1 Pita 1:3 - Hano Niu Testamen

³ Uloi roroai lalai God i Tata non nonda Ratahigi Jisas Kraes. Lol ihan God lavoa sine hagavi kea nu lolia be tav vora mulei vai lol doronhohov lol rahuan n̄ava, bwatuna be Jisas Kraes nu tomare nin mateana.

1 Pita 1:3 ပူးပေါင်းရင်းမြစ်များ

Leo Tavuha gabe Jon nu Ravae 1:13

Ran hav mai tehe gi ira nitun God hurin alen̄an ureure, kun gabe, naturirigi ram bora nin ira tamara lol ureure geki; ta God sibona mwa doron be vivora Tamara.

Ravrava non Pol lalai ata Rom 12:12

Gov ron̄ mwandavuha huribe nom doronhohov mwa hohovi huri ginau tavuha nin God. Gov lin̄ maḡemu lol taro ririhai, i gov tataro vataha mahavana.

Ravrava non Pol lalai ata Rom 15:13

Nam dataro lalai God be mwa hogoi doronhohov be vi hogon bamasiri kimiu gin ron̄ mwandavuha i tamwata lol taro be giv binihimwasigi garagusi aluna. I nomiu doronhohov vi maumauri gin muramura non Vui Sabuga.

Ravrava non Pol lalai ata Rom 4:25

Jisas nu mai huribe vi mate huri vuroda, i mwa domare mulei nin mateana be men lol gida tamen vavtutu la lolmatan God.

Ravrava non Pol lalai ata Rom 5:10

Lol taro be tan vora ivwalu non God, nu mwemwearu mai gida sivi mateanan nituna kadogaha be gida tam bora ira tuana, kea vi varahu gida sivi rahuana non nituna.

Ravrava non Pol lalai ata Rom 8:11

God nu lol domarei mulei Jisas nin mateana, i kebe Vui Sabuga non God mwa dogo maigo, kea vi lai rahuana mulei lalai rebehimwa be mwa mate. God kea haḡea be nu lol domarei mulei Jisas nin mateana, i vi lai rahuana sivi non Vui Sabuga be mwa dogo alolomwa.

Ravrava non Pol lalai ata Rom 8:24

Gida tam rahu, i tam haḡo doronhohov gea. Kebe tav gita hano be tam doronhohov huria, kea varate mwasin doronhohov. Atatu ram hav tau te nora doronhohov huri ginau gabe nora abena huba.

1 Korin 13:13

I ginau gaitolu geki ram du rahurahu vai tuai: binihimwasigi garagusi, doronhovhov, i lolotabetabe. Ta ginau mutai alolora kea lolotabetabe.

1 Korin 15:20

Take Kraes mwasigi nu tomare nin mateana muana i mwasigi be irahei be ram maturu lol mateana rav tomare kunia.

2 Korin 1:3

Avoan avkari lalai God i lalai taman nonda ratahigi Jisas Kraes. God kea Tata be nu masiri gin sine hagavi i avoan maḡomaḡo.

Kelesia 6:16

Tamwata i sine hagavi lalainira be ram huri silo geki i lalai atatu non God duluai.

Ifisas 1:17

nam hudali God non nonda Ratahigi Jisas Kraes, Tata be nu roroa liu be vi lai vuin mataisao i visirai lalai kimiu huri be giv ilo tavuhainia.

Ifisas 1:3

Uloi roron God i Taman nonda Ratahigi Jisas Kraes. Lol Kraes, God nu lai lalai gida ira vatavuha lol vui lol ureure ata amare.

Ifisas 1:7

Kraes gida tam maribwesi gin dagan mateanana, i bwatuna gea gida tam lai tugu kaburai vuroda. Hogoi non God nu rosoga maragai,

Ifisas 2:4

Take sine hagavi non God nu liu, i kea mwa dabe maragai gida.

Ifisas 3:20

Gin muramura non God be mwa lol rovoga bul mai gida, God vi lol dum gaivua liu nin havanau tehe be gida tam hudalinia sage tam binihia.

Kolosi 1:23

Geki vi loli be gov tu rahurahu wasigi i gov ilo didinigi lol non binihimwasigi. Gosav tagara te dagai nin doronhohov be nu laiana lalainigo sivi Roroi Tavuha. Inau Pol, atatun rovoga be nam bului lol toretoreanan Roroi Tavuha gea, Roroi Tavuha gea be atatu n̄oto lol ureure ram ron̄oe.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.

1 Tesalonaeka 1:3

Gam binihi dumwia tagaro lolmatan God Tamanda ginau duluai be gin lolia huba, bwatuna nomiu binihimwasigi garagusi i rovoga be gin lolia bwatuna nomiu lolotabetabe. I gam avkaria be gim wasi radu bwatun nomiu doronhohov lol Ratahigi Jisas Kraes.

