1 Korin 9:15 - Hano Niu Testamen

¹⁵ Take nam hav haḡo te ira mwasigi kerageki. I nam hav ravae tehe kadogaha be nav lai ginau rituai nin kimiu. Mwa du maragai be nav mate muana! Atatu vwate sihav lol te bwedai dum noḡu avoan tavtavuha!

1 Korin 9:15 ပူးပေါင်းရင်းမြစ်များ

Matiu 18:6

“Be ihei vi lol vwate ninira naturirigi geki be nora binihimwasigi garagusi vi van dagai niniau, nu tavuha be vi vauhiana na vatu marahi la mwagorona ba bohainia lol tahi roro gim mwinu kaburai.

Lalaḡova 18:3

ba do ba lol rovoga maira, bwatuna be kea mwa lai dum homu la rovogan imwa hauhau kun ira tuana n̄an gea.

Lalaḡova 20:24

Take nam binihi rahuku kun be ginau vuroi n̄an vwate lalaiau siboku; ita noḡu doroniva n̄ano be tatan̄an lalaḡova be inau alolona mai noḡu rovoga gabe Ratahigi Jisas nu horau huria vi hara harai, be nav seserai Roroi Tavuha huri hogoi non God.”

Lalaḡova 20:33

I nau nam hav doron te vatlegiga non atatu mai vatan̄oga i gaisaga.

Lalaḡova 20:34

Kimiu sibomiu gim iloe be nam lol rovoga hahavwani gin limaḡu gairua kera geki huri vataha ginau be inau maira be gam lol rovoga ute gaituvwa gam doronia.

Lalaḡova 8:3

Take Sol mwa lol ron̄oe be vi salan̄ai uloilua, i mwa bano vataha imwa, mwa lol ira binihimwasigi vavine mai atamwani be rav togo vauhi, i mwa daura lol imwa vauvauhi.

1 Korin 4:12

Gam lol rovoga hahavwani huri gamai ginau sibomai. Mahavana be sinombu ram bev bwarebware kamai, gam bev tavuhainira huria. Mahavana ram lol ḡagaras kamai, kamai gam lin̄ maḡemu vai aluna.

1 Korin 9:12

Be atat dodolua rav lai tavwe huri kimiu, kamai mulei gav lai tavwe huria, lalai kamai ginau gea nu marahi liu. Take gam hav lolia tehe. Sigai, gam dau n̄oto ginau sibomai, huribe gasav lol te ḡoro atatu vwate nin non binihimwasigi alun Roroi Tavuha non Kraes.

1 Korin 9:18

I hava tavwe haḡea nam laia? Geki haḡea tavweku: lol taro be nam bev lua Roroi Tavuha. Nam hav hudali te tavwe huribe nas lai dum tavwe, take nam hav hudaligi te huria.

1 Tesalonaeka 2:9

Ira tuaku, nam iloe be gim binihi dum nomai rovoga hahavwani i taro ririhai duluai. Gan lol rovoga hahavwani i taro ririhai duluai. Gan lol rovoga bon̄i i ute rani be gasav mai tehe gi marahin rovoga lalai ihei tehe alolomiu, taro be gan toretore huri Roroi Tavuha non God lalai kimiu.

2 Tesalonaeka 3:8

I la mahavana be gam ḡan ginau gan atatu dolua, gam bolia duluai. Gam lol rovoga wasi bon̄i i rani huribe gasav vol te ginau nin vwate alolomiu.