1 Pita 5:8 - Hano Niu Testamen

⁸ Giv tuḡoro kimiu sibomiu i giv gitaḡoro! Atmate, nomiu ivwalu, be mwa bataha ute kun abe Laion gangani mwa hiḡe atatu be men gania.

1 Pita 5:8 ပူးပေါင်းရင်းမြစ်များ

Matiu 13:39

Ivwalu gabe nu riv urute kea haḡea Vui Hantai. Mahavan harahara kea haḡea nogonan gubwen̄, i atatun rovoga be ram hara koni kera ira enjel.

Matiu 24:42

“Giv gitaḡoro, bwatuna gim hav ilo te gubwen̄i be nomiu Ratahigi vi mai alolona.

Matiu 25:41

“Vuvuri nai vevea lalainira la mwairiku be, ‘Giv vis dagai niniau! Silo vevegi non God mwa dogo alumiu huba. Giv vano vai lol gabin ron̄ḡagarasi gabe si hav mate te dum, gabi gea gabe nu lol dautauana huri Setan mai non enjel duluai.

Matiu 4:1

Haḡe Vui Sabuga mwa domuai Jisas vai la vanua vuroi be Vui hantai men lol ron̄oe.

Matiu 4:11

Haḡe Vui hantai mwa siv derainia, haḡe ira enjel ram mai ram ḡitaḡoro Jisas.

Leo Tavuha gabe Mak nu Ravae 4:15

Atatu rituai ran ḡun biri gabe ram hovi la hala; batena gabe ram ron̄ avoana, Setan mwa mai mwa lai dagainia.

Leo Tavuha gabe Luk nu Ravae 21:34

“Giv mamata ḡoro kimiu sibomiu! Gisav mahin̄a tehe be giv van lol ginaganian lalavoa tagaro i gisav mwin te maragai wai i gisav binbinihi tehe huri rahuana geki, bereva Gubwen̄imwa gim mai vilvilehi,

Leo Tavuha gabe Luk nu Ravae 21:36

Giv mamata i giv tataro tagaro be rahumiu vi wasi be gimen van sivigi dum dagai nin ginau kera uhu gabe rav loli, i be giv tu dum la lolmatan Nitun Atatu.”

Leo Tavuha gabe Luk nu Ravae 22:31

“Saimon, Saimon! Gov ron̄oe Setan mwa lai tanona be men lol ron̄ kimiu duluai, be men harabora ginau tavuha nin ginau hantai kun gabe atatun ute loloara mwa harabora mwasin koni nin bwagavina.

Leo Tavuha gabe Jon nu Ravae 8:44

Kimiu haḡea ira nitun tamamiu, gabe Setan, i gim doron be giv huri binihiva non tamamiu. La bwativuna kea atat wehiwehi atatu, kea mwa hav vora te mwasigi bwatuna gea mwasigi sigai alolona. Mahavana gabe mwa dentene kea mwa lol ginau hurin mwasin alen̄ana, bwatuna gabe kea tenteneana i taman ira tenteneana duluai.

2 Korin 2:11

Nam lolia kunia be Setan sihav surai te dum havanau vwate nin kamai, bwatun be gam ilo tavuhai taritari non Setan duluai.

Ifisas 4:27

Gosav havan̄ te gatava lalai atmate be vi muramura ḡorogo.

Ifisas 6:11

Giv tau mwasin haḡohaḡon bwaloana non God huribe gov bwalo dumwi mai ira hal viletelete non atmate.

1 Timoti 2:15

Take vavine vi varahua sivi bavavana, kea be rai van rahurahu lol binihimwasigi garagusi, lolotabetabe, i togoan sabuga, mai vwalaua.

1 Timoti 2:9

Mulei, ira vavine rav saga gaisaga tavuha be rav seserai binihi marahi i vwalaunia sibona rasav lol te il n̄an̄ava be rai viria sa be rav ulia gin ul an̄oga sa lalan̄an gitavanana sa gaisaga be volvol marahi.

