1 Pita 2:25 - Hano Niu Testamen

²⁵ Kimiu gin kun sipsip be mwa la dadaligi, take kadogaha gin mai mulei vai aben radaiḡoro huri sipsip be kea haḡea atatu be mwa gitaḡoro huri rahumiu.

1 Pita 2:25 ပူးပေါင်းရင်းမြစ်များ

Matiu 18:12

“Gim binihi haninia? Wani bilan sipsip vudolua vi lol havanau mahavana bilan sipsip vwate mwa sala? Mwa du be vi lin̄ira n̄avul gaisivo domwan gaisivo hurin vusi i vi hiḡe gaituvwa be nu sala.

Matiu 9:36

Mahavana be Jisas mwa ḡita sinombu mwa hagavira, bwatuna kera ram do dadaligi lol nora binihiva i ram hav wasi tehe, ram lago kun sipsip be nora radaiḡoro sigai.

Lalaḡova 20:28

Giv gita ḡoro kimiu sibomiu, i giv gita ḡorora gabe Vui Sabuga nu taura la limamiu. Kimiu giv vora radaiḡoro huri uloilua non God, gabe kea nu lolia huria sibona sivi mateanan Nituna.

Hibru 13:20

God mwa lol domarei Ratahigi Jisas Kraes atagun mateana. I kadogaha Jisas kea kun Lavoa huri Radaiḡoro Sipsip be Dagana mwa lalaḡoiana be men lol datauleon rahuana vai tuai non God mai bilan sipsip.

Hibru 3:1

Ira tuaku mai ira hogosiku, God nu uloi lua gida huba. I Jisas kea atatu vwate be God nu uloi luae, be vi vora hala i muai Tataroi lalai gida be tam haḡo binihimwasigi garagusi.

Hibru 5:2

Nonda Muai Tataroi kea nu mandamanda. Bwatuna gea, kea nu maron̄ron̄o lalainira be ram bahala.

1 Pita 3:20

be ran varihai didi lin̄ maḡemu huri God tuai lol taron Noa. God nu hohovira lol maḡemu lol taro be Noa mwa boha waḡa. Atatu n̄an gaiviha, gaivwelu lol tatan̄ana ram rahu gin wai.

1 Pita 5:4

I lol taro be Kraes, muai radaiḡoro, vi mai, kimiu giv lai gaisosorin bwatu sarisari be sihav vano te dumwi na gabolanana.