1 Pita 2:1 - Hano Niu Testamen

¹ Mulei, giv togo dagai nin ginau hahantai duluai, tenteneana duluai, bugurana, binihiv hahantai, i avoan hahantai.

1 Pita 2:1 ပူးပေါင်းရင်းမြစ်များ

Matiu 15:7

Kimiu ira hoḡoiḡoro! Aesaia atatun vevsera nu vev daua mwasigi mahaḡea huri kimiu be:

Matiu 23:28

Kimiu haḡea kunia. Atatu ram ḡita kimiu halavare be gin vavtutu. Ita alolomiu gin masiri gin tenteneana i silo dahadaha.

Matiu 24:51

Kunia non ratahigi vi lol ḡagarasia, vi tau dagainia abera hoḡoiḡoro. Aia vi goea i vi gan livona.

Matiu 7:5

Giḡo hoḡoiḡoro! Muana giḡo sibomwa gov lai dagai n̄adun gai gaivua lol matamwa, vuvuri gov siv gita dum tavuhai ute, kadogaha gov siv ari dagai han̄ora lolmatan tuamwa.

Leo Tavuha gabe Mak nu Ravae 12:15

Take Jisas mwa ilo nora binihiv hantai mwa bevea be, “Huri hano gim lol ron̄oe be gimen ruruhiau? Gin lai vatlegiga ba nan gitae.”

Leo Tavuha gabe Luk nu Ravae 11:44

Hahagavi lalai kimiu! Kimiu gin ḡun bwaru gabe dovon̄a sigai alura ram hav iloe tehe.”

Leo Tavuha gabe Luk nu Ravae 12:1

Haḡe lol mahavan gea, sinombu vasan̄vul vaivusi ram ḡoḡo ute gaituvwa, ute gea tirigi, ram bivirira i ram bavarahi mulei bwalagera. Haḡe Jisas mwa avo amua lalai non roron̄tai mwa bevea be, “Giv matai ḡoro is non ira Varise gabe alen̄ hoḡoiḡoro.

Leo Tavuha gabe Luk nu Ravae 6:42

Huri hano gom bevea aben tuamwa be, ‘Tua mahin̄a ba namen ari lua han̄ora gabe mwa en lol matamwa’; take gom hav gita te dum n̄andun gai gaivua gabe mwa en lol matamwa sibomwa? Giḡo hoḡoiḡoro! Muana giḡo sibomwa gov lai dagai n̄adun gai gaivua lol matamwa vuvuri gov siv gita dum tavuhai ute, kadogaha gov siv ari dagai han̄ora lolmatan tuamwa.”

Leo Tavuha gabe Jon nu Ravae 1:47

Mahavana be Jisas mwa ḡita Nataniel be mwa mai huria, mwa bevea huri Nataniel mwa bevea be, “Geki haḡea mwasin ata Israel; kea atat mwasigi!”

Ravrava non Pol lalai ata Rom 1:29

Kera ran hogon bamasirira gin lalan̄an vuro duluai, kun hala lete, bugurana, atat varihai, ran masiri gin binbinihi hantai, wehi bamat atatu, bwaloana, tenteneana, i ram binihi hantai ira tuara. Ram hun̄ahun̄a

1 Korin 14:20

Ira tuaku, gisav binbinihi tehe kun gabe ira naturigi, lol ginau lete giv vora kun naturigi memea be mwa siv vora be mwa gav ilo te ginau vahala vwate. Take lol binihimwa goi vora kun atat gaivua.

1 Korin 5:8

Haḡe kunia gida tav lol nonda Halbisḡalau geki, take sihav vora te mai bereti be is maleiga alolona, take is huri vuro mai mandamanda. Tav samwarai ginaganian lavoa geki mai bereti be is sigai alolona bereti huri tavuha i mwasigi.

