1 Pita 3:17 - Hano Niu Testamen

¹⁷ Nu tavuha be tav ron̄ ḡagarasi huri be tan lol ginau tavuha ninia be tas lol ginau hantai be kea haḡea God mwa doronia.

1 Pita 3:17 ပူးပေါင်းရင်းမြစ်များ

Matiu 26:39

Haḡe mwa mom bano, mwa hiv bahudui, mwa dataro, mwa bevea be, “Tata, be si dumwi, lai dagai lahan ron̄ḡagarasi geki niniau! Take noḡu doroniva vina ta nomwa n̄ano.”

Matiu 26:42

Jisas mwa mom bano mulei varuana mwa dataro, mwa bevea be, “Tata, be gosav lai te dagai laha geki niniau vai votu be nai mwin aluna, nom doroniva n̄an vi tu.”

Lalaḡova 18:21

I mahavana be mwa mwalue mwa bevea lalai nira be, “Be binihiva gea doroniva non God, nav tabagilu mulei huri kimiu.” Haḡe mwa mwalue dagai la waḡa vwate nin Ivisas.

Lalaḡova 21:14

I kamai gasav lol te dumwia, i kunia gam leahi nomai binihiva i gam dataro gam bevea be, “Ratahigi nom doroniva n̄an vi dumwi.”

1 Pita 1:6

Ginau geki mwa lol kimiu gim ron̄ mwandavuha maragai, n̄ano be kadogaha taro mwa bwelvwele lalan̄an ginau hahantai vi lol dum kimiu giv ron̄ mwahantai.

1 Pita 2:15

God kea mwa doronia be gin alen̄ vavtutu kimiu mwa du maragai be giv tuḡoro atat hahantai be ram bev avoan taltale huri kimiu.

1 Pita 2:20

Kebe giḡo gom wehiana huri nom ute lete, hala vwate sigai lalainigo be gov uloi roroainigo huri alen̄ maḡemu lol nom silo vevegi. Take be gov ron̄ ḡagarasi huri nom vavtutu, i giḡo gon maḡemu, kea God mwa ron̄ mwandavuha.

1 Pita 3:14

Take gaituvwa n̄an be gov ron̄ ḡagarasi huri lolian tavuha, giḡo gom lai vatavuha. “Gosav matagu te hano be ram mataguinia; gisav Virururu tehe gin ginau Kerageki.”

1 Pita 4:15

Gosav ron̄ te ḡagarasi huri wehi bonogai, surana, sage hava te alen̄ lete, sage bwatuna be gom lol bwarebware atat dodolua.

1 Pita 4:19

Kera be ram ron̄ ḡagarasi kunia be God mwa doronia mwa du be rav butu alun God huri atmatera huribe kea bwatun tauva. I rav tu rahurahu ba lol havanau be nu Vavtutu.