1 Pita 3:21 - Hano Niu Testamen

²¹ I wai gea nu ḡun garuhisabuga be kadogaha mwa barahugo, i nu hav bwaga te dagai han̄ora nin rebehi, take tatauleo be nu loliana lalai God nin binihiv tavuha. I geki huribe Jisas Kraes nu tomare nin mateana.

1 Pita 3:21 ပူးပေါင်းရင်းမြစ်များ

Matiu 28:19

Bwatuna gea, giv van vai lol sinombu duluai vataha ute, i giv lolira gi noḡu roron̄tai. Giv garuhisabugainira vai lol ihan Tata i Nitui i Vui Sabuga.

Leo Tavuha gabe Mak nu Ravae 16:16

Ihei tehe mwa binihimwasigi i mwa ḡaruhisabuga vi rahu; ihei mwa hav binihi te mwasigi vi vevegia huria.

Leo Tavuha gabe Jon nu Ravae 13:9

Saemon Pita mwa bevea lalainia be, “Ratahigi, gosav bwaga te bwalageku n̄an! Take limaḡu, i bwatuku mulei!”

Lalaḡova 16:33

Haḡe lol bon̄i n̄an gea matmatai ḡoro huri imwa vauvauhi gea mwa laira mwa bwaga bagaha halan gai vivilisi lol rebehira; i kea maira ata la imwana duluai ram lai garuhisabuga darihou.

Lalaḡova 2:38

Haḡe Pita mwa bwaliura mwa bevea lalainira be, “Vatvataha atatu nin kimiu duluai vi vinihi leahi nin vurona duluai i vi lai garuhisabuga lol ihan Jisas Kraes Wani Vurai, huri be vuromiu duluai vi binihi kaburaiana, i giv lai hogoi non God, Vui Sabuga.

Lalaḡova 22:16

Matu kadogaha gomom hohovi huri hano? Tomare ba lai garuhisabuga i vi bwaga kaburai vuromwa ginia be gov tataro lalainia.”

Lalaḡova 8:36

I mahavana be ramuru hivo radu la hala, i ramuru botui ute gabe wai rituai aia, haḡe tomuai gea mwa bevea lalainia be, “Geki haḡea wai rituai. I havanau tehe mulei vi mom lol ḡoroau be namen lai garuhisabuga? Nam binihimwasigi be Jisas Kraes kea Nitun God.”

Ravrava non Pol lalai ata Rom 5:14

Take lol taron Adam vai lol taron Moses, sinombu duluai mwa du be rav mate, kera mulei be ran hav lol te vuro be ramen vahal avoana non God, kunia be nu haḡoe. Adam nu kun atatu be vi mai atagu.

1 Korin 12:13

Kraes kunia haḡea, rituai nin gida kera vara ira Jius, i rituai ira Lolobon̄i. Rituai nin gida ira turin rovoga, take rituai atat vuroi. Take gida n̄oto tam ḡaruhisabuga lol rebehi gaituvwa sivi Vui Sabuga gaituvwa. I nu tau gida duluai be tav harahara lol vui gaituvwa gea.

1 Korin 4:6

Ira tuaku mai ira hogosiku, Inau nam avo maragai la ihamaru mai Apolos kun gabe malele i kimiu giv huhuinia alumaru, huribe giv gita batoi ira binihivanan avoana kera geki, “Giv huri havanau n̄an lua be mwa ravae lol Ravrava Sabuga.” I aia gosav sagerei te atatu gaituvwa liu nin atatu dodolua.

2 Korin 1:12

Geki hano be gam ron̄ mwandavuha huria, i nai vev dumwia gin binihi melmelo be: lol ginau duluai be gan lolira huba lol ureure, liuhage mai kimiu gan vavtutu i gan mwasigi lol irubwi huri God. Gan lol dumwia gin hogoi non God, nu hav vora te gin mataisao be ureure mwa do maia

2 Korin 7:1

Ira tuaku, tatauleo uhu lalai gida nin God, tav lol gida siboda be tai melmelo tai maribwesi nin ginau be rav lol rebehida mai atmateda rav bibili. Tav lol ron̄oe be tav sabuga la hala be tam dogo aluna, bwatun be tam binihi marahi God.

Ifisas 5:26

be vi lolia gi bilan God. Kraes mwa avoinia gin avoana be men lol uloilua gim melmelo ginia be mwa bwagae gin wai.

Kolosi 2:12

Lol taro be gon garuhisabuga, ram davinigo mai Kraes, i gom domare mulei maia sivi nom binihimwasigi garagusi lol muramura non God gabe mwa seseraiana lol taro gabe mwa domarei mulei Kraes nin mateana.

1 Timoti 1:5

Binihiva huri avoan wasi geki huri be sinombu rav haḡo lolotabetabe, kea be mwa mai nin lolo melmelo i binihiva be nu tavuha i binihimwasigi garagusi vavtutu.

1 Timoti 6:12

Bwalo gin bwaloan tavuha gin binihimwasigi garagusi, ḡamus batugehi alun rahuana kea be mwa du rahurahu vai tuai. Nu uloinigo be gov haḡo rahuana gea batena be gon seserai lua tavuhainia lolmatara kera ivusi.

Hibru 10:22

I huri ginau geki nu tavuha be tam mai sosori aben God be binihinda vi melmelo i nonda binihimwasigi garagusi ran wasi. Amua binihinda ran bibili gin vuroda, mwa melmelo be tam ḡagaru lol wai melmelo.

Hibru 11:19

Take Ebraham mwa binihi dumwia be God vi lol dum atatu be mwa mate vi rahu mulei nin mateana. I kea mwa lai mulei dum nituna Aisak, nu abena kun be nu tomare mulei nin mateana.

Hibru 13:18

Giv tataro huri kamai. I lol nomai binihiva gam samsamwara, i gam lol ron̄oe be nomai lalaḡova vi vavtutu vataha mahavana.

Hibru 9:14

Take dagan Kraes vi lol rovoga wasi maragai. Kraes nu kun ginau rahu be ginau vwate nu hav hantai tehe lol rebehina be ram wehia huribe men lai dagai vuron atatu. Gin muramura non Vui Sabuga be mwa dogo vataha mahavana mwa lai rahun Kraes vai aben God. Dagana mwa lol binihinda mwa melmelo lol ginau duluai be tam lolia, huria be tav lol dum rovoga non God be mwa rahu.

Hibru 9:24

Kraes mwa hav haroro tehe lol Ute Sabuga be atatu sibora ran lolia be nunu n̄ano huri raumatan ginau. Take Kraes mwa haroro lol ute atamare sibona i kadogaha mwa du amare lolmatan God be men avo huri gida.

1 Pita 1:3

Uloi roroai lalai God i Tata non nonda Ratahigi Jisas Kraes. Lol ihan God lavoa sine hagavi kea nu lolia be tav vora mulei vai lol doronhohov lol rahuan n̄ava, bwatuna be Jisas Kraes nu tomare nin mateana.

1 Pita 3:16

take giv vwaliua gin alen̄ maḡemu i binihi marahi. Binihimiu vi melmelo huribe kera be ram bev avoan hahantai huri nomiu rahuan tavuha lol Kraes rav busbusi.