1 Pita 2:8 - Hano Niu Testamen

⁸ Mulei, Kea haḡea, “Vatu be mwa lol atatu ram daturai, Vatu be mwa lolira ram hovi.” Ram daturai bwatuna be ram hav tabe te havana be God mwa bevea, Kea haḡea havanau be God nu lol vatuvwai nira be vi loli lalai nira.

1 Pita 2:8 ပူးပေါင်းရင်းမြစ်များ

Leo Tavuha gabe Luk nu Ravae 2:34

Simion mwa batavuhainira i mwa bevea lalai Mere ratahin naturigi be, “Naturigi geki God mwa ḡita luae be sinombu ivusi ata Israel rav hovi ta rav lai varahuva bwatuna kea. Kea vivora dovon̄ana nin God gabe sinombu ivusi rav ivwaluinia gin nora avoana,

Ravrava non Pol lalai ata Rom 9:22

Kea alen̄ gaituvwa n̄ano mai God. Kea mwa doron be vi seserainia lalai atatu gin non lol horo i vi lin̄ atatu rav gita non muramura take bwatuna be kea mwa dogo mai binihiv n̄ava i kea mwa dogo maira be mwa lol horoinira atatu be nu lol vatuvwainira be vi vevegia.

1 Korin 1:23

Take gam doretore alun Kraes be nu voha bolvoloe. I geki mwa bora ginau vahala be gaivua lalai ira Jius, i ira Lolobon̄i ivusi ram binihia be ginau bwaḡelega.

2 Korin 2:16

Lalainira be ran sala huba, kamai kun be atatun mateana, be gam mai mai mateana, take lalainira be ran lai rahuana huba, kamai kun be halan rahuana be gam lai rahuana. Matu ihei be vi lol dum rovoga uhu?

Kelesia 5:11

Ira tuaku, nam hav vagahi tehe be mwa du maragai be atatu vi lai tav dovon̄a. Be nav vagahi tav dovon̄a, huri hano haḡea ram bwalo maiau radu? Be nas vagahi tav dovon̄a radu, noḡu toretore huri volovolo si hav vora te ginau ririhai vwate.

1 Tesalonaeka 5:9

God nu hav gita te lua gida be tav ron̄ ḡagarasi gin non lol horo take be tav lai varahuva sivi nonda Ratahigi Jisas Kraes.

1 Pita 2:6

Ravrava sabuga mwa bevea be: “Nav tau vatu vwate lol tano Jerusalem. Ginau duluai vi loliana lol raumatan vatu geki. Ihei tehe be mwa binihimwasigi nia sihav matagu te dumwi.”

1 Pita 2:7

Vatu geki vat binihi marahi lalainigo be gom binihimwasigi. Take lalainira be ram hav vinihi te mwasigi, “Vatu gabe kera be ran vohae ram barihainia mwa mai gi bwatbwatun Siguna.”

2 Pita 2:3

Ira vagahi tentene kera geki ram doron nomiu homu, i kera rav haḡo kimiu i rav tentene lalai kimiu. Nora harahara ran avo vai alura tuai mwa mai radu i nora hantai mwa mwasigi.

Ravrava nin Jud 1:4

Atatu len̄len̄aga rituai ran haroro dahuligi vai lol nom tatan̄ana, kera ran avo vai alun God i ran leahi silo vagahin hogoi non nonda God be ram lol dum ginau hahantai, ram barihai didi lai Jisas Kraes vai alolora, nonda Ratahigi i God. Take tuai avoan sabuga mwa bevea be atat len̄len̄aga keragea rav lai silo vevegi.