1 Pita 3:9 - Hano Niu Testamen

⁹ Gisav lol te hantai be vi vol mulei hantai, i gisav av te hantai be vi vol mulei avoan hantai lalainigo. Take giv vol mulei mai vatavuha bwatuna be kimiu sibomiu gin uloiana be giv lol ginau geki huribe kimiu giv lai vatavuha.

1 Pita 3:9 ပူးပေါင်းရင်းမြစ်များ

Matiu 19:29

I mulei kera gabe ram derai imwara, sa ira tuara, sa ira hogosira, sa ira tamara sa ira ratahira, sa ira nitura, sa ira bilara talu huriau, kera gea rav lai liu vavudolua. I rav haḡo rahuana vai tuai.

Matiu 25:34

Haḡe inau siboku Ratahigi Lavoa nai vevea lalainira la mwatuaku be, ‘Gin mai, na kimiu gabe Tamaḡu nu vatavuhai kimiu. Gin mai ba lai rahuan gara gabe Tamaḡu nu lol vatuvwainia huri kimiu la bwatun tauva.

Matiu 5:39

Ita inau nam bevea lalai kimiu be, gosav ḡele te hantai lalai hei be mwa loligo. Be ihei mwa rabas valamwa la mwatua, lin̄ia na rabasia la mwairi mulei.

Matiu 5:44

Ita inau nam bevea lalai kimiu be giv tabe nomiu ivwalu, i giv tataro hurira gabe ram lol ḡagaras kimiu.

Leo Tavuha gabe Mak nu Ravae 10:17

Mahavana be Jisas mwa dau bwatun non lagoana mulei atatu vwate mwa rovo vai abena mwa sisiabwau ḡoroe mwa hudalinia mwa bevea be, “Vagahi Tavuha, nav lol hano be nav haḡo dum rahuana vai tuai?”

Leo Tavuha gabe Luk nu Ravae 10:25

Haḡe Vagahin Silo vwate mwa mai mwa lol ron̄ Jisas gin avoan hudaligi be, “Vagahi nav lol hano te n̄an be nav haḡo dum rahuana vai tuai?”

Leo Tavuha gabe Luk nu Ravae 18:18

Haḡe tomuai vwate nora Jius mwa hudali Jisas mwa bevea be, “Vagahi Tavuha, nav lol hano be nav lai dum rahuana vai tuai?”

Ravrava non Pol lalai ata Rom 12:14

Gov lol tavuha lalai ira hei be ram lol hantainigo; gov lol tavuhainira i gosav lol te ḡagarasira.

Ravrava non Pol lalai ata Rom 12:17

Be atatu vwate vi lol bahala lalainigo, gosav vol te muleinia gin hantai. Gov lol ron̄oe be gov lol ginau be atatu duluai rav gitae be nu vavtutu.

Ravrava non Pol lalai ata Rom 8:28

Tam iloe be lol ginau n̄oto God mwa lol rovoga huri tavuha non atatu be ram doronia. Kera haḡea atatu be nu uloinira, huribe kea haḡea non binbinihi.

Ravrava non Pol lalai ata Rom 8:30

God nu lol binbinihi hurira be rai vora kun nituna; i kera gabe nu lolira be rai vora kun nituna, kea mulei nu uloinira; i kea be nu uloinira, mwa lolira mulei ram bavtutu la lolmatana, i kera be nu lolira ram bavtutu, kea mulei mwa lai rahuan tavuha lalai gida.

Kelesia 3:14

Kraes mwa lolia kungeki huribe vatavuha non God be nu tatauleo lalai Ebraham be rav mai sivi Kraes Jisas lalai ira Lolobon̄i. Jisas mwa mate huribe gin nonda binihimwasigi garagusi tav lai dum Vui Sabuga be God nu tatauleo huria.

Ifisas 4:32

Gov tavuha i gov mwemwearu mai atatu dodolua, goi binihi kaburai vuron atat dodolua kunia gabe God nu binihi kaburai vuromwa sivi Kraes.

1 Tesalonaeka 5:15

Giv gitae be ihei sihav vwaliu te vahalana gin vahalana. Take tagaro giv lol ron̄oe be giv lol hano be nu tavuha lalai kimiu gaitutuvwai i lalai sinombu.

Hibru 12:17

Tam ilo vevuriana be ataguna gea mwa doron be men lai mulei non tanon tuagai, i kea mwa ḡari maragainia be vi leahi hala gea be nu salainia huba, i kea mwa dan̄ihi maragainia, take sigai. I non hala gea nu lolia huba mwa du ḡoroe sibona.

Hibru 6:14

Kea nu tatauleo lalai Ebraham mwa bevea be “I nav lolia vi tavuha liu lalainigo i nav lol sinombu vi lulu la varamwa.”

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.