1 Pita 1:13 - Hano Niu Testamen

¹³ Giv lol vatuvwai binihimiu huri rovoga i giv gitaḡoro rebehimiu. Nomiu doronhohov duluai sivora non hogoi huri vatavuha be vi vora nomiu lol taro be Jisas Kraes vi visirai abemiu.

1 Pita 1:13 ပူးပေါင်းရင်းမြစ်များ

Matiu 20:4

mwa bevea lalainira be, ‘Nu tavuha be kimiu mulei giv mai ba lol rovoga lol taluku, i nai vol tavuhai kimiu,’

Leo Tavuha gabe Luk nu Ravae 12:35

“Giv lol vatuvwai huri havanau te be vi mai, giv saga ḡoro kimiu i nomiu bulu vi tumusian dautau,

Leo Tavuha gabe Luk nu Ravae 17:30

Vi loli n̄an mulei kunia lol gubwen̄i gabe Nitun Atatu vi visirai alolona.”

Leo Tavuha gabe Luk nu Ravae 17:8

Gosav vev te dumwia lalainia kunia! Take, gov vevea lalainia be, ‘Lol vatuvwai gaku ginau, i gov saga ḡorogo gin gaisagan ginaganiana i gov lai gaku ginau vai abeku; nav mwinmwin ba ḡangan amua gom siv gan gamwa.’

Ravrava non Pol lalai ata Rom 13:13

Tav togo la alen̄ vavtutu, kun atatun ute rani. Ta sav la te bulbulu huri mwinmwin daltale huri ginau hantai. Atamwani mai atamwani rasav lol te bwatigoro ginginira sa vavine mai vavine. Bwaloana visigai mai binbinihi hantai.

Ravrava non Pol lalai ata Rom 8:19

Ginau duluai be God mwa lolia mwa hohovi mai samwarana be God vi lol seserai lalai ira nituna sarisarina mwasigi.

1 Korin 1:7

Lol taro be gim dogo hohov Jisas Kraes be vi mai mulei, gin lai vatavuha n̄oton̄oto.

1 Korin 13:13

I ginau gaitolu geki ram du rahurahu vai tuai: binihimwasigi garagusi, doronhovhov, i lolotabetabe. Ta ginau mutai alolora kea lolotabetabe.

Ifisas 6:14

Giv tu wasigi mai gaiweswesin mwasigi be gom sisia dalis bugimwa i gitaḡoro huri vavtutu lol bwabwamwa.

Kolosi 3:4

Kraes kea rahuda, i lol taro gabe vi mai mulei tav haḡohaḡo lol sarisarina.

2 Tesalonaeka 1:7

I vi lai mabuana lalai kimiu be gim ron̄ ḡagarasi i lalai kamai mulei lol taro be Ratahigi Jisas vi visirai mai gabi oda nin amare mai ira non enjel muramuraga.

2 Timoti 4:5

Take giḡo gov togonainigo sibomwa vataha taro duluai. Dame ḡoro taro ririhai duluai. Gov lol rovoga be, gov toretore huri Leo Tavuha, i lol haraharai rovoga duluai be non atatun rovoga non God.

2 Timoti 4:8

Kadogaha, gaisosorin bwatu mwa do dautau hohoviau. Gaisosorin bwatu be God nu tau bavtutuiau maia. God be mwa harahara bavtutu, kea vi lai gaisosorin bwatun gea lalaiau la Nogonan Gubwen̄. Sihav vora te lalaiau gaheku take lalainira duluai be ran hohovi gin lolotabetabe huria be vi mai mulei.

Hibru 10:35

I huri ginau geki mwa du be giv tu wasigi huribe tavwemiu gaivua mwa dogo be giv laia.

Hibru 3:6

Take Kraes, kea nitun God, i mwa binihi garagusi be vi gitaḡoro la imwan God. Batena be tav binihimwasigi wasigi alun God, i tam dau nonda binihiva mwa du wasigi aluna, gida tam mai gi imwan God.

Hibru 6:19

Alen̄a gea be tam dau nonda doronhohov mwa du wasigi huria be tav lai dum ginau gea, kun gabe marahin waḡa be vi haḡo rahuda. Doronhohov vwate be nu saga mwasigi, be sihav rihu te dumwi. Doronhohov mwa ban sivi gavu gabe mwa du huba lol ute gogona non God.

Hibru 9:28

Kunia Kraes mwa lin̄ muleinia gi tataroi vatuvwa n̄ano be men lai dagai vuron sinombu. Kea vi mai mulei varuana, take lol taro gea mwa hav mai tehe be men lin̄ muleinia huri vuro, take men lai rahuana hurira be ram hohovia.

1 Pita 1:10

Ira atatun vevsera ran hiḡe halan varahuva geki i ran lol ron̄oe be rav habwea. Ran vev sera huri vatavuha be vi mai lalai kimiu.

1 Pita 3:15

Take giv vinihi marahi Kraes kun abe Ratahigi sabuga lol lolomiu. Giv lol vatuvwai tagaro be giv vwaliu atatu duluai be ram hudaligi be giv vevea huri nomiu doronhohov,

1 Pita 4:7

Taro vi sosori be ginau duluai vi nogo. Giv binbinihi tavuha i giv vwalau rebehimiu sibomiu i kimiu giv lol dumwia be giv tataro.

1 Pita 5:12

Nam rav avoan vwelvwele geki mai buluiana non Sailas, kea nam iloe be atat binihimwasigi lol Kraes. Nam ravae be nav lai avoan dura lalai kimiu i nav vevea lalai kimiu be geki haḡea mwasin hogoi nin God. Giv tu wasigi lol vatavuha gea.

1 Pita 5:8

Giv tuḡoro kimiu sibomiu i giv gitaḡoro! Atmate, nomiu ivwalu, be mwa bataha ute kun abe Laion gangani mwa hiḡe atatu be men gania.

1 Jon 3:3

Atatu duluai be ram haḡo doronhohov huri Kraes, rav melmelo kunia be Kraes nu melmelo.