1 Pita 2:19 - Hano Niu Testamen

¹⁹ Atatu vi ron̄ dum ḡagarasi n̄ano be ginau mwa hav tavuha tehe, take kebe kea vi vinihi God i vi tuḡoro dum gagarasi, God mwa ron̄ mwandavuha.

1 Pita 2:19 ပူးပေါင်းရင်းမြစ်များ

Leo Tavuha gabe Luk nu Ravae 6:32

“Be gim dabe atatu n̄ano gabe ram dabe kimiu, gisav lai te dum hano tavuha ninia. Huri ira hantain lalaḡo ram dabe kera gabe ram dabera mulei!

Leo Tavuha gabe Jon nu Ravae 15:21

Take rav lol ginau duluai kerageki lalai kimiu bwatuna be kimiu noḡu atatu; huribe ram hav ilo te atatu gabe nu horau.

Lalaḡova 11:23

I mahavana be mwa botu i mwa ḡitae be God mwa batavuhai sinombu, kea mwa samsamwara i mwa bevea lalainira duluai be rai vavtutu lalai Ratahigi gin sibwen̄ira duluai.

Ravrava non Pol lalai ata Rom 13:5

I gov lol ron̄oe be gov gogonai ira tomuai ḡoro, vorate huria n̄an be rav vevegigo, take huria be gon iloe be kea alen̄ vavtutu.

1 Korin 15:10

Take hogoi non God mwa loliau nam bora kunia, i non hogoi lalaiau vorate mwa mai bonogai. Sigai! Nam lol rovoga wasi liu ira hala dodolua. (Take vorate inau mwasigi; take hogoi non God mwa dogo maiau.)

2 Korin 1:12

Geki hano be gam ron̄ mwandavuha huria, i nai vev dumwia gin binihi melmelo be: lol ginau duluai be gan lolira huba lol ureure, liuhage mai kimiu gan vavtutu i gan mwasigi lol irubwi huri God. Gan lol dumwia gin hogoi non God, nu hav vora te gin mataisao be ureure mwa do maia

2 Korin 8:1

Kadogaha, ira tua, gam doronia be giv ilo huri hogoi tavuha non God duluai be nu laia lalai ira binihimwasigi Masedonia.

2 Timoti 1:12

Nam ron̄ ḡagarasi kadogaha bwatuna be nam bev Leo Tavuha, take nam hav busbusi tehe, bwatun be nam ilo Jisas, wani be alolona nan binihimwasigi. I nam binihimwasigi be kea vi holḡoro havanau be nu taua aluku vai votu Gubwen̄i kea be vi mai.

Hibru 10:2

Atatu be ram ḡogonai God la hala geki ran hav melmelo tehe la lolmatan God. Ran vahala radu lol nora bwatigoro. Be ras melmelo tavuhai, mwa hav tu tehe be rav lol tataroi be vi lai dagai vurora.

1 Pita 2:20

Kebe giḡo gom wehiana huri nom ute lete, hala vwate sigai lalainigo be gov uloi roroainigo huri alen̄ maḡemu lol nom silo vevegi. Take be gov ron̄ ḡagarasi huri nom vavtutu, i giḡo gon maḡemu, kea God mwa ron̄ mwandavuha.

1 Pita 4:15

Gosav ron̄ te ḡagarasi huri wehi bonogai, surana, sage hava te alen̄ lete, sage bwatuna be gom lol bwarebware atat dodolua.