1 Pita 1:25 - Hano Niu Testamen

²⁵ take avoana non Ratahigi vi togo rahurahu vai tuai.” I geki haḡea avoana be nu veveana lalai kimiu.

1 Pita 1:25 ပူးပေါင်းရင်းမြစ်များ

Matiu 5:18

Nam bev mwasigi lalai kimiu be, ute atamare i ureure vi togo radu, giv gitae be tavihen ravrava vwate si hav laian te dagai nin Silo vai votu ginau duluai vi nogo.

Leo Tavuha gabe Luk nu Ravae 16:17

Take nu maron̄ron̄o be amare mai ureure vi nogo kaburai ninia be tabwahan Silo tirisavele uhu vi lolian kaburai.”

Leo Tavuha gabe Jon nu Ravae 1:1

Amua nin bwatun ureure, Avoana nu togo huba, kea nu togo mai God, i kea kun God.

Leo Tavuha gabe Jon nu Ravae 1:14

Haḡe Avoana mwa bora atatu, mwa masiri gin hogoi i mwasigi, i mwa dogo mai gida. Tam ḡita sarisarina, sarisari gabe nu laia kun gabe Nitun vora gaituvwa non Tamana.

1 Korin 2:2

Lol taro be nan togo mai abemiu kimiu nan vinihia be nav avo n̄ano huri Jisas Kraes be ran voha bolvoloe alun volovolo.

Ifisas 2:17

Kraes nu mai mwa doretore alun tamwata lalai kimiu gabe gim dogo hautu maragai nin God, i lalainira be ram dogo sosori God.

Ifisas 3:8

Inau nam hav vora te lavoa take tiri savele alolon ira sinombu non God, take God nu lai hogoi geki lalaiau be nai vev luae hurira Lolobon̄i, Roroi Tavuha huri roson Kraes.

Taetas 1:3

La mwasin tarona be nu vavtutu, God mwa lin̄ ureure be vi iloe huri rahuana gea sivi toretore. Nu tau rovoga gea aluku i nan toretore gin avoan ḡaragara non God varahuda.

Hibru 6:5

Kera ran habwea huba be avoana non God nu tavuha maragai, i ran ron̄oe huba huri muramuran ureure gara gea be vi visirae n̄an darihou.

1 Pita 1:12

God nu seserainia lalainira be nora rovoga nu hav vorate hurira Sibora take huri kimiu, lol taro be nu veveana na ira mwasigi be gim ron̄oe kadogaha. Kera be ram doretore huri Roroi Tavuha lalai kimiu ran vev ginau kerageki mai buluiana non Vui Sabuga gabe nu horana nin ute atamare ginau alolona gabe ira enjel ram doronia be rav gitae.

1 Pita 1:23

Kimiu gin vora mulei, i rahuan gara geki nu hav mai tehe nin ginau be nu mate, take nin ginau be mwa hav mate te dumwi. Kimiu gin vora mulei sivi roroi non God be mwa du rahurahu.

1 Pita 2:2

Kunia be naturirigi be ram siv vora ram doron huhu, kimiu mwa du maragai be giv doron vagahi melmelo i vagahi maron̄ron̄o. Ninia gov mauri i gov habwe rahuana,

2 Pita 1:19

Geki haḡea nu lolia mwa melmelo lalai kamai gin roroi be atatun vevsera ran vevea. Nu tavuha hurigo be gov huri sosori hano be ran vevea i kimiu giv huri gigita lol ute meto, vaivotu be gubwen̄i vi tau bwatuna i mahoe vi tomare lol sibwen̄imiu.

1 Jon 1:1

Nomai roroi geki gam ravae lalai kimiu huri roroi huri rahuana, avoan mataisao. Avoana non God lalai kimiu mahavana be ureure sigai radu. Take avoan Mataisao non God gea nu togo huba. Bweromai nu ron̄oe i matamai nu gitae, i limamai nu sibweri avoana geki.

1 Jon 1:3

Gam bev ginau lalai kimiu be gam ron̄oe i gam ḡitae. Huria be kimiu giv bulu mai kamai lol rahuana. I gam bulu maia lol Tata i mai Nituna Jisas Kraes.

Visirai 14:6

Haḡe nam ḡita enjel vwate be mwa ḡaga haehae butbutui lol mahao, mai roroanan Roroi Tavuha be nogonana nu sigai be vi vev luae lalai sinombu lol ureure, i lalai lalan̄an atatu i lalan̄an vara, mai avoana, i tatan̄an vanua.