1 Tesalonaeka 4:13

Ira tuaku, gam doron kimiu be giv iloe huri atatun Kraes be ran mate, be gisav ron̄ te mwahantai, kunira rituai be nora doronhohov sigai.

2 Tesalonaeka 2:16

Nam dataro be nonda ratahigi Jisas Kraes sibona i God tamanda vi av durago i vi lol muramurago lol ginau tavuha n̄oto be gom lolia i gom bevea. God mwa dabe gida, i sivi non hogoi mwa lai lalai gida doronhohov tavuha i avoan dura be mwa rahu vai tuai.

1 Timoti 1:14

Take hogoi non nonda Ratahigi nu lai duluainia lalaiau, i mai hogoi gea nu mai i binihimwasigi garagusi i lolotabetabe lalai gida duluai be tam bulu lol Kraes Jisas.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

Hibru 3:6

Take Kraes, kea nitun God, i mwa binihi garagusi be vi gitaḡoro la imwan God. Batena be tav binihimwasigi wasigi alun God, i tam dau nonda binihiva mwa du wasigi aluna, gida tam mai gi imwan God.

Jemes 1:18

God nu vinihi tuhi be vi lai rahuana sivi avoan mwasigi be tai vora raumatan ginau duluai lol ginau duluai be nu lolia.

1 Pita 1:13

Giv lol vatuvwai binihimiu huri rovoga i giv gitaḡoro rebehimiu. Nomiu doronhohov duluai sivora non hogoi huri vatavuha be vi vora nomiu lol taro be Jisas Kraes vi visirai abemiu.

1 Pita 1:21

Sivi Kraes gim binihimwasigi God, gabe nu tomarei Kraes nin mateana i nu lai lalainia ute Sarisari. Nomiu binihimwasigi garagusi i nomiu doronhohov mwa do alolon God.

1 Pita 1:23

Kimiu gin vora mulei, i rahuan gara geki nu hav mai tehe nin ginau be nu mate, take nin ginau be mwa hav mate te dumwi. Kimiu gin vora mulei sivi roroi non God be mwa du rahurahu.

1 Pita 2:2

Kunia be naturirigi be ram siv vora ram doron huhu, kimiu mwa du maragai be giv doron vagahi melmelo i vagahi maron̄ron̄o. Ninia gov mauri i gov habwe rahuana,

1 Pita 3:15

Take giv vinihi marahi Kraes kun abe Ratahigi sabuga lol lolomiu. Giv lol vatuvwai tagaro be giv vwaliu atatu duluai be ram hudaligi be giv vevea huri nomiu doronhohov,

1 Pita 3:21

I wai gea nu ḡun garuhisabuga be kadogaha mwa barahugo, i nu hav bwaga te dagai han̄ora nin rebehi, take tatauleo be nu loliana lalai God nin binihiv tavuha. I geki huribe Jisas Kraes nu tomare nin mateana.

1 Pita 3:5

La hala n̄an geki ira vavin sabuga be ran togo tuai i ran tau nora doronhohov alun God i ran lolira sibora ram davuha liu, ran lin̄ maḡemu lalai ira ahoara.

1 Jon 2:29

Gim iloe huba be Jisas Kraes kea atat vavtutu. I ira hei gabe ram lalaḡo bavtutu kera ira nitun God.

1 Jon 3:3

Atatu duluai be ram haḡo doronhohov huri Kraes, rav melmelo kunia be Kraes nu melmelo.

1 Jon 3:9

Ira nitun God rasav vuroga te ḡaoḡao, bwatuna be God mwa dogo alolora. Rasav vuroga te ḡaoḡao bwatuna be kera ira nitun God.

1 Jon 4:7

Ira noḡu buluana, tav lolotabetabe gida bwatuna be lolotabetabe mwa mai nin God. Mahavana be tam lolotabetabe gida, i be gida tam dabetabe gida, gida ira nitun God i tam ilo God.

1 Jon 5:1

Be tas vinihi mwasigi be Jisas kea Kraes mwasigi, gida ira nitun God. Bwatuna be ira hei be ram dabe Tata, ram dabe Nitui mulei.

1 Jon 5:18

Gida tam iloe be mwa hav vora te ira nitun God gabe ram buroga tagaro. Mwasin nitun God mwa du ḡorora, i setan sihav lol te dumwira.

1 Jon 5:4

Ira nitun God duluai ram muramura nin kalkaliana, i nonda binihimwasigi garagusi haḡea be mwa lai muramura geki lalai gida.