1 Pita 5:1 - Hano Niu Testamen

¹ Kadogaha nam do mai ginau vwate be nav vevea lalai ira bwatmetue lol nomiu vatugigi. Inau mulei nam bora bwatmetue. Nan gita ron̄ ḡagarasi non Kraes duluai, i nav bete lol sarisari be vi seserai nia lalai gida. Nam hudali kimiu mulei,

1 Pita 5:1 ပူးပေါင်းရင်းမြစ်များ

Leo Tavuha gabe Luk nu Ravae 24:48

Kimiu haḡea turatura huri ginau kera geki.

Lalaḡova 1:8

Take giv masiri gin muramura mahavana be Vui Sabuga vi himai alumiu, i kimiu giv vora gaituraku lol vanua Jerusalem, i lol vanua Judia duluai mai Samaria vava vi votui nogonan ureure.”

Lalaḡova 11:30

Haḡe ram lolia vuvuri ram hora Banabas i Sol mai vai lol liman ira bwat metua ḡoro imwa tataro aia.

Lalaḡova 14:23

Haḡe ramuru ḡita lua tomuai vataha imwa tataro, i ramuru dataro gin maro gagasi huria lalai Ratahigi gabe ram binihi mwasigi aluna.

Lalaḡova 15:4

I mahavana be ram botu Jerusalem, ira binihimwasigi mai ira hala, i ira bwatmetua ram lai ḡoḡora. Haḡe Pol maira rituai ram bevuri ginau duluai lalainira kunhanigi God mwa lalaḡo sivi nora lalaḡova.

Lalaḡova 15:6

Haḡe ira hala mai ira bwat metua ram ḡoḡo bulbulu be ramen binbinihi alun avoan hudaligi geki.

Lalaḡova 2:32

God nu lol barahu wani gea Jisas huba nin mateana, i kamai duluai haḡe gam seserai luae huri ginau gea.

Lalaḡova 20:17

Pol mwa hora avoana nin Maelitas vai Ivisas, mwa hudali ira bwatmetua lol uloilua aia be vi gitara.

Lalaḡova 20:28

Giv gita ḡoro kimiu sibomiu, i giv gita ḡorora gabe Vui Sabuga nu taura la limamiu. Kimiu giv vora radaiḡoro huri uloilua non God, gabe kea nu lolia huria sibona sivi mateanan Nituna.

Lalaḡova 21:18

Haḡe gam dogo aia mwa rani gam bano bul mai Pol be vi gita Semes; i ira bwatmetua ata lol uloilua ram dogo aia mulei.

Lalaḡova 3:15

Haḡe kunia gim wehi atatu gabe mwa domua huri rahuana, take God mwa lol domareinia atagun mateana, i kamai haḡea gaitura huri ginau geki.

2 Korin 5:1

I tam iloe huba be rebehida kea kun imwa haohao be tam do alolona teti lol ureure vi lolian kaburai. Take batena be vi nogo, God kea vi lol imwa vwate lalai gida. Sihav vora te imwa be liman atatu vi lolia: Lol tanon rebehi gea vi vora tanoi vwate amare be vi togo vai tuai.

2 Korin 5:8

Pol mwa bevea be, tasav matagu tehe. Tam doronia mwasigi be tav mwalue nin rebehi uhu i tav togo lol mwasin imwanda aben God.

Filipae 1:19

Bwatuna be kimiu gim dataro huriau i vui non Jisas Kraes mwa buluiau, nam iloe be taro ririhai uhu vi lai lalaiau noḡu ribwesiva.

1 Timoti 5:1

Gosav avo te gin lolhoro lalai atat metuaga, take avo lalainia kun be kea tamamwa. Gov avo mai ira malaḡelo kun be ira tua.

1 Timoti 5:19

Gisav roron̄tai te ihei be, mwa av vai alun tomuai vaivotu be atatu gairua sa gaitolu ran gitae.

