1 Korin 9:22 - Hano Niu Testamen

²² Lalainira be ram mandamanda, inau mulei nam bora kunira, huribe nav lai dum ira mandamanda. Nam mai gi ginau duluai lalai atatu n̄oto huribe nav lol dum rovoga lalainira la hala duluai be vi dumwi.

1 Korin 9:22 ပူးပေါင်းရင်းမြစ်များ

Ravrava non Pol lalai ata Rom 11:14

Nam binihia be nav lol noḡu atatu siboku rav binbinihi hantai, i hala geki vi bului be nav varahu dum tavalura.

Ravrava non Pol lalai ata Rom 14:1

Giv samsamwara be giv lai ḡoḡo atatu gabe non binihimwasigi garagusi nu mandamanda, gisav vigaigai tehe huri nora vahalana.

Ravrava non Pol lalai ata Rom 14:2

Atatu rituai ram binibe nu tavuha be vi ganiana na lalan̄an ginaganiana n̄oto. Take rituai be ran mandamanda, ram binihimwasigi garagusi be nu vavtutu be vi ganiana n̄ano na ginaganiana be mwa rivuana lol ute loloara.

Ravrava non Pol lalai ata Rom 15:1

Gida be tam du wasigi lol binihimwasigi garagusi tas lol ron̄oe be tas bului kera be ram mandamanda mai nora binihimwasigi, take tasav binihi te huri gida siboda.

Ravrava non Pol lalai ata Rom 15:2

Tav lin̄ gida gaitutuvwai be tav bului ira tuada huria be rav tavuha, be rav tu wasigi lol binihimwasigi garagusi.

1 Korin 10:33

Gov lolia kunia n̄ano be nam lolia. Kunia be inau nam doron be nav lol doroniva non atatu duluai la hala n̄oto. Nam hav lol te ginau be nu vavtutu huriau take ginau be nu vavtutu huri atatu duluai be rav rahu.

1 Korin 7:16

Tasalai gom hav iloe tehe, bisata gon varahu ahoamwa. I mulei ahoai, gom hav iloe tehe, bisata goi varahu tasalamwa.

1 Korin 8:13

I ginaganiana be nam ḡania mwa lolira be ramen hovi lol vuro, na sa mom ḡan te bigi mulei be nav lol ira tuaku rav hovi lol vuro.

1 Korin 9:19

Inau atat maribwesi i nam hav vora te turin rovoga huri atatu vwate. Take nam loliau kun gabe turin rovoga lalai atatu duluai be nav rav dum sinombu.

1 Korin 9:23

Nam lolia kunia huribe gin Roroi Tavuha nav lai udun non vatavuha.

2 Korin 11:29

Batena be tuara vwate mwa beuga inau mulei nam ron̄ mwahantai, i nam lolovono tagaro be atat vwate mwa hovi lol bwatigoro.

Kelesia 6:1

Ira tuaku, be atatu vwate lol nomiu tatan̄ana mwa lol ginau vahala, giḡo gabe gom dogo lol Vui gos vano aben wani gea ba buluia ba lol bavtutu muleinia. Take giv gitaḡoro, bere gim ḡal kimiu vai lol vuro mulei.