1 Pita 2:9 - Hano Niu Testamen

⁹ Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

1 Pita 2:9 ပူးပေါင်းရင်းမြစ်များ

Matiu 4:16

Kera gabe ram dogo radu lol ute meto rav gita dum gigita gaivua. Irahei gabe ram dogo la vanuan mateana, kera rav gita.”

Matiu 5:16

Kunia mulei kimiu giv lol seserai nomiu gigitana vi gigita la lolmatara atatu, be rav gita batoi nomiu lalaḡova tavuha. Haḡe rav siv uloi roron Tamamiu atamare.

Leo Tavuha gabe Luk nu Ravae 1:79

be vi gigitainira gabe ram dogo lol ute meto i lol malumalun mateana, i vi bula matanhalada la halan tamwata.”

Leo Tavuha gabe Jon nu Ravae 17:19

Nam lin̄iau siboku lalainigo bwatuna kera, huribe kera mulei, mwa du be rav lin̄ira sibora lalainigo.”

Lalaḡova 20:28

Giv gita ḡoro kimiu sibomiu, i giv gita ḡorora gabe Vui Sabuga nu taura la limamiu. Kimiu giv vora radaiḡoro huri uloilua non God, gabe kea nu lolia huria sibona sivi mateanan Nituna.

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Lalaḡova 26:28

Akiriba mwa bevea lalai Pol be, “Lol mahavana vwelvwele tiri geki gom doron be gov loliau nai vora atatun uloilua?”

Ravrava non Pol lalai ata Rom 9:24

i gida haḡea sinombu be God nu uloi gida. Nu hav uloi te gida n̄an nin ira Jius take nu uloinira Lolobon̄i mulei.

1 Korin 3:17

Be ihei tehe be mwa salan̄ai kaburai imwa tataro non God, kunia God vi lol kaburai wani gea mulei, bwatuna be imwa tataro non God nu sabuga i giḡo haḡea imwa tataro gea.

Ifisas 1:14

Be Vui Sabuga kea mwa seserainia be tam lai havanau be God mwa lai ribwesiva be nu haraharai lalainira be bilana be men lai roroai lalai sarisarin God.

Ifisas 1:6

i mwa lai roroai lalai God bwatuna be gin non hogoi. God nu lai hogoi gea lalai gida vuroi nan kunia, alolon Kraes, atatu gabe mwa doronia.

Ifisas 3:21

Lalainira roroai lol uloilua i lol Kraes Jisas huri vataha mahavana, vai tuai vai tuai. Amen.

Filipae 3:14

Nam lol ron̄oe tagaro be nai votui tovtovo gea i nav lai tavwe kea be God nu uloiau sivi Kraes Jisas huri rahuana amare.

Kolosi 1:13

God nu lai lua gida nin muramura ata lol ute meto, i mwa lai gida vai lol ute ratahigi non nituna.

2 Timoti 1:9

Nu varahu gida i nu lol gida non sinombu sabuga. Kea mwa hav vora te bwatuna be tan lol ginau vwate siboda, take huri taritari i hogoi non God. Hogoi gea nu laia lalai gida sivi Kraes Jisas amua taro mwa siv bwativuga.

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

1 Pita 1:2

God nu lol dautau kimiu amua be vi gitalua kimiu i vi lol kimiu giv vora non atat sabuga, gabe rovoga non vui. God mwa doron be kimiu giv ron̄oe i giv melmelo gin dagan Mateanan Jisas Kraes. Hogoi i tamwata vi vora nomiu i vi liu.

1 Pita 2:5

Kimiu mulei gin ḡun vatun rahuana, i giv lin̄ kimiu sibomiu ba lol tanon tataroi sabuga i be giv ḡun lalaḡo sabuga gabe mwa lai tataroi tuntun sabuga lalai God. Kea vi lai ira tataroi geki sivi Jisas Kraes.

1 Pita 4:11

Ihei tehe be vi avo ta mwa du be si vev avoana nin God. Ihei tehe be vi bului tuana ta mwa du be vi bului mai muramura be God nu laia bwatuna be lol ginau duluai God vi uloi roroai sivi Jisas Kraes. Muramura i ute roroai nona vai tuai i tuai. Amen.

Visirai 1:6

Kea Ratahigi Lavoa i mwa lolia be tam mai gi non ira muai tataroi be tamen lalaḡo lalai God Tata. Lalainia roroai i muramura vai tuai vai tuai! Amen.

Visirai 5:10

Gom lolira gi varan ira tataroi, be rav lalaḡoi God gida, i rav tomua lol ureure.”