2 Timoti 4:8

Kadogaha, gaisosorin bwatu mwa do dautau hohoviau. Gaisosorin bwatu be God nu tau bavtutuiau maia. God be mwa harahara bavtutu, kea vi lai gaisosorin bwatun gea lalaiau la Nogonan Gubwen̄. Sihav vora te lalaiau gaheku take lalainira duluai be ran hohovi gin lolotabetabe huria be vi mai mulei.

Taetas 1:5

Nan derainigo Krit be giv lol dum nogonogoi rovoga be mwa du be vi nogoiana huri be giv gita lua dum ira tomuai, lol ira bwatutun vanua, kunia be nan huhui halana lalainigo.

Filimon 1:9

Take bwatuna be nam dabego, loloku mwa hahavwani hurigo. Inau Pol, gabe bwatmetue kadogaha mulei inau atat vauvauhi huri Kraes Jisas,

Hibru 12:1

Gida sinombu ira atatu gabe ira gaitura non God ram du dalis gida, gabe tatan̄ana gabe ram du dalis gida gaivua maragai. Haḡe bwatuna gea, tav derai ginau duluai gabe ram duḡoro gida, i bwatigoro gabe ram haḡo wasi gida, i gida tav lol binihinda vi wasi, la hala gea be mwa du lol matada.

1 Pita 1:12

God nu seserainia lalainira be nora rovoga nu hav vorate hurira Sibora take huri kimiu, lol taro be nu veveana na ira mwasigi be gim ron̄oe kadogaha. Kera be ram doretore huri Roroi Tavuha lalai kimiu ran vev ginau kerageki mai buluiana non Vui Sabuga gabe nu horana nin ute atamare ginau alolona gabe ira enjel ram doronia be rav gitae.

1 Pita 1:7

Ginau hahantai geki ram mai be ramen gitae be nom binihimwasigi garagusi nu melmelo. Melmelo non binihimwasigi nu marahi liu vatan̄oga, Gabe vi Seserainia gin gabi be nu melmelo i vi nogonogo dumwi. Take nomiu binihimwasigi garagusi vi lai lalai kimiu uloi roroai i binihimarahi lol taro be Jisas Kraes mwa seseraiana lalai kimiu.

1 Pita 4:13

Take giv ron̄ mwandavuha be kimiu gim bului mai ron̄ ḡagarasi non Kraes bwatuna be kimiu giv ron̄ mwandavuha i giv masiri gin samwarana lol taro be Kraes vi mai mulei lol sarisari.

1 Pita 5:4

I lol taro be Kraes, muai radaiḡoro, vi mai, kimiu giv lai gaisosorin bwatu sarisari be sihav vano te dumwi na gabolanana.

1 Jon 3:2

Ira noḡu buluana, gida ira nitun God, take huria be tai vora atatu kun hanigi, kea mwa hav melmelo tehe lalai gida radu. Take tam iloe be mahavana be Kraes vi mai mulei, gida tai vora kunia, be tav gitae be kea mwasigi.

2 Jon 1:1

Nin muai bwatmetue ata lol imwa tataro. Lalai vavin gitalua mai ira nituna. Nam dabe kimiu duluai lol mwasigi. Avoana geki mwa hav mai tehe niniau siboku n̄ano take kera duluai be ram ilo mwasigi ram dabe kimiu.

3 Jon 1:1

Nin ira bwatmetue. Lalai mwasin tuaku Kaeas, gabe nam dabea lol mwasigi:

Visirai 1:9

Inau Jon, inau tuamiu i roron̄tai vwate non Jisas. Nam bulu mai kimiu lol ira ginau hahantai be ram dum kimiu n̄oto be mwa mai alura n̄oto be ḡogonai Jisas be Ratahigi Lavoa. Ram dau inau la vanua kolo Patmos, huribe nam bev lua avoana non God gin mwasigi be Jisas nu seserai luae.