1 Pita 4:1 - Hano Niu Testamen

¹ Bwatuna be Kraes nu ron̄ ḡagarasi lol rebehina, giv tu wasigi i giv vinihia la hala n̄an Kun Kraes. Atatu be nu ron̄ ḡagarasi lol rebehina nu nogo nin vuro.

1 Pita 4:1 ပူးပေါင်းရင်းမြစ်များ

Leo Tavuha gabe Mak nu Ravae 3:3

Haḡe Jisas mwa bevea lalai atatu limana nu mate be, “Hamai lua teti.”

Ravrava non Pol lalai ata Rom 6:11

Kunia mulei, giv gita kimiu sibomiu kunabe gin mate alun muramura non vuro i gim rahu mai God sivi Kraes Jisas.

Ravrava non Pol lalai ata Rom 6:2

Sigai! Tam mate alun vuron rahuda ata amua, i kun hanigi haḡea tav lol rahu be vi togo lol vuro vataha mahavana?

Ravrava non Pol lalai ata Rom 6:7

Mwa iloe be, lol taro be gom mate, gom hav togo tehe halaten muramura non vuro, take kea mwa maribwesi nin gao vauvauhi.

Kelesia 2:20

Ran tauau huri mateana alun volovolo huri Kraes, i nam mom dogo te mulei kea Kraes be mwa dogo aloloku. Nam dogo radu lol rebehiku, take nam dogo lol binihimwasigi garagusi alun nitun God be mwa dabeau i mwa lin̄ muleinia be men varahuau.

Kelesia 5:24

Kera gabe ram dogo lalai Kraes Jisas ram boha volvol mulei vurora sibora. Ram lin̄ mulei nora ron̄ova ata tuai i ginau hahantai be ram doronbe ramen lolia.

Ifisas 6:13

Kea haḡea mwa du maragai be gov tau haḡohaḡon bwaloana non God. I lol gubwen̄in atmate giḡo gov tu dum wasi. I lol taro be gov nogoi bwaloana gov tu dum wasi radu.

Filipae 2:5

Lol rahumiu giv binbinihi i giv lalaḡo kun Kraes Jisas.

Hibru 12:3

Nu tavuha be kimiu giv vinihi dum taro ririhai duluai be nu dumwia, gabe ira tomuai lete ran tomare ram ban burigainia. I kunia nomiu binihiva si hav hovi tehe take giv tu wasigi lol nomiu binihimwasigi garagusi.

Hibru 4:10

Bwatuna be ira hei tehe be rav haroro huri mabuana aben God, rav mambu harainira dum nin nora rovoga, la hala n̄an haḡe gea be God nu mambuharainia gin non rovoga la bwativuna.

1 Pita 2:21

Geki haḡea hano be nu uloinigo be gov lolia, bwatuna Kraes nu ron̄ ḡagarasi hurigo i nu tau malele be gov huria. Mwa du maragai be gos lolia kunia be nu lolia.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.