1 Pita 4:7 - Hano Niu Testamen

⁷ Taro vi sosori be ginau duluai vi nogo. Giv binbinihi tavuha i giv vwalau rebehimiu sibomiu i kimiu giv lol dumwia be giv tataro.

1 Pita 4:7 ပူးပေါင်းရင်းမြစ်များ

Matiu 24:42

“Giv gitaḡoro, bwatuna gim hav ilo te gubwen̄i be nomiu Ratahigi vi mai alolona.

Matiu 25:13

Haḡe Jisas mwa bev nogonogoinia be, “Kimiu giv mamata, bwatuna be gim hav ilo te gubwen̄i mai mahavan alo be ginau kera geki rav loli alolona.

Leo Tavuha gabe Luk nu Ravae 21:34

“Giv mamata ḡoro kimiu sibomiu! Gisav mahin̄a tehe be giv van lol ginaganian lalavoa tagaro i gisav mwin te maragai wai i gisav binbinihi tehe huri rahuana geki, bereva Gubwen̄imwa gim mai vilvilehi,

Leo Tavuha gabe Luk nu Ravae 21:36

Giv mamata i giv tataro tagaro be rahumiu vi wasi be gimen van sivigi dum dagai nin ginau kera uhu gabe rav loli, i be giv tu dum la lolmatan Nitun Atatu.”

Leo Tavuha gabe Luk nu Ravae 22:46

Haḡe Jisas mwa bevea lalainira be, “Gim dol maturu huri hano? Gitol tomare ba dataro, huri be gisav hovi te lol kalkaliana.”

Ravrava non Pol lalai ata Rom 12:12

Gov ron̄ mwandavuha huribe nom doronhohov mwa hohovi huri ginau tavuha nin God. Gov lin̄ maḡemu lol taro ririhai, i gov tataro vataha mahavana.

1 Korin 15:24

i nogonana vi mai. Lol taro gea Kraes vi lol kaburai ira tomuai, gitaḡoro, i ira muramura, i Kraes vi tau mulei ute ratahigi la liman God Tata.

1 Korin 7:29

Ira tuaku, geki haḡea binihivanan hano be nam bevea: Taro vwelvwele huba mwa du lalai gida. Mwa dau bwatuna kadogaha, kera gabe tasalara abena rav togo kun gabe tasalara sigai.

Ifisas 6:18

Tataro lol Vui Sabuga vataha mahavana gin lalan̄an tataro, gov hudaligi huri ginau n̄oto be gom doronia. Huria be gov lolia kunia gov lol vatuvwai i si hav savigo tehe. Gov tataro vataha mahavana huri sinombu non God.

Filipae 4:5

Giv lin̄ kimiu duluai rav gitae be kimiu atat maḡemu i sine tavuha. Ratahigi vi himai sihav vora te n̄ava.

Kolosi 4:2

Giv tu rahurahu lol nomiu tataro, giv mamata, i giv avkari God.

2 Timoti 4:5

Take giḡo gov togonainigo sibomwa vataha taro duluai. Dame ḡoro taro ririhai duluai. Gov lol rovoga be, gov toretore huri Leo Tavuha, i lol haraharai rovoga duluai be non atatun rovoga non God.

Taetas 2:12

Mwa bagahi gida be tasav van te burigai God sa tasav lol te ginau hahantai be ureure mwa doronia. Take, hogoi non God mwa bagahi gida be kadogaha tav togo gin mataisao i lol hal vavtutu i lol hala kea be mwa seserainia be tam lol lalaḡova non God.

Hibru 10:25

Tasav lin̄ te ḡoḡoana lol imwa tataro kunia be rituai ram lolia. Ninia gea tav turatura gida gaitutuvwai tagaro, bwatuna be gubwen̄in Ratahigi mwa abena be men mai.

Hibru 9:26

Be sivora kunia Kraes si lin̄ muleinia vaivusi la bwatun tauva vaivotu garigi. Ninia gea nu lin̄ dagana vatuvwa n̄ano batena be ureure mwa abena be men nogo. Kea nu lin̄ dagana vatuvwa n̄ano be nu dadariha be men lai dagai vuron atatu.

1 Pita 1:13

Giv lol vatuvwai binihimiu huri rovoga i giv gitaḡoro rebehimiu. Nomiu doronhohov duluai sivora non hogoi huri vatavuha be vi vora nomiu lol taro be Jisas Kraes vi visirai abemiu.

1 Pita 3:7

La hala n̄an gea, kimiu ira ahoai mwa du be giv togo mai ira tasalamiu la hala be mwa ḡita batoiana, Be kera ran mandamanda liugo. Take giv vinihi marahi nira, bwatuna God mwa lai vatavuha n̄an gea lalainira kebe nu laia lalainigo vatavuha be mwa lai rahuan mwasigi. Giv lol ginau kera geki bwatuna be ginau Vwate sihav tu te ḡoro nomiu tataro.

1 Pita 5:8

Giv tuḡoro kimiu sibomiu i giv gitaḡoro! Atmate, nomiu ivwalu, be mwa bataha ute kun abe Laion gangani mwa hiḡe atatu be men gania.

Visirai 16:15

“Giv roron̄tai! Inau nam mai kun gabe susurana! Samwarana lalai wani gabe mwa dogo mwa mamata ḡaoḡao ḡoro ira gaisagana, huria be sihav lago te dum vuroi be men busbusi lolmatan atatu!”