1 Pita 1:2 - Hano Niu Testamen

² God nu lol dautau kimiu amua be vi gitalua kimiu i vi lol kimiu giv vora non atat sabuga, gabe rovoga non vui. God mwa doron be kimiu giv ron̄oe i giv melmelo gin dagan Mateanan Jisas Kraes. Hogoi i tamwata vi vora nomiu i vi liu.

1 Pita 1:2 ပူးပေါင်းရင်းမြစ်များ

Matiu 24:22

Take God nu lol vwelvwelei mahavana huba gea. Be si hav lolia te kunia, atatu si hav rahu tehe. Ta bwatuna irahei gabe God nu gita luara, kea vi lol vwelvwelei mahavana gea.

Matiu 24:24

Bwatuna Kraes tentene i atatun vevsera tentene rai visirai i rav lol dovon̄a i taro ririhai be ramen salainira gabe God nu gita luara, be si dum.

Matiu 24:31

Haḡe taiva vi tatan̄ gaivua, i nav derai noḡu enjel vai la sigun ureure duluai, i rav haraḡoḡo noḡu atat gitalua nin tavalun ureure vai tavaluna.

Leo Tavuha gabe Mak nu Ravae 13:20

Take Ratahigi nu lol vwelvwelei mahavana huba gea. Be sihav lolia te kunia, atatu sihav rahu tehe. Ta bwatuna ira hei gabe God nu gita luara, kea vi lol vwelvwelei mahavana gea.”

Leo Tavuha gabe Mak nu Ravae 13:22

Bwatuna Kraes tentene i atatun vevsera tentene rai visirai i rav lol dovon̄ana i taro ririhai huri be si dumwi ta rav salainira gabe God nu gita luara.

Leo Tavuha gabe Mak nu Ravae 13:27

Kea vi horara enjel vai la sigun ureure gaivasi, rav hara ḡoḡo ira atat gitalua non God.”

Leo Tavuha gabe Luk nu Ravae 18:7

Kun hanigi God sihav tabe te non sinombu gabe ram dan̄ihi buluiana ninia bon̄i i rani? Matu kea vi ron̄mwan̄ava huri be men buluira?

Lalaḡova 15:18

Haḡe Ratahigi, gabe nu vev sera ginau geki tuai huba.”

Lalaḡova 2:23

Gin mwasin non taritari, God nu vinihi daua be Jisas vi lin̄ia lalai kimiu, i gim wehia ginia be gim lin̄ia la limara atat bwatigoro ram bohae vai alun volovolo.”

Lalaḡova 20:32

“I kadogaha nam lin̄ kimiu ta aten muramura non God i gin avoana huri non hogoi, gabe vi lol kimiu giv mauri wasigi, i vi lai lalai kimiu vatavuha God mwa laia huri non sinombu.

Ravrava non Pol lalai ata Rom 1:5

Sivi Kraes, God nu lai rovoga non ira hala, be vi tomuai atatu lol ute duluai be rav binihimwasigi i rav ron̄oe.

Ravrava non Pol lalai ata Rom 1:7

Lalai kimiu duluai Rom gabe God mwa doron kimiu i nu uloi kimiu be giv vora ira non atat sabuga: Noḡu tataro, be God, tamanda, mai Jisas Kraes, raru vi tau hogoi i tamwata be vi togo mai kimiu.

Ravrava non Pol lalai ata Rom 11:2

God mwa ḡita lua ata Israel i non atatu amua mwasivora nora vorana, i kea nu hav tau te dagai non atatu. Gam ilo havanau haḡea Ravrava Sabuga mwa bevea huri Elaija, kun hanigi nu tataro lalai God huri alen̄ hahantai non sinombu ata Israel.

Ravrava non Pol lalai ata Rom 11:28

Ata Israel ram barihai didi damei Roroi Tavuha, ira Jius ram bora ivwalu non God huribe kimiu ira Lolobon̄i. Take ira Jius ram bora atat gita lua non God radu, i kea mwa dabe mutainira mwa hurin nora tatauleo be nu lolia mai ira sibira.

Ravrava non Pol lalai ata Rom 15:16

huri be nav vora atatun rovoga non Kraes Jisas lalai nira Lolobon̄i. Nam lol rovoga non God be nam bagahi non Roroi Tavuha, be kera be ira Lolobon̄i rav vora ira hogoi be God vi dara aluna hogoi be nu lolian Sabuga nin Vui Sabuga.

Ravrava non Pol lalai ata Rom 16:19

Atat binihimwasigi n̄oto ram ron̄oe be gim lol gogonai, i nam ron̄ mwandavuha bwatuna kimiu. Ta nam doron be kimiu giv mataisaoga huri hano be nu tavuha i giv melmelo nin hantai.

Ravrava non Pol lalai ata Rom 16:26

Nu loliana mwa melmelo sivi ravrava nin ira atatun vevsera. I hurin avoan wasi non God, be mwa dogo vai tuai mwa loliana lalai ureure duluai huribe kera rav binihimwasigi i rav gogonainia.

