1 Pita 2:22 - Hano Niu Testamen

²² “Kea nu hav vuroga te hohoigi, i kea nu hav tentene tehe hohoigi.”

1 Pita 2:22 ပူးပေါင်းရင်းမြစ်များ

Matiu 27:19

Haḡe batena be Paelat mwa dogo la tanon vevev, tasalana mwa hora vai abena, mwa bevea be, “Gosav lol te hano lalai atat vavtutu gea, bwatuna nan ron̄ mwahantai maragai kahabon̄i lol noḡu maturubore huria.”

Matiu 27:4

mwa bevea be, “Nam buroga mwasigi, huri nam lin̄ atat vavtutu huri mateana.” Haḡe ta ram bwaliua be, “Matu mwa bora nomai hanigi aluna? Kea mwa du alumwa sibomwa.”

Leo Tavuha gabe Luk nu Ravae 23:41

Nondaru silo vevegi nu vavtutu mai nondaru lalaḡov hantai be taru lolia; take kea nu hav lol te ginau vahala vwate.”

Leo Tavuha gabe Luk nu Ravae 23:47

Haḡe lavoa ḡoro atatun bwaloana nu gita ginau be nu loli, mwa uloi roron God, mwa bevea be, “Mwasigi kea atatu tavuha!”

Leo Tavuha gabe Jon nu Ravae 1:47

Mahavana be Jisas mwa ḡita Nataniel be mwa mai huria, mwa bevea huri Nataniel mwa bevea be, “Geki haḡea mwasin ata Israel; kea atat mwasigi!”

Leo Tavuha gabe Jon nu Ravae 8:46

Ihei tehe alolomiu vi habwe dum mwasigi be nam buroga? Be inau nam bev mwasigi, huri hano be gim hav binihi te mwasigiau?

2 Korin 5:21

Kraes kea non bwatigoro sigai, take God nu lolia mwa mai kun be atat bwatigoro huribe sivi Kraes tav mai bavtutu dum mulei mai God.

Hibru 4:15

Nonda Muai Tataroi, nu hav vora te kun ira muai tataroi dodolua be mahavana be gida nonda muramura sigai, i gida tam hovi lol bwatigoro, take rasav hagav te dum gida. Take nonda Muai Tataroi gea mwa hagav maragai gida, huria be ginau kera gea be ram ḡal gida atagu take rav ḡalia muana. Kea haḡea dolua i vurona sigai.

Hibru 9:28

Kunia Kraes mwa lin̄ muleinia gi tataroi vatuvwa n̄ano be men lai dagai vuron sinombu. Kea vi mai mulei varuana, take lol taro gea mwa hav mai tehe be men lin̄ muleinia huri vuro, take men lai rahuana hurira be ram hohovia.

1 Jon 2:1

Ira nituku nam ravae geki huria be gisav vuroga tehe. Take be tas vuroga, Jisas Kraes atat vavtutu mwa du la lolmatan God huri gida. Kraes kea nonda tataroi gabe mwa lai dagai vuroda i vuron sinombu duluai lol ureure.

1 Jon 3:5

Gim iloe be Kraes nu mai be vi lai dagai vuron sinombu. I vuro vwate sigai aluna.

Visirai 14:5

Kera gea tenteneana mwa hav mwalue tehe nin bwan̄ora; ira atat vavtutu.