1 Pita 4:16 - Hano Niu Testamen

¹⁶ Take kebe gom ron̄ ḡagarasi bwatuna be giḡo atatun Kraes, gosav busbusi tehe. Gov uloi roron God bwatuna be gom saga iha gea.

1 Pita 4:16 ပူးပေါင်းရင်းမြစ်များ

Lalaḡova 11:26

I garagusi mahavana be mwa habwea mwa laia vai Antiok, haḡe ira tarua geki ramuru dogo mai sinombun uloilua huri taulu gaituvwa i ramuru bagahi tatan̄an sinombu gaivua. Haḡe mwa siv vora muana be sinombu ram uloi ira binihimwasigi be atatun uloilua.

Lalaḡova 26:28

Akiriba mwa bevea lalai Pol be, “Lol mahavana vwelvwele tiri geki gom doron be gov loliau nai vora atatun uloilua?”

Lalaḡova 28:22

Take gam doron be gamen ron̄ nom binihiva, bwatuna be vataha ute gam iloe be sinombu ram avo huri tatan̄ana be gom dogo alolona.”

Lalaḡova 5:41

Mahavana be ira hala ram bwihavare, ram samsamwara, bwatuna be God vi vev dumwia ke ram dadariha be rav ron̄ ḡagarasi bwatuna Jisas.

Filipae 1:20

Nam binihi dautaua i nam doronhohov be nasav hovi tehe alun Kraes lol hano tehe take be nas haḡo binihiv wasi kadogaha, kun vataha mahavana, be nav seserai gaivuanan Kraes lol rahuku teti lol ureure, mwa dovon̄ai be nav togo sa nai mate.

Filipae 1:29

God nu lai binihi marahi la hala gairua, nu hav vora te huria n̄an be gim binihimwasigi lol Kraes take mulei huria be gim ron̄ ḡagarasi huria, hala saraḡo ram lai sarisari lalai Kraes.

2 Timoti 1:12

Nam ron̄ ḡagarasi kadogaha bwatuna be nam bev Leo Tavuha, take nam hav busbusi tehe, bwatun be nam ilo Jisas, wani be alolona nan binihimwasigi. I nam binihimwasigi be kea vi holḡoro havanau be nu taua aluku vai votu Gubwen̄i kea be vi mai.

Jemes 2:7

Kera haḡea be ram bev avoan hahantai vai alun Jisas, kea be mwa haḡo rahumiu.

1 Pita 2:12

Ira len̄len̄aga ran masiri i ram dogo dalis kimiu i rav vev dumwia be kimiu gim lol ginau hantai. Giv togo lol togoana tavuha huribe rav gita ginau tavuha be gim lolia i vi lai roroai lalai God lol taro be Kraes vi mai mulei. Ron̄ maḡemu huri roron̄o non atatu duluai.

1 Pita 4:11

Ihei tehe be vi avo ta mwa du be si vev avoana nin God. Ihei tehe be vi bului tuana ta mwa du be vi bului mai muramura be God nu laia bwatuna be lol ginau duluai God vi uloi roroai sivi Jisas Kraes. Muramura i ute roroai nona vai tuai i tuai. Amen.

1 Pita 4:14

Lol taro be atatu rav vev avoan hantai hurigo bwatuna be gom huri Kraes, giḡo gom lai vatavuha, bwatuna sarisarin vui, vui non God, mwa dogo maigo.

1 Pita 4:19

Kera be ram ron̄ ḡagarasi kunia be God mwa doronia mwa du be rav butu alun God huri atmatera huribe kea bwatun tauva. I rav tu rahurahu ba lol havanau be nu Vavtutu.