1 Pita 1:22 - Hano Niu Testamen

²² Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

1 Pita 1:22 ပူးပေါင်းရင်းမြစ်များ

Leo Tavuha gabe Jon nu Ravae 15:17

Geki haḡea ginau gabe nan vevea lalai kimiu: giv tabetabe kimiu.”

Leo Tavuha gabe Jon nu Ravae 15:3

Kimiu gin lol melmeloi kimiu huba gin silo vagahi gabe nan laia lalai kimiu.

Leo Tavuha gabe Jon nu Ravae 17:17

Gov lolira be rav vora nomwa, be rav tu huri mwasigi; nom avoana haḡea mwasigi.

Leo Tavuha gabe Jon nu Ravae 17:19

Nam lin̄iau siboku lalainigo bwatuna kera, huribe kera mulei, mwa du be rav lin̄ira sibora lalainigo.”

Lalaḡova 15:9

Nu lolia la hala gea nuhav dolua tehe nin kamai; Kea nu binihi kaburai vurora bwatuna gabe ran binihimwasigi.

Lalaḡova 6:7

I kunia avoana non God mwa mauri rahurahu. Haḡe tovtovon ira hala gaivua mwa mauri doratora vataha gubwen̄i alun binihimwasigi, lol vanua Jerusalem, i ira tataroi ivusi maragai ram binihimwasigi alun Kraes.

Ravrava non Pol lalai ata Rom 1:5

Sivi Kraes, God nu lai rovoga non ira hala, be vi tomuai atatu lol ute duluai be rav binihimwasigi i rav ron̄oe.

Ravrava non Pol lalai ata Rom 2:8

Ta atatu rituai ram binihi sagera. Ram barihai didi huri mwasigi i ram huri lete. God vi lai lalainira non vevegi i lolhoro.

Ravrava non Pol lalai ata Rom 8:13

Kebe gov lol ginau be binihimwa mwa doronia, gov mate huria ta kebe gov lolia la buluiana non Vui Sabuga be vi tuḡorogo nin ginau hantai be gov lolia la rebehimwa, kea gov haḡo rahuan tavuha.

2 Korin 6:6

Gam seserainia be kamai atatun rovoga non God gin rahumai be nu melmelo, nomai iloilon halan ginau, nomai ron̄ mwan̄ava i alen̄ tavuha non Vui Sabuga, gin mwasin lolotabetabe,

Kelesia 3:1

Kimiu ata Kelesia nu vevean melmeloi lalai kimiu huri mateanan Jisas Kraes alun volovolo. Take kimiu ira taltaleana; gim lin̄ atatu vwate mwa ruruhigo.

Kelesia 5:5

Take gida tam haḡo mwasin doronhohov be mwa mai nin lolian vavtutu mai God, i gin Vui non God tam hohovi gin doroniva maragai huri doronhohov geki.

Kelesia 5:7

Kimiu gim rovo huri rovoan tavuha. Ihei mwa du ḡorogoro kimiu be gisav huri te mwasin hala?

Ifisas 4:3

Kimiu giv bulu hara gaituvwa mai tamwata sivi Vui Sabuga, i giv lol dum hala duluai be vi van rahurahu hara gaituvwa la hala geki.

Filipae 1:9

Geki haḡea noḡu tataro huri kimiu: be nomiu lolotabetabe vi mauri liu maragai; be giv haḡo iloute i giv ilo halana mai git batoi,

1 Tesalonaeka 3:12

Nam dataro be Ratahigi vi lol nomiu lolotabetabe vi mauri liu i vi mauri huri kimiu gaitutuvwai i huri sinombu duluai huri be giv lolotabetabe kera dodolua kunia be kamai gam dabe kimiu.

2 Tesalonaeka 1:3

Ira tuaku mai ira hogosiku, tav avkari God vataha mahavana huri kimiu. Geki haḡea nu vavtutu, bwatuna be nom binhimwasigi garagusi mwa mauri vataha mahavana, i lolotabetabe be kimiu duluai gim do maia, huri be kimiu gaitutuvwai gim mauri.

2 Tesalonaeka 2:13

Ira tuaku, kimiu gabe God mwa doron kimiu, God nu gita luago la bwativuna be gov rahu. I gida duluai tav avkari God vataha mahavana hurigo. Giḡo gom rahu gin Vui Sabuga be mwa loligo gom sabuga gin nom binihimwasigi garagusi lol mwasigi.

1 Timoti 1:3

Nam hudalinigo be gov togo hen vain̄ava Ivisas kunia be nan vevea lalainigo amua batena be nan haroro Masedonia i giḡo goi vev wasi dumwia be sinombu rituai aia be rav mambui vagahi tentene.

1 Timoti 1:5

Binihiva huri avoan wasi geki huri be sinombu rav haḡo lolotabetabe, kea be mwa mai nin lolo melmelo i binihiva be nu tavuha i binihimwasigi garagusi vavtutu.

1 Timoti 4:12

Gosav lin̄ te atatu be rav gita bahivoinigo huribe giḡo mwalaḡelo n̄ano, take gov vora malele lalai ira atat binihimwasigi lol nom avoana, nom lalaḡova, nom lolotabetabe, nom binihimwasigi garagusi, i lol nom togoan melmelo.

1 Timoti 5:2

Ira vavin metuaga kun be ira ratahi, i ira daulato kun be ira hogosi. Gov lol maira lol hala be nu melmelo tagaro.

