1 Pita 5:5 - Hano Niu Testamen

⁵ La hala n̄an gea, ira mwalaḡelo gara mwa du maragai be giv togo halaten ira bwatmetue. I kimiu duluai mwa du maragai be giv binihi bahivoi kimiu gaitutuvwai. “God mwa avo vai alun ravwegana, take mwa lai vatavuha lalai ira lolo maḡemu.”

1 Pita 5:5 ပူးပေါင်းရင်းမြစ်များ

Leo Tavuha gabe Luk nu Ravae 22:26

Take geki mwa hav vora te hala be giv huria; ihei nin kimiu be vi vora lavoa, kea vi mai gi tihigi atatu alolomiu duluai, i tomuai vi mai kun be atatun rovoga.

Ravrava non Pol lalai ata Rom 12:10

Giv tabetabe kimiu gaitutuvwai. Gov lai lalai atat dolua lolotabetabe liu be lalainigo sibomwa.

Ravrava non Pol lalai ata Rom 13:14

Take gov sagago mai ratahigi Jisas Kraes i gov vinihi malioi vuro be gom lolia hurin binihimwa sibomwa.

Ifisas 5:21

Giru vi vinihi marahi mulmulei kimiru kun be gumuru binihi marahi Kraes.

Filipae 2:3

Batena be gim lol ginau gisav lolia tehe gin bugurana sa binihiv sage be vi tomuai kimiu. Hala kun geki, giv haḡo binihiv bahivoi i giv lai binihi marahi lalai atat dodolua liua be huri kimiu sibomiu.

Kolosi 3:12

God nu gita luago i mwa loligo i non atat sabuga. Mwa dabego. I kunia gov sagago lol ginau haḡe kerageki: Gov hagav atat dolua, gov tabetabe, lin̄ mulei, sine hagavi, i ron̄ mwan̄ava.

1 Timoti 5:1

Gosav avo te gin lolhoro lalai atat metuaga, take avo lalainia kun be kea tamamwa. Gov avo mai ira malaḡelo kun be ira tua.

Hibru 13:17

Giv ron̄ silon nomiu tomuai, i giv huri nora avoana. Ram gitaḡoro tavuhai kimiu be ram hav mambu tehe. I rav vev ginau n̄oton̄oto lalai God huri havanau be ram lolia. Be giv ron̄ silora kera rav ron̄ mwandavuha lol nora rovoga. Be gosav ron̄ora tehe kera rav ron̄ mwahantai. Ginau gea barabe vi bului dum kimiu.

Jemes 4:6

Take hogoi be God mwa daua aloloda gaivua maragai, kun ravrava sabuga mwa bevea be, “God mwa avo vai alun ravwegana, take mwa lai hogoi lalai ira maḡemu.”

1 Pita 3:8

Nogonana, kimiu duluai gis togo lol dameana, giv ilo kimiu gaitutuvwai, giv tabetabe kimiu kun abe ata lol imwa gaituvwa, giv maḡemu i giv tavuha.

1 Pita 4:1

Bwatuna be Kraes nu ron̄ ḡagarasi lol rebehina, giv tu wasigi i giv vinihia la hala n̄an Kun Kraes. Atatu be nu ron̄ ḡagarasi lol rebehina nu nogo nin vuro.

1 Pita 4:5

Gubwen̄ vwate rav vev melmeloinia lalai God, kea be mwa lol vatuvwai be vi vevegi rahuana i mateana.