1 Pita 5:14 - Hano Niu Testamen

¹⁴ Giv bulbul tagai kimiu gaitutuvwai gin lolotabetabe non God lol taro be gim bisogari. Tamwata lalai kimiu duluai be gim dogo lol Kraes.

1 Pita 5:14 ပူးပေါင်းရင်းမြစ်များ

Matiu 5:47

Be giv vev ran tavuha lalai nomiu buluana n̄ano, kunia gim hav liu tehe lalaḡova non atatu dodolua. Ira len̄len̄aga mulei ram lol dum kunia.

Leo Tavuha gabe Jon nu Ravae 14:27

“Tamwata haḡea ginau gabe nam derainia mai kimiu; noḡu tamwata siboku gabe nam laia lalai kimiu. Nam hav laia tehe kun gabe ureure mwa laia. Gisav binbinihi te lavoai; i gisav matagu tehe.

Leo Tavuha gabe Jon nu Ravae 16:33

Nan vev ginau geki lalai kimiu huribe, giv lai tamwata ginia, huribe be giv bul gaituvwa aluku. Ureure vi lol kimiu giv ron̄ ḡagarasi. Take giv tu wasigi! Nan rihu maragai nin ureure!”

Leo Tavuha gabe Jon nu Ravae 20:19

Haḡe la Sande ute ravravi, ira roron̄tai ram ḡoḡo ute gaituvwa i ram dogo lol gatav goro, bwatuna be ram matagui ira tomuai nora Jius. Jisas mwa mai mwa du boralolora mwa bevea be, “Tamwata na togo abemiu.”

Leo Tavuha gabe Jon nu Ravae 20:26

Atagun wik gaituvwa ira roron̄tai ram dogo ute gaituvwa mulei lol gatav goro, i Tomas bul maira. Gatava nu lok, take Jisas mwa mai mwa du bora lolora mwa bevea be, “Tamwata na togo abemiu.”

Ravrava non Pol lalai ata Rom 1:7

Lalai kimiu duluai Rom gabe God mwa doron kimiu i nu uloi kimiu be giv vora ira non atat sabuga: Noḡu tataro, be God, tamanda, mai Jisas Kraes, raru vi tau hogoi i tamwata be vi togo mai kimiu.

Ravrava non Pol lalai ata Rom 16:16

Giv lol avoan helheloi geki i giv bulbultagai. Uloilua non Kraes duluai Ram hora nora avoan helheloi lalai kimiu.

Ravrava non Pol lalai ata Rom 8:1

I kadogaha, kera gabe ram rahu mai Kraes Jisas, kera varate ram lai silo vevegi wasi.

1 Korin 1:30

Take God nu haḡo bul kimiu alolon Kraes Jisas, i God nu lol Kraes be vi vora nonda mataisao. Sivi Kraes haḡea mwa dau bavtutui mulei gida lol God i mwa lol gida tam bora atat mataisaoga, i mwa ḡita batoi gida i mwa lol sabugai gida.

1 Korin 16:20

Ira tuada duluai teti ram hora nora avoan helheloi. Giv avkarira mai gangan bwan̄o be nu sabuga lol taro be giv vihabwehabwe.

2 Korin 13:12

Giv lai ḡoḡo gaitutuvwai alolomiu gin bulbul tagai sabuga.

2 Korin 5:17

Be ihei kea bilan Kraes, kea mwa mai gi atat gara. Rahuan ata tuai mwa nogo. Ginau duluai ram mai gara.

Ifisas 6:23

Tamwata i lolotabetabe lalai kimiu nin God Tata i Ratahigi Jisas Kraes mai binihimwasigi garagusi.

1 Tesalonaeka 5:26

Giv helheloi ira binihimwasigi gin walharaḡo sabuga.

1 Pita 1:2

God nu lol dautau kimiu amua be vi gitalua kimiu i vi lol kimiu giv vora non atat sabuga, gabe rovoga non vui. God mwa doron be kimiu giv ron̄oe i giv melmelo gin dagan Mateanan Jisas Kraes. Hogoi i tamwata vi vora nomiu i vi liu.

3 Jon 1:14

Nam binibe nav gitago si hav n̄ava tehe i nav avo maigo be tav gitagita gida.