2 Timoti 1:14

Gov haḡo wasi ginau tavtavuha duluai be nan taua lol rahumwa. Vui Sabuga be mwa dogo alolomai mwa lai muramura lalainigo huri ginau geki.

Hibru 11:8

Bwatuna gabe Ebraham mwa binihimwasigi garagusi alun God, bwatuna haḡe gea kea mwa dabe silon God, lol taro gea be God nu uloinia be vi vano lol ute dolua vwate. Ute gea God nu tatauleo huba lalainia be vi laia lalainia. I Ebraham mwa mwalue nin vanuana, take mwa hav iloe tehe be vanua gara gea mwa dogo halabehe, be kea mwa bano huria.

Hibru 13:1

Giv tabetabe kimiu kunira huhu gaituvwa.

Hibru 5:9

Mahavana be kea mwa bavtutu, i mwa bora gi bwatun varahuva be mosmosianana nu sigai huri kera be ram dabea.

Hibru 6:10

Huri alen̄an God vataha mahavana nu tavuha n̄ano. I kea sihav vinihi te dum malioi rovoga duluai gea be gin lolia. I kea vi vinihi dumwia be kimiu gim dabea lol nomiu doroniva liu, i be gin bului raduinira atatun uloilua dodolua, i gin bului raduinira.

Hibru 9:14

Take dagan Kraes vi lol rovoga wasi maragai. Kraes nu kun ginau rahu be ginau vwate nu hav hantai tehe lol rebehina be ram wehia huribe men lai dagai vuron atatu. Gin muramura non Vui Sabuga be mwa dogo vataha mahavana mwa lai rahun Kraes vai aben God. Dagana mwa lol binihinda mwa melmelo lol ginau duluai be tam lolia, huria be tav lol dum rovoga non God be mwa rahu.

Jemes 1:21

Vuro i alen̄ deḡeteḡe gov tau dagainia nin rahumwa. Gin ron̄ maḡemu gov lai ḡoḡo silo vagahi non God i gov rivua lol irubwimwa. Silo vagahi geki vi varahu rahumwa.

Jemes 4:8

Mai sosori vai aben God, i God vi mai sosorigo. Giv bwaga limamiu ira atat vuroga! Giv lol melmeloi irubwimiu, kimiu ira hoḡoiḡoro!

1 Pita 1:2

God nu lol dautau kimiu amua be vi gitalua kimiu i vi lol kimiu giv vora non atat sabuga, gabe rovoga non vui. God mwa doron be kimiu giv ron̄oe i giv melmelo gin dagan Mateanan Jisas Kraes. Hogoi i tamwata vi vora nomiu i vi liu.

1 Pita 2:17

Giv to binihi marahi atatu duluai: Giv tabe ira atamwani i vavine nin ata lol imwan God, giv binihi marahi God i giv lin̄ maḡemu lalai ratahigi lavoa.

1 Pita 3:1

La hala n̄an gea, kimiu ira ratahi mwa du maragai be giv lin̄ maḡemu lalai ira ahoamiu. Be, ira tata rituai rasav tabe te vagahi non God, kera rav garoinia be rav binihimwasigi i atatu vwate sihav vev te avoana vwate lalainira. Kera rav togo kunia be ira tasalara ram dogo.

1 Pita 3:20

be ran varihai didi lin̄ maḡemu huri God tuai lol taron Noa. God nu hohovira lol maḡemu lol taro be Noa mwa boha waḡa. Atatu n̄an gaiviha, gaivwelu lol tatan̄ana ram rahu gin wai.

1 Pita 3:8

Nogonana, kimiu duluai gis togo lol dameana, giv ilo kimiu gaitutuvwai, giv tabetabe kimiu kun abe ata lol imwa gaituvwa, giv maḡemu i giv tavuha.

1 Pita 4:17

Taron vevegi be mwa dau bwatuna mai atatu ata lol imwan God. I kebe vevegi gea vi tau bwatuna mai gida, Havanau haḡea vi loli lalai sinombu be ram hav lin̄ te maḡemu huri Leo Tavuha non God?

1 Pita 4:8

Liuhage haḡea, giv tabetabe kimiu maragai, bwatuna be tabetabe haḡea vi lol voro ivusi be vi vinihi kaburaiana.

2 Pita 1:7

be rovoga non God mwa dogo huba giv bulusia gin alen̄ tavuha lalai ira tuamwa; be alen̄ tavuha mwa dogo huba giv bulusia gin lolotabetabe.

1 Jon 3:11

Roroi gabe gim ron̄oe la bwativuna, be giv tabetabe kimiu.

1 Jon 3:23

God mwa doron be tav tau nonda binihimwasigi alun Nituna Jisas Kraes i tav tabetabe gida. Geki havanau gabe Jisas nu vevea be tav lolia.

1 Jon 4:12

Atatu vwate mwa hav gita te God radu, i non tabeana mwasigi mwa dogo aloloda.

1 Jon 4:20

Take be tas vevea be tam dabe God. Take tam hav tabetabe te gida, i kunia tam dentene. Be tasav tabe te dum sinombu gabe tam hav gitara tehe? Kun hanigi be tav tabe God be tam hav gitae tehe?

1 Jon 4:7

Ira noḡu buluana, tav lolotabetabe gida bwatuna be lolotabetabe mwa mai nin God. Mahavana be tam lolotabetabe gida, i be gida tam dabetabe gida, gida ira nitun God i tam ilo God.

Visirai 2:4

Take nomiu vahalana vwate mwa du ḡoro lol mataku, gim hav mom doron te maragaiau, kunia be gin tabeau la bwativuna.