1 Pita 2:7 - Hano Niu Testamen

⁷ Vatu geki vat binihi marahi lalainigo be gom binihimwasigi. Take lalainira be ram hav vinihi te mwasigi, “Vatu gabe kera be ran vohae ram barihainia mwa mai gi bwatbwatun Siguna.”

1 Pita 2:7 ပူးပေါင်းရင်းမြစ်များ

Matiu 21:42

Haḡe Jisas mwa bevea lalainira be, “Matu gim hav vasogo tehe lol Ravrava Sabuga be mwa bevea be, ‘Gai mahan̄an imwa gabe kera ran vohai kaburainia kadogaha mwa bora mwasin gain imwa. Ginau gea Ratahigi sibona nu lolia, ginau dan̄an̄a la lolmatamai!’

Leo Tavuha gabe Luk nu Ravae 2:32

Naturigi gea kea gigita be vi lol bisirai nom hala lalainira len̄len̄aga, i roroa be vi lol roroai nom sinombu Israel.”

Leo Tavuha gabe Luk nu Ravae 2:34

Simion mwa batavuhainira i mwa bevea lalai Mere ratahin naturigi be, “Naturigi geki God mwa ḡita luae be sinombu ivusi ata Israel rav hovi ta rav lai varahuva bwatuna kea. Kea vivora dovon̄ana nin God gabe sinombu ivusi rav ivwaluinia gin nora avoana,

Leo Tavuha gabe Luk nu Ravae 20:17

Haḡe Jisas mwa ḡitara mwa hudaligi be, “Ravrava Sabuga geki mwa bevea kun hanigi? ‘Gai mahan̄an imwa gabe kera ran vohai kaburainia kadogaha mwa bora mwasin gain imwa.’

Leo Tavuha gabe Jon nu Ravae 4:42

“Kamai gam binihimwasigi kekadogaha, mwa hav vora te huri hano n̄an be gon vevea, take bwatuna be kamai gan ron̄oe sibomai, i gam iloe be kea mwasigi Varahun Ureure.”

Lalaḡova 26:19

“Haḡe kunia, Ratahigi Lavoa Akiriba, inau nan hav daha te hueri gabe nu mai lalaiau nin amare.

Ravrava non Pol lalai ata Rom 10:21

Ta huri Israel God mwa bevea be, “Ute ran duluai nam du vatuvwai be nav dara alun atatu gabe ram hav binihi te marahiau, i ram avo hahantai vai lol ihaku.”

Ravrava non Pol lalai ata Rom 15:31

Giv tataro be nav rahu nin kera be ram hav binihi te mwasigi Judia i mai buluiana geki be nav laia vai Jerusalem rav ron̄ mwandavuha ginia na sinombu non God.

2 Korin 2:16

Lalainira be ran sala huba, kamai kun be atatun mateana, be gam mai mai mateana, take lalainira be ran lai rahuana huba, kamai kun be halan rahuana be gam lai rahuana. Matu ihei be vi lol dum rovoga uhu?

Kolosi 2:10

I gom dogo gin rahuana duluai be gom bulu lol Kraes, gabe nu holomare hae liu ira tomuai duluai i muramura.

Taetas 3:3

Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.

Hibru 11:31

Gin binihimwasigi garagusi haḡea mwa lol atatu be ram hav dabe te silon God ram hav wehi te vavinen rovrovoi homu Rehab; huribe mwa bului atat gita surai ata Israel.

Hibru 4:11

Haḡe bwatuna gea gida tav lol ron̄oe be tav haroro dum huri mambuana aben God. I sihav tavuha te maragai be vwate nin gida vi lolia kunira tuai be ran hav tabe te silon God, i rasav haroro te dumwi.

1 Pita 1:8

Kimiu gim hav gita te Kraes, take gim dabea radu. Gisav gita te dumwia Kadogaha, take gim binihimwasigi nia. Haḡe kimiu giv masiri gin samwarana be sihav veveana te dumwi, samwarana be nu masiri gin sarisari.

1 Pita 2:4

Mai vai aben Ratahigi Jisas, “Vatu” be mwa dogo. Sinombu ata lol Ureure ran hav doron te vatu geki, take kea haḡea vatu be God nu gita luae, i kea nu tavuha.

1 Pita 2:8

Mulei, Kea haḡea, “Vatu be mwa lol atatu ram daturai, Vatu be mwa lolira ram hovi.” Ram daturai bwatuna be ram hav tabe te havana be God mwa bevea, Kea haḡea havanau be God nu lol vatuvwai nira be vi loli lalai nira.