1 Pita 2:12 - Hano Niu Testamen

¹² Ira len̄len̄aga ran masiri i ram dogo dalis kimiu i rav vev dumwia be kimiu gim lol ginau hantai. Giv togo lol togoana tavuha huribe rav gita ginau tavuha be gim lolia i vi lai roroai lalai God lol taro be Kraes vi mai mulei. Ron̄ maḡemu huri roron̄o non atatu duluai.

1 Pita 2:12 ပူးပေါင်းရင်းမြစ်များ

Matiu 10:25

Nu tavuha lalai roron̄tai be si dadariha mai non vagahi, i turin rovoga be si dadariha mai non ratahigi. Be vuigin imwa vi uloinia be Belsibal, ratahigi ḡorora vui hantai, kunia ata la imwana vi uloinira gin iha hantai liu!

Matiu 5:11

“Kimiu gabe atatu ram bev hantai kimiu, ram lol ḡagarasi kimiu, i ram hul hantai kimiu huri be kimiu noḡu atatu, kimiu mulei giv ron̄ mwandavuha.

Matiu 5:16

Kunia mulei kimiu giv lol seserai nomiu gigitana vi gigita la lolmatara atatu, be rav gita batoi nomiu lalaḡova tavuha. Haḡe rav siv uloi roron Tamamiu atamare.

Matiu 9:8

La mahavana be sinombu ram ḡitae, ram matagu. I ram uloi roron God, huri be mwa lai roron̄o lalai atatu kunia.

Leo Tavuha gabe Luk nu Ravae 1:68

“Tav lol roroai Ratahigi, God nora ata Israel! Huri nu atei non sinombu be men vol muleinira.

Leo Tavuha gabe Luk nu Ravae 19:44

Rav momogai kaburainigo mai nom sinombu alolon nom ara; vatu gaituvwa si hav togo tehe la tanona, bwatuna be gon hav gita te batoi mahavana huri maiana non God be men varahugo alolona!”

Leo Tavuha gabe Luk nu Ravae 6:22

“Kimiu gabe atatu ram hun̄ai kimiu, i ram barihai kimiu, i ram bev hantai kimiu, i ram bevea be kimiu atat hantai, bwatuna be inau Nitun Atatu; giv ron̄mwandavuha!

Leo Tavuha gabe Jon nu Ravae 13:31

Ataguna be Judas mwa bano, Jisas mwa bevea be, “Kadogaha Nitun Atatu vi sarisari; sarisarin ihan God vi visirai aluna.

Lalaḡova 15:14

Saimon mwa siv tugu halana lalai gida kunhanigi God mwa bisirai muana lalai ira Lolobon̄i be men lai dagai tatan̄ana vwate huria sibona.

Lalaḡova 24:13

Rau hav lai te mwasigi vwate lalainigo huri vahalana be nan lolia.

Lalaḡova 25:7

Haḡe mahavana be Pol mwa haroro, ira Jius gabe ram mai nin Jerusalem ram du dalisia ram dau bwatuna ram dau avoan wasi vai aluna, gabe nuhav vavtutu tehe be vi harana.

Lalaḡova 28:22

Take gam doron be gamen ron̄ nom binihiva, bwatuna be vataha ute gam iloe be sinombu ram avo huri tatan̄ana be gom dogo alolona.”

Ravrava non Pol lalai ata Rom 12:17

Be atatu vwate vi lol bahala lalainigo, gosav vol te muleinia gin hantai. Gov lol ron̄oe be gov lol ginau be atatu duluai rav gitae be nu vavtutu.

Ravrava non Pol lalai ata Rom 13:13

Tav togo la alen̄ vavtutu, kun atatun ute rani. Ta sav la te bulbulu huri mwinmwin daltale huri ginau hantai. Atamwani mai atamwani rasav lol te bwatigoro ginginira sa vavine mai vavine. Bwaloana visigai mai binbinihi hantai.

Ravrava non Pol lalai ata Rom 14:18

Atatu be mwa lol rovoga non Kraes, be mwa dogo la rahuana geki, kea haḡea mwa lol samsamwarai God, i atatu dodolua rav dara aluna.

Ravrava non Pol lalai ata Rom 15:9

Nu lolia mulei kungeki bwatun be kera be ram hav vora te ira Jius rav lai dum sarisari lalai God huri sine hagavi be nu laia lalainira. Nu ravana lol ravrava sabuga be, “Nav uloi roroainigo maira Lolobon̄i; Nav lol iboi roroai ihamwa.”

1 Korin 14:25

Ginau dahuligi lol irubwira vi lolian melmeloi. I rav hivbwaubwau ba avkari God ba bevea be, “Mwasigi God mwa do maigo.”