2 Korin 12:20

Nam binihi gairuruai be batena be nai mai, berevai gim hav vora te kunia be nam binihia be vi vora kunia, i inau nasav vora te atatu kunia be gin doroniau be nai vora kunia. Nam hen binihi gairuruai alolomiu be sigai ta vigaigaiana, binbinihi hantai, lolhoro, bwaloana, bugurana, avoan bibili, hun̄ahun̄a, binihiv sage, i vi len̄len̄aga.

Ifisas 4:31

Gosav hantai tehe sa lololhoroga n̄an haḡea, sage gosav vev te ginau be vi lol ḡagaras atat dodolua. Gosav lol te bwatigoro hahantai.

1 Tesalonaeka 2:3

Nomai vev sera wasi mwa hav mai tehe nin tenteneana, sage binihiv bahala sage be gam lol ron̄oe be gamen san kimiu.

1 Timoti 3:11

La hala n̄an gea, ira vavine mwa du be atatu rav binihi marahinira. Kera rasav vev te bwarebware atat dodolua. Rav vwalaunira sibora, i rav binihimwasiginira lol ginau duluai.

Taetas 2:3

Kunia n̄an mulei, goi vagahi ira vavin mituaga be rav togo lol togoana be nu sabuga lol alen̄ara

Hibru 12:1

Gida sinombu ira atatu gabe ira gaitura non God ram du dalis gida, gabe tatan̄ana gabe ram du dalis gida gaivua maragai. Haḡe bwatuna gea, tav derai ginau duluai gabe ram duḡoro gida, i bwatigoro gabe ram haḡo wasi gida, i gida tav lol binihinda vi wasi, la hala gea be mwa du lol matada.

Jemes 1:21

Vuro i alen̄ deḡeteḡe gov tau dagainia nin rahumwa. Gin ron̄ maḡemu gov lai ḡoḡo silo vagahi non God i gov rivua lol irubwimwa. Silo vagahi geki vi varahu rahumwa.

Jemes 3:14

Kebe gov bugurai gov sine hantai lol irubwimwa, gosav avo tehe ravravwega. Ira avoan ravravwega geki kea tenteneana be mwa dahuli mwasigi.

Jemes 4:11

Ira tuaku duluai, gosav vev te ginau hahantai vai alun atat dolua. Kebe gov avo vai alun ira binihimwasigi dodolua sage gov vevegira, giḡo gom bevegi i gom avo vai alun Silo. Batena be gom bevegi Silo, giḡo gom hav mom borate horata non Silo, take gom mai gi harahara.

Jemes 4:5

Gom binihia be binihivanan ravrava sabuga sigai be mwa bevea be, “Vui be God mwa daua aloloda nu masiri gin binbinihi hahantai.”

Jemes 5:9

Ira tuaku, gisav av te lolhoroga vai alumiu gaitutuvwai. Be giv lol alen̄a geki God vi vevegi kimiu. Vevegi gea mwa abena huba!

1 Pita 2:16

Giv lin̄ kamai gi atat maribwesi, take gisav haḡo te nomiu maribwesi kun be ginau vwate be gimen lol alen̄ lete. Giv togo kun abe turin rovoga non God.

1 Pita 2:22

“Kea nu hav vuroga te hohoigi, i kea nu hav tentene tehe hohoigi.”

1 Pita 3:10

Ravrava Sabuga mwa bevea be, “Atatu mwa du maragai be vi lol ginau kera geki rav ron̄ mwandavuha i rav togo lol gubwen̄ ron̄ mwandavuha ivusi. Kea sihav vev te avoan hantai, i kea sihav tentene tehe.

1 Pita 4:2

Giv tu wasigi Sibomiu huribe giv rahu teti lol ureure i giv lol havanau be God mwa doronia.

1 Pita 4:4

Ira len̄len̄aga ram binihia be geki ginau dan̄an̄a be kimiu gim hav lol te ginau hahantai be ram lolia, i kera ram bev avoan hahantai huri kimiu.

Visirai 14:5

Kera gea tenteneana mwa hav mwalue tehe nin bwan̄ora; ira atat vavtutu.