1 Korin 9:5 - Hano Niu Testamen

⁵ Kamai gasav lagi te dum mai ira tasalamai be kera atat binihimwasigi huba, ram huri kamai lol nomai rovoga, take ira hala dodolua mai tuan nonda Ratahigi, mai Pita?

1 Korin 9:5 ပူးပေါင်းရင်းမြစ်များ

Matiu 13:55

Matu mwa hav vora te kea nitun atatun vohavoha imwa, i ratahina Mere, i ira tuana Semes i Joses, Saemon i Judas?

Matiu 8:14

Jisas mwa ban vai lol imwan Pita, mwa dalin̄oro i aia mwa ḡita ratahin tasalan Pita mwa eno, mwa haro gin rurutia.

Leo Tavuha gabe Mak nu Ravae 1:30

Ratahin tasalan Saimon mwa haro mwa eno gin rurutia, mahavana gabe Jisas mwa botu aia, ram bevea lalainia huria.

Leo Tavuha gabe Mak nu Ravae 6:3

Mwa hav vora te kea atatun vohavoha imwa gabe nitun Mere, ira tuana gabe Semes, Josep, Judas mai Saimon? Ira hogosina gabe ram du teti?” Haḡe kera ram barihainia.

Leo Tavuha gabe Luk nu Ravae 6:15

Matiu mai Tomas, Semes gabe nitun Alvius, mai Saemon ninira vatugigi gabe ram barihainira ata Rom,

Leo Tavuha gabe Luk nu Ravae 8:20

Haḡe atatu vwate mwa bevea lalai Jisas be, “Ratahimwa mai ira tuamwa ram du avare ram doron be ramen gitago.”

Leo Tavuha gabe Jon nu Ravae 1:42

I kea mwa lai Saemon vai aben Jisas. Jisas mwa ḡarere mwa ḡitae i mwa bevea lalainia be, “Ihamwa Saemon nitun Jon, take vi uloinigo be Kivas.” (Geki kun iha n̄an be Pita binihiva be “Vatu.”)

Leo Tavuha gabe Jon nu Ravae 2:12

Atagun ginau geki, Jisas mai ratahina, ira tuana maira roron̄tai ram bano vai Kapanium i ram dogo aia huri gubwen̄i rituai.

Lalaḡova 1:14

Haḡe kera duluai ram bulu ute gaituvwa be ramen tataro, maira vavine, i Mere gabe ratahin Jisas, mai ira tuana.

Ravrava non Pol lalai ata Rom 16:1

Nam bevea lalai kimiu huri vavin tavuha Vibi, be nu bului lol imwa tataro Ken̄kria.

1 Korin 1:12

Namen lol melmeloi nia be rituai alolomiu ram bevea be, “Inau nam huri Pol”; vwate mwa bevea be, “Inau nam huri Apolos”; i vwate mwa bevea be, “Inau nam huri Kraes.”

1 Korin 7:15

Take kera gabe ram hav vora te ira binihimwasigi ram binihi tuhi be rav mwalue dagai, lin̄ira ran mwalue. Batena be mwa loli kun geki, atatun uloilua atamwani sage vavine nu tavuha rahurahu mulei. Take God mwa uloi gida be tav togo lol tamwata.

1 Korin 7:39

Vavine vi togo mai ahoana lol rahuana duluai. Take ahoana vi mate, kea nu tavuha n̄ano be vi lagi atamwani hei tehe be mwa doronia, take atamwani n̄ano lol uloilua.

1 Korin 7:7

Nam doron be atatu duluai ran ḡuniau n̄ano, take atatu gaitutuvwai nora hogoi gaitutuvwai batvatahara, be God nu laia lalainia. Vwate non hogoi dolua i vwate non hogoi dolua.

1 Korin 7:8

I kadogaha hurira be ram hav lagi tehe i huri ira bwero nam bevea haḡe geki nu tavuha be rasav lagi tehe kuniau.

Kelesia 1:19

Nan hav habwe te ira hala dodolua, hava Semes n̄ano be tuan Ratahigi.

1 Timoti 3:2

Tomuai non uloilua sihav lol te ginau be sinombu rav vinihi hantainia, i vivora tasalana n̄an gaituvwa. Kea vi vwalaunia sibona gin mataisao, atat dodolua rav binihi marahinia. Vi laiḡoḡo dumwira be non tausala, i vi vagahi dumwi.

1 Timoti 4:3

Ram duḡoro sinombu be rasav lagi tehe i ram bevea lalainira be rasav gan ginaganiana rituai be God nu lolira be vi ganiana gin avkari nin sinombu be ram binihimwasigi i ram ilo mwasigi.

1 Timoti 5:2

Ira vavin metuaga kun be ira ratahi, i ira daulato kun be ira hogosi. Gov lol maira lol hala be nu melmelo tagaro.

Taetas 1:6

Tomuai sihav vora te atatu be nu vuroga, tasalana vivora gaituvwa n̄ano, ira nituna atatu binihimwasigi. Take rasav vora te naturigi be ram daha i ram hav bulbulu tehe.

Hibru 13:4

I atatu duluai rai vinihi marahi silon lagiana, ira ahoai mai ira tasalai, giv togo bavtutu hurin silon lagiana gingin kimiu. God vi vevegi ihei tehe gabe ramuru sura be lagiana sigai, i ahoai mai tasalai be vwate mwa sura mai atatu dolua.