2 Korin 1:12

Geki hano be gam ron̄ mwandavuha huria, i nai vev dumwia gin binihi melmelo be: lol ginau duluai be gan lolira huba lol ureure, liuhage mai kimiu gan vavtutu i gan mwasigi lol irubwi huri God. Gan lol dumwia gin hogoi non God, nu hav vora te gin mataisao be ureure mwa do maia

2 Korin 13:7

Gam dataro lalai God be gisav lol te havanau be nu vahala. Nu hav vora te muan ginau be vi gitana be gan van sivi dum haḡo ron̄o, take muan ginau be vi gitana be kimiu gim lol havanau be nu vavtutu, gaituvwa be gitanana kun be kamai gan hovi.

2 Korin 8:21

Gam lol rovoga hahavwani be gav lol havanau be Ratahigi vi dameinia kun be nu vavtutu kunia.

Ifisas 2:3

Lol taro tuai gida tan togo kunira, tan lol ron̄oe be tamen samwarai nonda doroniva siboda i be tamen lol ginau duluai be rebehida i binihinda mwa doronia. Tas ron̄ ḡagarasi gin lolhoro non God bwatuna alen̄a be tam dogo aluna. Gida tan ḡun sinombu dodolua n̄an mulei.

Ifisas 4:22

Nu vagahi kimiu be giv lin̄ rahuan bibili be gin togo aluna tuai. Nomiu doroniva sibomiu huri rahuan ata tuai gea mwa hantai liu, bwatuna be sinombu ram daltale gin ginau hahantai be ran doron be rav lolia.

Filipae 1:27

Ginau gaituvwa n̄an be nam binihi maragainia. Be giv gitae be giv togo la hala be vi lai binihi marahi lalai Roroi tavuha huri Kraes. Be nam dogo mai kimiu sa nam lago dagai nin kimiu, be gim du wasigi mai binihiv gaituvwa, be giv lol rovoga bulbulu kun gaituvwa lol binihimwasigi garagusi huri Roroi Tavuha.

Filipae 4:8

Ira tuaku giv binihi huri ginau be ran tavuha i ran dadariha huri avkariana. Binihi huri ginau be ran mwasigi i binihi marahi i ran vavtutu, i ran melmelo i ran gabwola i mwa ḡogonaiana.

1 Tesalonaeka 4:12

Be giv lolia, kunia sinombu be ram hav binihi te mwasigi rav binihi marahi kimiu, i kimiu gisav butu tehe alun atat dodolua huri havanau be gim doronia.

1 Timoti 2:2

Tataro huri ira tomuai i kera be ram haḡo roron̄o huri be tav lai rahuana be nu mahuri i nu masiri gin tamwata i gogonai i binihi marahi huri God.

1 Timoti 4:12

Gosav lin̄ te atatu be rav gita bahivoinigo huribe giḡo mwalaḡelo n̄ano, take gov vora malele lalai ira atat binihimwasigi lol nom avoana, nom lalaḡova, nom lolotabetabe, nom binihimwasigi garagusi, i lol nom togoan melmelo.

1 Timoti 5:10

Vi iloana mulei na non rovoga tavuha, rovoga be nu gitaḡoro tavuhai ira nituna, nu laiḡoḡo ira tausala, nu bwaga lolonen atat sinombu non God, nu buluira be ran togo lol taro ririhai, i nu lin̄ rahuna be vi lol lalan̄an rovoga tavuha.

Hibru 13:18

Giv tataro huri kamai. I lol nomai binihiva gam samsamwara, i gam lol ron̄oe be nomai lalaḡova vi vavtutu vataha mahavana.

Hibru 13:5

Giv tu dagai nin doronivanan homu, i giv samsamwara mai doronivanan havanau kolo be gin togo huba maia. Bwatuna be God mwa bevea be, “Nasav lin̄ te derainigo be gov togo gahemwa. I nasav vis te dagai ninigo.”

Jemes 3:13

Atatu rituai abena alolomiu be ran iloute i ran mataisaoga? Ras lol seserai ginau geki gin rahuan tavuha, i rav lol ginau tavuha gin maḡemu be mwa mai nin mataisao.

1 Pita 2:15

God kea mwa doronia be gin alen̄ vavtutu kimiu mwa du maragai be giv tuḡoro atat hahantai be ram bev avoan taltale huri kimiu.

1 Pita 3:16

take giv vwaliua gin alen̄ maḡemu i binihi marahi. Binihimiu vi melmelo huribe kera be ram bev avoan hahantai huri nomiu rahuan tavuha lol Kraes rav busbusi.

1 Pita 4:11

Ihei tehe be vi avo ta mwa du be si vev avoana nin God. Ihei tehe be vi bului tuana ta mwa du be vi bului mai muramura be God nu laia bwatuna be lol ginau duluai God vi uloi roroai sivi Jisas Kraes. Muramura i ute roroai nona vai tuai i tuai. Amen.

2 Pita 3:11

La hala gea ginau duluai vi lolian kaburai! Haḡe hava lalan̄an atatu haḡea mwa du be vi vora kunia? Kimiu mwa du be giv rahu lol rahuanan vui i giv lol rovoga lalai God,