1 Pita 3:15 - Hano Niu Testamen

¹⁵ Take giv vinihi marahi Kraes kun abe Ratahigi sabuga lol lolomiu. Giv lol vatuvwai tagaro be giv vwaliu atatu duluai be ram hudaligi be giv vevea huri nomiu doronhohov,

1 Pita 3:15 ပူးပေါင်းရင်းမြစ်များ

Lalaḡova 21:39

Pol mwa bwaliua mwa bevea be, “Inau Jiu, nan vora Tasas la vanua Silisia, atatu vai la mwasin bwatutun vanua. I nam doron maragai be nav avo lalai sinombu.”

Lalaḡova 24:25

Take mahavana be Pol mwa bev rahurahuinia, mwa avo alun haltavuha, i halan tomuai, i gubwen̄in maiana huri vevegi, kunia Vilikis mwa matagu mwa bevea be, “Nu tavuha be gov mwalue haḡea kadogaha. I nav siv uloi te muleinigo be vi dumwi.”

Kolosi 1:23

Geki vi loli be gov tu rahurahu wasigi i gov ilo didinigi lol non binihimwasigi. Gosav tagara te dagai nin doronhohov be nu laiana lalainigo sivi Roroi Tavuha. Inau Pol, atatun rovoga be nam bului lol toretoreanan Roroi Tavuha gea, Roroi Tavuha gea be atatu n̄oto lol ureure ram ron̄oe.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.

Kolosi 1:5

Batena be mwasin roroi be Roroi Tavuha mwa mai muana abemiu, gin ron̄oe huba i gim ilo doronhohov be mwa dogo alolona. Doronhohov geki kea bwatun nomiu binihimwasigi garagusi mai nomiu lolotabetabe be mwa lol vatuvwainia hurigo lol ute atamare.

Kolosi 4:6

Lol taro be gom avo, gov av mahurigi i av maḡemu huribe gov vwaliu dum atatu duluai la hala be mwa du be gov lolia.

Taetas 1:2

Binihi mwasigi gea i iloute gea mwa mai nin doronhohov huri rahuana vai tuai, taro mwa siv bwativuga, i God sihav tentene te dumwi.

Hibru 3:6

Take Kraes, kea nitun God, i mwa binihi garagusi be vi gitaḡoro la imwan God. Batena be tav binihimwasigi wasigi alun God, i tam dau nonda binihiva mwa du wasigi aluna, gida tam mai gi imwan God.

Hibru 6:1

Huri ginau geki si tavuha maragai be tas van bavtutu la avoana be mwa lol gida tam mituaga huba lol nonda binihimwasigi garagusi. Tasav mom lol te mulei bwatbwatun imwa. Gim ilo ginau kera geki huba. Mwa hav tu tehe be gisav mom lol te mulei alen̄a gea be tamen avoinia be gida tav leahi rahuda nin alen̄a ata tuai be nu salai gida nin God.

1 Pita 1:17

Gov tataro lalai God i gov uloinia gi Tata, i nu harahara huri rovoga non atat gaitutuvwai n̄an gaituvwa i lol taro be gim dogo lol ureure, giv lol ron̄oe be giv togo gin binihimarahi huri God.

1 Pita 3:2

Ira ahoamiu rav gita e be rahumiu nu melmelo i gim dogo mai binihimarahi huri God.

1 Pita 3:4

Sigai, tavuha gea si mai alolomiu tavuhan Vui be mwa dogo ḡoḡonai i sihav lol te kaburai dumwi i nu tavuha liu, lolmatan God.