1 Pita 2:2 - Hano Niu Testamen

² Kunia be naturirigi be ram siv vora ram doron huhu, kimiu mwa du maragai be giv doron vagahi melmelo i vagahi maron̄ron̄o. Ninia gov mauri i gov habwe rahuana,

1 Pita 2:2 ပူးပေါင်းရင်းမြစ်များ

Matiu 18:3

mwa bevea be, “Nam bev mwasigi lalai kimiu be gisav haroro te dum lol Ute Lavoa atamare, be gisav leahi tehe ba bora kun ira naturigi.

Matiu 19:14

Haḡe Jisas mwa bevea be, “Giv lin̄ naturirigi ba rav mai huriau, gisav tu te ḡorora. Bwatuna Ute atamare nu vora non kera kun geki.”

Leo Tavuha gabe Mak nu Ravae 10:15

Nam bev mwasigi lalai kimiu be, ihei gabe mwa hav lai te dum rahuan gara gabe God mwa Ratahigi ḡoro non sinombu alolona kun naturigi uhu sihav haroro te dum alolona.”

Leo Tavuha gabe Luk nu Ravae 18:17

Giv binihi dum ginau uhu! Ihei tehe mwa hav lai te rahuan gara gabe God mwa Ratahigi alolona kun naturirigi sihav haroro te dum alolona.”

Ravrava non Pol lalai ata Rom 6:4

La mahavana be tam ḡaruhisabuga, tam davi gida mai Ratahigi i tam hara mateanana. Kunia n̄ano be Jisas nu tomare nin mateana gin muramura non God, gida mulei tav rahu gin rahuan tavuha.

1 Korin 14:20

Ira tuaku, gisav binbinihi tehe kun gabe ira naturigi, lol ginau lete giv vora kun naturigi memea be mwa siv vora be mwa gav ilo te ginau vahala vwate. Take lol binihimwa goi vora kun atat gaivua.

Ifisas 2:21

i haḡohaḡo imwa gea mwa bulu ute gaituvwa lol Kraes. Kea mwa lolira ram mauri i ram bora imwa tataro sabuga lol Ratahigi.

Ifisas 4:15

Sigai! Avoi mwasigi gin lolotabetabe, kamai gav mauri hae la halan Kraes duluai ihei haḡea bwatuna.

2 Tesalonaeka 1:3

Ira tuaku mai ira hogosiku, tav avkari God vataha mahavana huri kimiu. Geki haḡea nu vavtutu, bwatuna be nom binhimwasigi garagusi mwa mauri vataha mahavana, i lolotabetabe be kimiu duluai gim do maia, huri be kimiu gaitutuvwai gim mauri.

1 Pita 1:23

Kimiu gin vora mulei, i rahuan gara geki nu hav mai tehe nin ginau be nu mate, take nin ginau be mwa hav mate te dumwi. Kimiu gin vora mulei sivi roroi non God be mwa du rahurahu.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.