1 Pita 1:7 - Hano Niu Testamen

⁷ Ginau hahantai geki ram mai be ramen gitae be nom binihimwasigi garagusi nu melmelo. Melmelo non binihimwasigi nu marahi liu vatan̄oga, Gabe vi Seserainia gin gabi be nu melmelo i vi nogonogo dumwi. Take nomiu binihimwasigi garagusi vi lai lalai kimiu uloi roroai i binihimarahi lol taro be Jisas Kraes mwa seseraiana lalai kimiu.

1 Pita 1:7 ပူးပေါင်းရင်းမြစ်များ

Matiu 19:28

Haḡe Jisas mwa bevea lalainira be, “Nam bev mwasigi lalai kimiu be, la mahavana rahuana gara uhu vi mai, inau Nitun Atatu nav togo la tanoḡu sarisari, gabe tanon lavoa, la mahavana gea, kimiu han̄vulu domwan gairua gabe gim huriau, kimiu mulei giv togo alun tanomiu gabe tanon lavoa, giv ratahigi ḡoro vara n̄avul gaituvwa domwan gairua ira Jius.

Matiu 25:21

Haḡe non ratahigi mwa bevea be, ‘O, nu tavuha maragai! Giḡo atatun rovoga tavuha i binihi marahi! Bwatuna be ginau kolo n̄an gom ḡitaḡoro tavuhainia, kadogaha nav taugo gov gitaḡoro ginau gaivua. Mai teti ba samsamwara bul maiau.’

Matiu 25:23

Haḡe non ratahigi mwa bevea be, ‘O, nu tavuha maragai! Giḡo atatun rovoga tavuha i binihi marahi! Bwatuna be ginau kolo n̄an gom ḡitaḡoro tavuhainia, kadogaha nav taugo gov gitaḡoro ginau gaivua. Mai teti ba samsamwara bul maiau.’

Leo Tavuha gabe Luk nu Ravae 12:33

Giv salei nomiu ginau duluai i giv lai mwane lalai ira hiru. Giv lol vatuvwai huri nomiu tan̄an mwane gabe sihav boboga te dum i giv varahu rosomiu duluai amare aben God. Aia ginau duluai rasav hantai tehe, bwatuna atat surasura sigai be men surai dumwira, kakurus mulei sihav gan te kaburai dumwira.

Leo Tavuha gabe Luk nu Ravae 17:30

Vi loli n̄an mulei kunia lol gubwen̄i gabe Nitun Atatu vi visirai alolona.”

Leo Tavuha gabe Jon nu Ravae 12:26

Ihei tehe mwa doron be vi lalaḡo lalaiau vi huriau, huribe noḡu atatun rovoga rav huriau halabehe tehe nai van. I tamaḡu vi vinihi marahi ihei tehe be vi lalaḡo lalaiau.”

Leo Tavuha gabe Jon nu Ravae 5:44

Gim doron be gimen to ba lai avoan tavtavuha nin kimiu mahaḡea sibomiu, ta gim hav lol te ron̄oe be gimen lol ginau be God sibona men ron̄ mwandavuha gin kimiu. Haḡe giv binihimwasigi dum haniniau?

Lalaḡova 8:20

“Nom homu vi vano kaburai vai tuai, i giḡo mulei maia, bwatuna be gom binihia be goi vol dum hogoi non God gin homu!

Ravrava non Pol lalai ata Rom 2:10

Ta vi lai sarisari, sine togonai, i tamwata lalainira duluai be ram lol bavtutu lalainira ira Jius i lalainira mulei be ira vara dodolua nin Israel.

Ravrava non Pol lalai ata Rom 2:29

Atatu be mwasin Jiu n̄ano kebe mwa bora ira Jiu alolona, mwasin tav dovon̄a mwa loliana alolomwa gin Vui Sabuga, vorate gin silo be mwa ravana. Atatu kunia mwa lai avkari nin God, ninia be vi laia nin atatu vuroi.

Ravrava non Pol lalai ata Rom 2:7

Atatu rituai, be ram lol rahurahui ginau tavuha, rav togo huri lalaḡova non God, huri binihi marahi, i huri rahuana be nogonana sigai. God vi lai lalainira rahuana vai tuai.

Ravrava non Pol lalai ata Rom 8:19

Ginau duluai be God mwa lolia mwa hohovi mai samwarana be God vi lol seserai lalai ira nituna sarisarina mwasigi.

1 Korin 3:13

Nora rovoga vi visirae ute melmelo, bwatuna be Gubwen̄ Vevegi non Kraes vi lai bisirainia ute melmelo. Gubwen̄i gea gabi gea vi lol seserainia be hava rovoga haḡea be nu loliana; gabi gea vi haḡo ron̄oe i vi seserai lua non mwasigi sage non hantai.