1 Timoti 3:11

La hala n̄an gea, ira vavine mwa du be atatu rav binihi marahinira. Kera rasav vev te bwarebware atat dodolua. Rav vwalaunira sibora, i rav binihimwasiginira lol ginau duluai.

1 Timoti 3:2

Tomuai non uloilua sihav lol te ginau be sinombu rav vinihi hantainia, i vivora tasalana n̄an gaituvwa. Kea vi vwalaunia sibona gin mataisao, atat dodolua rav binihi marahinia. Vi laiḡoḡo dumwira be non tausala, i vi vagahi dumwi.

2 Timoti 4:17

Take Ratahigi mwa dogo maiau i mwa lai muramura lalaiau be nai vev dum duluai Leo Tavuha lalainira be ram hav vora te ata la varan Israel. Kunia be nu varahuau nin bwan̄on laeon.

Taetas 1:8

Tomuai wani be mwa lol vatuvwai be vi lai ḡoḡo tausala, vi tabe havanau be nu tavuha, vi mataisaoga, i vi to bavtutu, vi togo la hala be nu sabuga, vi togoinia sibona.

Taetas 2:12

Mwa bagahi gida be tasav van te burigai God sa tasav lol te ginau hahantai be ureure mwa doronia. Take, hogoi non God mwa bagahi gida be kadogaha tav togo gin mataisao i lol hal vavtutu i lol hala kea be mwa seserainia be tam lol lalaḡova non God.

Taetas 2:2

Gov vagahi ira atat metuaga be rav togonainira sibora, lol binihi marahi, lol mataisao, lol binihimwasigi garagusi, lol lolotabetabe i lol alen̄ara.

Taetas 2:4

Vuvuri kera rai vagahi ira vavin gara be rav tabe ahoara i be rav tabe ira nitura,

Taetas 2:6

Kunia mulei giv av dura ira malaḡelo be rav mataisaoga.

Jemes 4:7

Lai duluai rebehimwa lalai God. Tu wasigi ḡoro atmate, i atmate vi rovo ginigo.

1 Pita 1:13

Giv lol vatuvwai binihimiu huri rovoga i giv gitaḡoro rebehimiu. Nomiu doronhohov duluai sivora non hogoi huri vatavuha be vi vora nomiu lol taro be Jisas Kraes vi visirai abemiu.

1 Pita 4:7

Taro vi sosori be ginau duluai vi nogo. Giv binbinihi tavuha i giv vwalau rebehimiu sibomiu i kimiu giv lol dumwia be giv tataro.

Visirai 12:10

I nam ron̄ silo gaivua lol ute ata amare mwa bevea be, “Kadogaha varahuva non God mwa barahu gida! Kadogaha God mwa seserai non muramura kun gabe ratahigi Lavoa! Kadogaha non Wani Vurai mwa seserai non tanon lavoa! Huri be kea gabe nu tu la lolmatan nonda God i mwa bevegi ira tuada rani i bon̄i, nu vohaiana kaburai nin ute amare.

Visirai 12:12

Bwatuna gea samwarana, giḡo lol mahao, i kimiu duluai be gim du ataa! Take vi hantai maragai lalai ureure i tahi! Bwatuna be Atmate mwa himai hurigo, i kea nu masiri gin n̄alana i lolhoro, bwatuna mwa iloe be non taro vwelvwele maragai.”

Visirai 12:9

I ram bohai kaburai drakon, kea teltele bwatavwega ataa lol ureure tuai be mwa uloiana be Atmate, sa Setan be mwa sine ureure duluai. Kea mwa bohaiana himai vai lol ureure geki, maira non enjel duluai.

Visirai 20:10

Haḡe atmate be mwa ruruhira vi vohai kaburainia vai lol numbun wain gabi tabwalue mai salva. I Kea vi togo aia maira ginau rahu turu i ira atatun vevsera tentene, i rav ron̄ḡagarasi bon̄i i rani mosmosianana sigai.

Visirai 20:2

Kea gabe drakon ata tuai gea, be mwa iloana mulei be atmate mai Setan.