1 Pita 3:8 - Hano Niu Testamen

⁸ Nogonana, kimiu duluai gis togo lol dameana, giv ilo kimiu gaitutuvwai, giv tabetabe kimiu kun abe ata lol imwa gaituvwa, giv maḡemu i giv tavuha.

1 Pita 3:8 ပူးပေါင်းရင်းမြစ်များ

Matiu 18:33

Huri hano gom hav hagav te nom buluana kunia gabe nan hagavigo?’

Leo Tavuha gabe Luk nu Ravae 10:33

Take ata Samaria vwate mwa lago la hala n̄an gea batena mwa habwe atatu gea, binihina mwa masiri gin sine hagavi huria.

Lalaḡova 2:1

Mahavana be mwa botui gubwen̄in Vui Sabuga, ira binihimwasigi duluai ram ḡoḡo ute gaituvwa.

Lalaḡova 27:3

Haḡe mwa rani gam botu la vanua Saidon. Julias mwa davuha mai Pol i mwa lin̄ia be vi hivo vi gitara non buluana huri be rav lai te dum hano be mwa doronia lalainia.

Lalaḡova 28:7

Ute gea mwa hav vora te hautu nin tavihen tano vwate non ratahigi ata Molta, ihana Pablias. Kea nu lai ḡoḡo kamai gi non tausala huri gubwen̄ gaitolu.

Lalaḡova 4:32

Ira binihimwasigi ram dogo gin binihiv gaituvwa mai lolora duluai. Atatu vwate sigai alolora be mwa uloi non ginau sibona be nona gahena, take ram hara ginau be nora sibora batvatahara.

Ravrava non Pol lalai ata Rom 12:10

Giv tabetabe kimiu gaitutuvwai. Gov lai lalai atat dolua lolotabetabe liu be lalainigo sibomwa.

Ravrava non Pol lalai ata Rom 15:5

Lin̄ maḡemu i avoan dura mwa mai n̄ano nin God. I nav tataro be God vi tataro bului kimiu be giv dame mai ira tuamwa la hala be Kraes Jisas mwa doronia.

1 Korin 1:10

Ira tuaku, inau hala non Jisas Kraes, nam navohi kimiu be giv bulgaituvwa huribe harabora vi sigai lol davolamiu. Giv bulgaituvwa mai binihiv gaituvwa lol binihimiu mai alen̄amiu.

1 Korin 12:26

Be mavuvuda vwate mwa ron̄ mwahantai, rebehida n̄oto mwa ron̄ mwahantai maia. Take be rebehida duluai mwa ḡogonaiana, rebehi duluai ram bulu lol gogonaiana gea.

Ifisas 4:2

Giv lin̄ maḡemu vataha mahavana i giv togo ḡoḡonai, i giv ron̄ mwa n̄ava, i giv dame ḡoro vatvataha kimiu lol lolotabetabe.

Ifisas 4:31

Gosav hantai tehe sa lololhoroga n̄an haḡea, sage gosav vev te ginau be vi lol ḡagaras atat dodolua. Gosav lol te bwatigoro hahantai.

Ifisas 4:32

Gov tavuha i gov mwemwearu mai atatu dodolua, goi binihi kaburai vuron atat dodolua kunia gabe God nu binihi kaburai vuromwa sivi Kraes.

Filipae 2:3

Batena be gim lol ginau gisav lolia tehe gin bugurana sa binihiv sage be vi tomuai kimiu. Hala kun geki, giv haḡo binihiv bahivoi i giv lai binihi marahi lalai atat dodolua liua be huri kimiu sibomiu.

Filipae 3:16

Take mwa du be gida tav huri rahurahui mwasigi be tam haḡoe huba.

Kolosi 3:12

God nu gita luago i mwa loligo i non atat sabuga. Mwa dabego. I kunia gov sagago lol ginau haḡe kerageki: Gov hagav atat dolua, gov tabetabe, lin̄ mulei, sine hagavi, i ron̄ mwan̄ava.

Hibru 13:1

Giv tabetabe kimiu kunira huhu gaituvwa.

Jemes 2:13

Haḡe gov hagav atatu dodolua. Be gosav hagav te atatu God sihav hagavigo tehe lol taro be vi vevegigo. Take atatu be mwa hagav sihav matagu tehe lol taron vevegi.

Jemes 3:17

Take mataisao be mwa mai nin God kea muan ginau be nu melmelo. Ataguna tamwata, silo gogonai, i nu maron̄ron̄o be vi ron̄ mwahantai. Mataisao geki mwa lol vatuvwai be vi bului kera be ram dogo ririhai i vi lol tavuha lalai kera dodolua. Kea nu vavtutu i nu mwasigi.

Jemes 5:11

Bwatuna be kera ram du wasigi vataha mahavana i God mwa lolira ram ron̄ mwandavuha. Gim ron̄oe huba huri binihiv maḡemu non Job, i gim ilo ginau duluai be Ratahigi nu lolia lalainia atagu. Ratahigi nu tavuha maragai i mwa hagav atatu.

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

1 Pita 2:17

Giv to binihi marahi atatu duluai: Giv tabe ira atamwani i vavine nin ata lol imwan God, giv binihi marahi God i giv lin̄ maḡemu lalai ratahigi lavoa.

1 Pita 5:5

La hala n̄an gea, ira mwalaḡelo gara mwa du maragai be giv togo halaten ira bwatmetue. I kimiu duluai mwa du maragai be giv binihi bahivoi kimiu gaitutuvwai. “God mwa avo vai alun ravwegana, take mwa lai vatavuha lalai ira lolo maḡemu.”

2 Pita 1:7

be rovoga non God mwa dogo huba giv bulusia gin alen̄ tavuha lalai ira tuamwa; be alen̄ tavuha mwa dogo huba giv bulusia gin lolotabetabe.

1 Jon 3:14

Nonda lolotabetabe huri gida vatvataha mwa seserainia be, tan mwalue nin mateana vai lol rahuana. Take be gim hav lolotabetabe te kimiu, kea kimiu gim dogo radu lol muramura nan mateana.