1 Korin 4:5

Haḡe kunia gosav vevegi te amua nin mwasin tarona be vi mai; gov hohovi vaivotu Ratahigi vi mai mulei. Kea vi lai bisirai ginau duluai be mwa du dahuligi lol ute meto vai lol ute ran maita. Ratahigi vi vaseserai ginau duluai be mwa du dahuligi alolon sinombu. I batena gea, God vi lol roroai ihan atatu gaitutuvwai, nu hurin ginau tavtavuha be ran lolia.

Jemes 1:12

Taro be sinombu kalkaliana mwa haḡo ron̄ora ram du wasi rahurahu, mwa du be rav samwara. Ataguna be ram seserai nora binihimwasigi God vi tavwera gin rahuana vai tuai. God nu tatauleo lalainira duluai be ram dabea.

1 Pita 1:13

Giv lol vatuvwai binihimiu huri rovoga i giv gitaḡoro rebehimiu. Nomiu doronhohov duluai sivora non hogoi huri vatavuha be vi vora nomiu lol taro be Jisas Kraes vi visirai abemiu.

1 Pita 1:5

Muramura non God mwa ḡitaḡorogo sivi nomiu binihimwasigi garagusi vaivotu be giv gita nomiu varahuva lol nogonan gubwen̄.

1 Pita 2:4

Mai vai aben Ratahigi Jisas, “Vatu” be mwa dogo. Sinombu ata lol Ureure ran hav doron te vatu geki, take kea haḡea vatu be God nu gita luae, i kea nu tavuha.

1 Pita 2:7

Vatu geki vat binihi marahi lalainigo be gom binihimwasigi. Take lalainira be ram hav vinihi te mwasigi, “Vatu gabe kera be ran vohae ram barihainia mwa mai gi bwatbwatun Siguna.”

1 Pita 4:12

Ira tuaku, gisav haraḡo tehe gin ron̄ḡagarasi be vi mai kadogaha be men haḡo ron̄ kimiu. Gisav vinihia tehe be ginau haraḡo mwa loli lalai kimiu.

1 Pita 4:13

Take giv ron̄ mwandavuha be kimiu gim bului mai ron̄ ḡagarasi non Kraes bwatuna be kimiu giv ron̄ mwandavuha i giv masiri gin samwarana lol taro be Kraes vi mai mulei lol sarisari.

1 Pita 5:1

Kadogaha nam do mai ginau vwate be nav vevea lalai ira bwatmetue lol nomiu vatugigi. Inau mulei nam bora bwatmetue. Nan gita ron̄ ḡagarasi non Kraes duluai, i nav bete lol sarisari be vi seserai nia lalai gida. Nam hudali kimiu mulei,

2 Pita 1:1

Nin Saimon Pita, atatun rovoga i hala non Jisas Kraes. Lalai Kimiu be gin lai binihimwasigi garagusi kun kamai, bwatuna be nonda God i Varahuda Jisas Kraes, mwa lol havanau be nu vavtutu.

2 Pita 1:4

Sivi ginau kera geki nu lai lalai gida ira tatauleo Wasi i tavuha. Mai hogoi kera geki kimiu giv betea i giv kun God, i ureure sihav lol te dum hantai kimiu mai non doroniv bwatigoro.

2 Pita 3:14

Ira tuaku, lol taro be gim hohovi huri ginau geki be vi loli, giv lol ron̄oe be giv togo dagai nin vuro i dagai nin totoa bibili i han̄ora. Giv lol ron̄oe be giv lol tamwata mai God.

Ravrava nin Jud 1:24

Lalainigo be vi gitaḡorogo be gosav hovi tehe i vi lai lalainigo rahuan melmelo be vahalana sigai mai samwarana lol non sarisari,

Visirai 1:7

Gin gitae! Kea mwa mai mai ten lan̄i. Mata duluai rav gitae, vaivotu gabe kera gabe ran wehia. Ira sinombu ata lol ureure rav dei ba dalan̄lan̄a bwatuna kea. Ginau gea vi loli! Amen.

Visirai 2:10

Gisav matagun te havanau tehe gabe mwa abena be men dum kimiu. Giv roron̄tai! Setan vi lol ron̄ kimiu, i vi lolia rituai alolomiu ram togo lol imwa vauvauhi i vi vora kunia huri gubwen̄ han̄vulu. Gisav matagu tehe, son̄o be rav wehi kimiu. I nav lai tavwe lalai kimiu, kun gabe tavwen nomiu garogaroana.

Visirai 3:10

Bwatuna be kimiu gim du wasigi alun noḡu tatauleo, i nav gita ḡoro tavuhai kimiu mulei lol taro ririhai be mwa mai lol ureure be men lol ron̄ sinombu duluai ata lol ureure.

Visirai 3:18

Nam bevea lalai kimiu, be giv vol rau vatan̄oga lalaiau, rau matan vatu be nu lol melmeloinia huba huria, be giv vora ratahigi rosoga. I giv vol gaisaga maita ba sagasagainia, i ba saga ḡoro nomiu busbusiana. Giv vol rau gabe wain mata ba daua la matamiu, huri be gov gita dum ute.