1 Pita 5:2 - Hano Niu Testamen

² ira gitaḡoro i vatugigi non God, i hurira be gim ḡitaḡorora. Giv gitaḡorora bwatuna kimiu mulei gim doron, mwa hav vorate bwatuna be ram ḡaroi bonogai kimiu. Geki haḡea kun hanigi God mwa doronia. Giv lolia bwatuna be kimiu gim ron̄ mwandavuha be giv bulbului kimiu, mwa hav vorate huria be gim doron homu.

1 Pita 5:2 ပူးပေါင်းရင်းမြစ်များ

Leo Tavuha gabe Luk nu Ravae 12:32

“Gisav matagu tehe ira nitui sipsip bwatuna be Tamamiu mwa samsamwara be vi lai Rahuan Gara lalai kimiu lol ute gabe kea mwa ratahigi alolona.

Lalaḡova 20:29

Nam iloe be, la mahavana be nai vano, viriu turu rav mai atagumiu ba ḡan n̄oton̄oto sipsip.

Lalaḡova 21:13

Take mwa bwaliura be, “Gim lol havanau, gim haharigi i gim lol hantai irubwiku? Nam lin̄ muleiau siboku, mwa hav vora te huria be ramen vauhiau Jerusalem, take huri be namen mate aia la ihan Ratahigi Jisas.”

Ravrava non Pol lalai ata Rom 1:15

Kea haḡea huri hano nam doron be nav toretore la Roroi Tavuha lalai kimiu Rom.

1 Korin 9:7

Atatun bwaloana vwate sigai be mwa ban huri bwaloana, take mwa bol mulei halana sibona n̄ano gin non homu sibona? Atatun ute loloara vwate sigai be mwa riv taligaon waen take mwa hav gan te dumwia lol bilan uwmwan taligaon waen? Atatun radaiḡoro sipsip vwate si hav gita te ḡoro sipsip ita sihav mwin te hun huhura?

1 Timoti 3:3

Sihav mwin te lavoai waen sage si hav taltale tehe be men bwalo, take mwa du be vi maḡemu i vi lol dum tamwata, mwa hav dorodoron te homu.

1 Timoti 3:8

La hala n̄an gea, ira dikon atatu rav binihi marahinira, rasav vev te avoana be ran hantai. Kera rasav mwin te lavoai waen sage be rav lol ron̄oe be ramen ratahigiga gin hal tentene alun atat dodolua.

Taetas 1:11

Kera gea rav mambu, bwatuna be ram lol ḡoro atatu duluai gin silo vagahi be rasav vagahi te ginia. Kera ram rosoga gin hal hantai be ram lolia lalai sinombu.

Taetas 1:7

Vwalaua non God tomuai, atatu be mwa hav vuroga tehe be vi lol bwatigoro be vi bugura sage vi lolhoro vilvilehi. Sihav mwin te daltalei waen, be vi doron be men bwalo, sa vi lol ron̄oe be vi rosoga alun hal lete alun atat dodolua.

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

Taetas 3:1

Vev serae lalai ira binihimwasigi be rav binihi marahi ira tomuai be ram haḡo roron̄o ira tomuai be ram muai ḡoro vanua, rav roron̄tainira rav lol vatuvwai be rav lalaḡoi tavuha,

Filimon 1:14

Take nam hav doron tehe be nav lol havanau tehe be nam hav hudalinigo tehe muana, huribe havanau tavuha tehe be gom lolia nu hav vora te huria be nam ḡaroinigo.

Hibru 12:15

Giv gitaḡoro tavuhai kimiu be vwate nin kimiu sihav taleva tehe, be men van dagai nin hogoi non God. Gosav vora te kun bwatun vutu be mwa mauri i mwa mai gi gai garagara.

2 Pita 2:3

Ira vagahi tentene kera geki ram doron nomiu homu, i kera rav haḡo kimiu i rav tentene lalai kimiu. Nora harahara ran avo vai alura tuai mwa mai radu i nora hantai mwa mwasigi.