1 Pita 4:14 - Hano Niu Testamen

¹⁴ Lol taro be atatu rav vev avoan hantai hurigo bwatuna be gom huri Kraes, giḡo gom lai vatavuha, bwatuna sarisarin vui, vui non God, mwa dogo maigo.

1 Pita 4:14 ပူးပေါင်းရင်းမြစ်များ

Matiu 5:11

“Kimiu gabe atatu ram bev hantai kimiu, ram lol ḡagarasi kimiu, i ram hul hantai kimiu huri be kimiu noḡu atatu, kimiu mulei giv ron̄ mwandavuha.

Matiu 5:16

Kunia mulei kimiu giv lol seserai nomiu gigitana vi gigita la lolmatara atatu, be rav gita batoi nomiu lalaḡova tavuha. Haḡe rav siv uloi roron Tamamiu atamare.

Leo Tavuha gabe Luk nu Ravae 6:22

“Kimiu gabe atatu ram hun̄ai kimiu, i ram barihai kimiu, i ram bev hantai kimiu, i ram bevea be kimiu atat hantai, bwatuna be inau Nitun Atatu; giv ron̄mwandavuha!

Leo Tavuha gabe Jon nu Ravae 15:21

Take rav lol ginau duluai kerageki lalai kimiu bwatuna be kimiu noḡu atatu; huribe ram hav ilo te atatu gabe nu horau.

Leo Tavuha gabe Jon nu Ravae 8:48

Haḡe ram hudali Jisas ram bevea be, “Matuke gam hav vev te mwasigi gea batena gam bevea be giḡo ata Samaria vwate i vui hantai alolomwa?”

Leo Tavuha gabe Jon nu Ravae 9:28

Haḡe ram lolhoroinia ram bevea be, “Giḡo ha vwate roron̄tai non wani gea; kamai ira roron̄tai non Moses.

Leo Tavuha gabe Jon nu Ravae 9:34

Haḡe ram bwaliu muleinia be, “Giḡo gon vora i gom mauri hae lol vuro i kadogaha gom lol ron̄oe be gomen vagahi kamai?” Haḡe ram dau dagainia nin imwa tataro.

Lalaḡova 13:45

Mahavana be ira Jius ram ḡita sinombu gaivua be ram ḡoḡo, sinera mwa hantai ram bigaigai alun havanau gabe Pol mwa bevea ram rav kaburainia.

Lalaḡova 18:6

Haḡe mahavana be ram ban burigainiai ram bev ginau hahantai vai aluna, kea mwa lai tagu gin nora avoana ginia be mwa darudaruai taniavu nin non koti mwa bevea lalainira be, “Be kimiu giv sala, kimiu sibomiu giv lai silo vevegi huria! Take inau sigai. I kadogaha nai vano huri Lolobon̄i.”

Lalaḡova 28:22

Take gam doron be gamen ron̄ nom binihiva, bwatuna be vataha ute gam iloe be sinombu ram avo huri tatan̄ana be gom dogo alolona.”

Lalaḡova 5:41

Mahavana be ira hala ram bwihavare, ram samsamwara, bwatuna be God vi vev dumwia ke ram dadariha be rav ron̄ ḡagarasi bwatuna Jisas.

2 Korin 12:10

Haḡe nam samsamwara be nav sasagerega huri noḡu mandamanda, ram av leileiau ram lai taro ririhai lalaiau, nam ron̄ḡagarasi, i lalan̄an taro ririhai huri Kraes. Bwatuna be batena be nam mandamanda, vuvuri nam wasi mwasigi.

2 Korin 4:10

Gam datal mateanan Jisas lol rebehimai sibomai huri be rahun Jisas vi gitan dumwi alun rebehimai.

2 Korin 4:16

Bwatuna gea binihimai mwa hav hovi tehe, haḡe gam hav lin̄ te rebehimai be rav metuaga i rav mandamanda, take vui alolomai mwa lol kamai gam ḡara vataha gubwen̄i.

Kelesia 1:24

I atat binihimwasigi ran avkari God bwatuna inau.

Hibru 11:26

Nu ḡunia n̄ano be nu vevea be, be kera ras manuhi Wani Vurai gabe God vi horae vi himai, ta kea sihav busbusi tehe. Kea mwa ron̄ mwa davuha maragai alun ginau gea, ninia be mwa ron̄ mwandavuha gin ginau tavuha alun rahuana lol vanua Ijip. Kea mwa ron̄oe kunia huria be kea mwa ḡitae tagaro alun tavwe be God vi laia lalainia.

Jemes 1:12

Taro be sinombu kalkaliana mwa haḡo ron̄ora ram du wasi rahurahu, mwa du be rav samwara. Ataguna be ram seserai nora binihimwasigi God vi tavwera gin rahuana vai tuai. God nu tatauleo lalainira duluai be ram dabea.

Jemes 5:11

Bwatuna be kera ram du wasigi vataha mahavana i God mwa lolira ram ron̄ mwandavuha. Gim ron̄oe huba huri binihiv maḡemu non Job, i gim ilo ginau duluai be Ratahigi nu lolia lalainia atagu. Ratahigi nu tavuha maragai i mwa hagav atatu.

1 Pita 2:12

Ira len̄len̄aga ran masiri i ram dogo dalis kimiu i rav vev dumwia be kimiu gim lol ginau hantai. Giv togo lol togoana tavuha huribe rav gita ginau tavuha be gim lolia i vi lai roroai lalai God lol taro be Kraes vi mai mulei. Ron̄ maḡemu huri roron̄o non atatu duluai.

1 Pita 3:14

Take gaituvwa n̄an be gov ron̄ ḡagarasi huri lolian tavuha, giḡo gom lai vatavuha. “Gosav matagu te hano be ram mataguinia; gisav Virururu tehe gin ginau Kerageki.”

1 Pita 3:16

take giv vwaliua gin alen̄ maḡemu i binihi marahi. Binihimiu vi melmelo huribe kera be ram bev avoan hahantai huri nomiu rahuan tavuha lol Kraes rav busbusi.

1 Pita 4:16

Take kebe gom ron̄ ḡagarasi bwatuna be giḡo atatun Kraes, gosav busbusi tehe. Gov uloi roron God bwatuna be gom saga iha gea.

2 Pita 2:2

Ivusi rav huri nora hal bwatigoro i ram bev avoan hahantai huri hala be nu mwasigi.