1 Pita 4:3 - Hano Niu Testamen

³ Amua gin lol bwarebware taromiu vaivusi i gim lol havanau be ira len̄len̄aga ran ron̄ mwandavuha ginia. Kimiu gin busbusi gin bwatigoro lol rebehi, doroniv hahantai, mwinmwin daltale, gisav mai tehe lol mwinmwin daltale be taḡana i bwatigoro mwa du alolona, nun vatu be mwa hav doroniana tehe mwa ḡogonai-ana.

1 Pita 4:3 ပူးပေါင်းရင်းမြစ်များ

Leo Tavuha gabe Mak nu Ravae 7:22

kun surana mai atat lagi, kun bugurana, avoan tentene, tul bonogai, binihiv sage i lalaḡov deḡeteḡe.

Lalaḡova 17:30

God nu ate ḡalau lalaḡova lete non sinombu mahavana be ran hav iloe te radu, take kadogaha mwa lol gida duluai la ureure be tav taleva nin nonda lalaḡova hantai.

Ravrava non Pol lalai ata Rom 13:13

Tav togo la alen̄ vavtutu, kun atatun ute rani. Ta sav la te bulbulu huri mwinmwin daltale huri ginau hantai. Atamwani mai atamwani rasav lol te bwatigoro ginginira sa vavine mai vavine. Bwaloana visigai mai binbinihi hantai.

1 Korin 12:2

Gim ilo taro be gin togo len̄len̄aga radu, gin huhui kimiu be gin gogonai ira nun vatu ginau be ram hav avo te dumwi.

1 Korin 6:11

Lol taro tuai huba, kimiu rituai haḡea kunia, take nu bwaga melmeloi kimiu huba. I nu lol sabugai kimiu, i nu tau bavtutui kimiu mai God lol ihan Ratahigi Jisas Kraes i mai Vuin nonda God.

2 Korin 12:21

Nan hen matagu be batena be nam mai vai abemiu mulei, noḡu God vi lolia nai busbusi lol matamiu. Bisata nav ron̄ mwahantai ginia ivusi be ram lol bwatigoro bwatun be ram hav leahi te rahura sa be rai van burigai nin bwatigoro be ram bulu gin rebehira i ginau ivusi be ram lolia.

Kelesia 5:19

Ginau vahala be vuro sibona mwa lolia ran melmelo: Kera be ram lol vahala mai vavine, ran hav melmelo tehe, ram lol ginau vahala maragai mai rebehi,

Kelesia 5:21

ram botui tovtovo non atat dolua, ram mwinmwinu daltale, ram lol ginaganian lalavoa gin doroniv hantai i ram lol ginau dodolua kungeki. Nam lai avoan wasi lalai kimiu kadogaha kunia be nan laia amua: Kera be ram lol ginau keragea rasav haḡo te houn ute ratahigi non God.

Ifisas 5:18

Gisav taltale tehe gin waen, gabe vi lol hantai rahumiu, take giv masiri gin vui.

1 Tesalonaeka 4:5

Gisav lol te rebehimiu lol bwatigoro mai vavine i atamwani kun ira len̄len̄aga.

Taetas 3:3

Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.

1 Pita 1:14

Kadogaha be gim bora naturirigi tavuha non God gisav mom dogo tehe kunia be gin togo tuai Gin hav ron̄ te batoia, i gin lol ginau hahantai be gin doronia.

Ravrava nin Jud 1:4

Atatu len̄len̄aga rituai ran haroro dahuligi vai lol nom tatan̄ana, kera ran avo vai alun God i ran leahi silo vagahin hogoi non nonda God be ram lol dum ginau hahantai, ram barihai didi lai Jisas Kraes vai alolora, nonda Ratahigi i God. Take tuai avoan sabuga mwa bevea be atat len̄len̄aga keragea rav lai silo vevegi.