1 Pita 4:9 - Hano Niu Testamen

⁹ Giv havan̄ imwamiu lalai kimiu gaitutuvwai, i gisav ḡurutu tehe huria.

1 Pita 4:9 ပူးပေါင်းရင်းမြစ်များ

Ravrava non Pol lalai ata Rom 12:13

Gov hogos atat non God be ram do ririhai. Gov lai tausala be ram doron ginau, vai la imwamwa.

Ravrava non Pol lalai ata Rom 16:23

Kaias mwa mahin̄aiau mai uloilua duluai be gam dogo lol imwana. Kea mulei mwa hora non avoan helheloi lalai kimiu, kunia mulei Erastas, gabe mwa ḡita ḡoro homu lol bwatun vanua lavoa aia, i tuada Kotas.

2 Korin 9:7

Gaitutuvwai alolomiu mwa du be vi hagainia kunia be nu binihi tuhia lol irubwina be vi hagainia kunia. Gosav hogoi tehe lol ron̄ mwahantai, mulei gosav hogoi tehe bwatun be gam ron̄oe kun be ram ḡorogoroinigo huria. God mwa dabe ihei be mwa hogoi gin samsamwara.

Filipae 2:14

Gisav ḡurutu tehe lol ginau duluai be gin lolia gin vigaigaiana.

1 Timoti 3:2

Tomuai non uloilua sihav lol te ginau be sinombu rav vinihi hantainia, i vivora tasalana n̄an gaituvwa. Kea vi vwalaunia sibona gin mataisao, atat dodolua rav binihi marahinia. Vi laiḡoḡo dumwira be non tausala, i vi vagahi dumwi.

Taetas 1:8

Tomuai wani be mwa lol vatuvwai be vi lai ḡoḡo tausala, vi tabe havanau be nu tavuha, vi mataisaoga, i vi to bavtutu, vi togo la hala be nu sabuga, vi togoinia sibona.

Filimon 1:14

Take nam hav doron tehe be nav lol havanau tehe be nam hav hudalinigo tehe muana, huribe havanau tavuha tehe be gom lolia nu hav vora te huria be nam ḡaroinigo.

Hibru 13:16

Gisav vinihi te malioi be giv lol ginau tavtavuha i giv bulubului kimiu huribe ginau kerageki mwasin raumatan ginau be God mwa samsamwara ginia.

Hibru 13:2

Giv vinihi dum silo lai laiḡoḡo tausala la vanuamiu. I atatu rituai ram laiḡoḡo ira enjel vai la vanuara take ram hav iloe tehe.

Jemes 5:9

Ira tuaku, gisav av te lolhoroga vai alumiu gaitutuvwai. Be giv lol alen̄a geki God vi vevegi kimiu. Vevegi gea mwa abena huba!