kamai lol hal tavuha i be gim doron be gimen gita te kamai kunia be kamai mulei gam doron be gamen gita te kimiu.

2 Tesalonaeka 1:11

Kea haḡea huri hano gam dataro ḡaoḡao huri kimiu, gam hudali God be vi bului kimiu be giv togo la rahuana gabe nu uloi kimiu be giv togo aluna. Gam dataro be mai non muramura, God vi bului kimiu be giv lol ginau tavuha be gim doronia i giv lol rovoga be ram mai nin nomiu binihimwasigi garagusi.

2 Tesalonaeka 1:3

Ira tuaku mai ira hogosiku, tav avkari God vataha mahavana huri kimiu. Geki haḡea nu vavtutu, bwatuna be nom binhimwasigi garagusi mwa mauri vataha mahavana, i lolotabetabe be kimiu duluai gim do maia, huri be kimiu gaitutuvwai gim mauri.

1 Timoti 1:14

Take hogoi non nonda Ratahigi nu lai duluainia lalaiau, i mai hogoi gea nu mai i binihimwasigi garagusi i lolotabetabe lalai gida duluai be tam bulu lol Kraes Jisas.

1 Timoti 2:3

Geki nu tavuha, i lol samsamwarai God varahuda,

Hibru 10:36

Giv lin̄ maḡemu, bwatuna giv lol hano be God mwa doronia i giv lai havanau be God nu tatauleo be vi laia lalai kimiu.

Hibru 11:17

Haḡe bwatuna be Ebraham mwa binihimwasigi garagusi alun God, i mahavana gabe God mwa lol ron̄oe, take kea mwa lol dau huba be vi wehi nituna Aisak, be vi hogoi ginia lalai God. God nu lol tatauleo kera gea lalai Ebraham, i Ebraham nituna n̄an gaituvwa. Take mwa lol dau be vi wehia i vi hogoi ginia lalai God.

Hibru 13:21

Nam dataro huri be God huri tamwata vi lol kimiu giv lol vatuvwai be giv ron̄oe, i be giv lalaḡo bavtutu vataha mahavana. Nam dataro be Jisas vi bului kimiu be nomiu lalaḡova vi vavtutu lalai God. Lalai Jisas Kraes roroai vai tuai vai tuai! Amen.

Hibru 4:11

Haḡe bwatuna gea gida tav lol ron̄oe be tav haroro dum huri mambuana aben God. I sihav tavuha te maragai be vwate nin gida vi lolia kunira tuai be ran hav tabe te silon God, i rasav haroro te dumwi.

Hibru 6:15

Kunia Ebraham mwa lol non binihiva mwa n̄ava, i la hala gea, kea mwa lai dum ginau be God nu tatauleo huria.

1 Pita 3:4

Sigai, tavuha gea si mai alolomiu tavuhan Vui be mwa dogo ḡoḡonai i sihav lol te kaburai dumwi i nu tavuha liu, lolmatan God.

1 Jon 3:18

Naturirigi gisav avo tehe n̄an huri lolotabetabe, take gin nom lalaḡova.

1 Jon 3:21

Ira noḡu buluana, be nonda ron̄ova mwa davuha mai God, kunia tasav busbusi tehe be tamen mai sosori mai God.

1 Jon 3:3

Atatu duluai be ram haḡo doronhohov huri Kraes, rav melmelo kunia be Kraes nu melmelo.

1 Jon 5:3

Tam seserai nonda lolotabetabe huri God la hala gabe tam dabe non leohorai. I ran hav ririhai tehe be tamen huria.

Visirai 2:19

Nam ilo havanau be gom lolia nam ilo nom lolotabetabe, i nam iloe be gim bului maragai sinombu, i nomiu binihiva mwa du wasigi n̄avaigi, mwa hav hovi tehe, i nam iloe nomiu rovoga kadogaha mwa davuha nin amua.

Visirai 3:10

Bwatuna be kimiu gim du wasigi alun noḡu tatauleo, i nav gita ḡoro tavuhai kimiu mulei lol taro ririhai be mwa mai lol ureure be men lol ron̄ sinombu duluai ata lol ureure.