Ravrava non Pol lalai ata Rom 8:13

Kebe gov lol ginau be binihimwa mwa doronia, gov mate huria ta kebe gov lolia la buluiana non Vui Sabuga be vi tuḡorogo nin ginau hantai be gov lolia la rebehimwa, kea gov haḡo rahuan tavuha.

Ravrava non Pol lalai ata Rom 8:33

Ihei haḡea vi vev dum avoan hantai lalai atatu be God nu gita luara? Atatu vwate sigai, huribe God haḡea sibona nu lolira ram bavtutu.

1 Korin 1:30

Take God nu haḡo bul kimiu alolon Kraes Jisas, i God nu lol Kraes be vi vora nonda mataisao. Sivi Kraes haḡea mwa dau bavtutui mulei gida lol God i mwa lol gida tam bora atat mataisaoga, i mwa ḡita batoi gida i mwa lol sabugai gida.

1 Korin 6:11

Lol taro tuai huba, kimiu rituai haḡea kunia, take nu bwaga melmeloi kimiu huba. I nu lol sabugai kimiu, i nu tau bavtutui kimiu mai God lol ihan Ratahigi Jisas Kraes i mai Vuin nonda God.

2 Korin 10:5

i ginau ravravwega be ram lin̄ i ram ron̄ maḡemu huri Kraes.

2 Korin 13:14

Hogoi non nonda Ratahigi Jisas Kraes, tabetabe non God, bulbul tavuha non Vui Sabuga, vi togo mai kimiu duluai.

Kolosi 3:12

God nu gita luago i mwa loligo i non atat sabuga. Mwa dabego. I kunia gov sagago lol ginau haḡe kerageki: Gov hagav atat dolua, gov tabetabe, lin̄ mulei, sine hagavi, i ron̄ mwan̄ava.

2 Tesalonaeka 2:13

Ira tuaku, kimiu gabe God mwa doron kimiu, God nu gita luago la bwativuna be gov rahu. I gida duluai tav avkari God vataha mahavana hurigo. Giḡo gom rahu gin Vui Sabuga be mwa loligo gom sabuga gin nom binihimwasigi garagusi lol mwasigi.

2 Timoti 2:10

Kunia inau nam dame gin maḡemu lol taro ririhai kera geki huria be kera be God nu gita luara rav lai dum varahuva gea be mwa du mai Kraes Jisas i mwa lai sarisari be sihav nogo tehe.

Taetas 1:1

Nin Pol, atatun rovoga non God i hala non Jisas Kraes nu horau be nav huhui ira sinombu gin binihimwasigi garagusi be God mwa ḡita luara i be nai buluira be rav ilo mwasigi kea be mwa seserainia lalai sinombu kunhanigi rav lol rovoga lalai God.

Hibru 10:22

I huri ginau geki nu tavuha be tam mai sosori aben God be binihinda vi melmelo i nonda binihimwasigi garagusi ran wasi. Amua binihinda ran bibili gin vuroda, mwa melmelo be tam ḡagaru lol wai melmelo.

Hibru 11:28

Huria be kea mwa binihimwasigi garagusi alun God, bwatuna gea kea mwa dau bwatun Halbisḡalau. Kea nu vevea lalai ata Israel be rav tau dagan sipsip la gai duluai la gatavan imwara. Kera ram lolia kunia huria be Enjel gea be God mwa horai be vi wehi atatu sihav wehi te dum nora muai bwana.

Hibru 12:24

Giv mai huri Jisas, gabe kea atatu be vi tari mulei Tatauleo gara non God. I kimiu giv mai alun dagan Jisas gea gabe nu lol melmeloi kimiu, gabe mwa bev lua ginau gabe ran tavuha liu, ninia gea be dagan Ebol mwa bev luae.

Hibru 5:9

Mahavana be kea mwa bavtutu, i mwa bora gi bwatun varahuva be mosmosianana nu sigai huri kera be ram dabea.

1 Pita 1:14

Kadogaha be gim bora naturirigi tavuha non God gisav mom dogo tehe kunia be gin togo tuai Gin hav ron̄ te batoia, i gin lol ginau hahantai be gin doronia.

1 Pita 1:19

take mai dagan Kraes, gabe nu vora kun sipsip mwalkeloi.

1 Pita 1:20

Kraes nu gita luana amua mwa siv tau ureure, take kea nu vagahiana lalai ureure lol nogonan taro geki huri kimiu.

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

2 Pita 1:2

Hogoi i tamwata vi laiana lalai kimiu vi mauri vi liu, bwatuna be kimiu mwasigi gim ilo God i Jisas nonda Ratahigi.

2 Jon 1:1

Nin muai bwatmetue ata lol imwa tataro. Lalai vavin gitalua mai ira nituna. Nam dabe kimiu duluai lol mwasigi. Avoana geki mwa hav mai tehe niniau siboku n̄ano take kera duluai be ram ilo mwasigi ram dabe kimiu.

2 Jon 1:13

Ira hogosi gitalua gita lua ram hora nora avoan helheloi lalainigo.

Ravrava nin Jud 1:2

Sine hagavi, tamwata i lolotabetabe vi vora nomiu roso.