1 Korin 9:1 - Hano Niu Testamen

¹ Huri hano? Inau atat vuroi? Inau hala vwate? Nan gita Jisas nonda Ratahigi huba! Kimiu duluai sinombu kea vwain noḡu rovoga lol ihan God.

1 Korin 9:1 ပူးပေါင်းရင်းမြစ်များ

Lalaḡova 13:2

Mahavana be ram lol rovoga lalai Ratahigi i ram ḡaragaravwavwa, Vui Sabuga mwa bevea lalainira be, “Nam doron be giv tari Banabas mai Sol, huri rovoga be nan uloinira huria.”

Lalaḡova 14:14

I mahavana be Banabas mai Pol ramuru ron̄oe huri havanau be ram doron be ramen lolia, i ramuru hehera gaisagara ramuru rovo vai alolon sinombu bora vora tumu ramuru haharigi amare ramuru bevea be,

Lalaḡova 14:4

Haḡe sinombu lol bwatutun vanua ram harabora tavalura ram huri ira Jius i tavalura mai ira hala.

Lalaḡova 23:11

Haḡe lol bon̄i gea Ratahigi mwa bisirai aben Pol mwa bevea be, “Gosav matagu tehe! Gon lai nom gaitura huba lalaiau teti Jerusalem, i gov lolia n̄an mulei kunia lol vanua Rom.”

Lalaḡova 9:15

Ratahigi mwa bevea lalainia be, “Vano, bwatuna be nan uloinia be vi lalaḡo lalaiau, be vi seserai ihaku lalai ira Lolobon̄i i ira ratahigi lavoa i sinombu ira Jius.

Lalaḡova 9:17

Haḡe Ananias mwa bano mwa haroro lol imwa be Sol mwa dogo alolona, i mwa dau limana aluna. Haḡe mwa bevea lalainia be, “Tuaku Sol, Ratahigi mwa horau i kea Jisas sibona gabe nu visirai abemwa la hala mahavana be gon mai vai Teti. Kea mwa horan huribe gov gita ute mulei i gov masiri gin Vui Sabuga.”

Lalaḡova 9:3

Haḡe mahavana be Sol mwa mai sosori bwatutun vanua Damaskas, darihou n̄an gigita gaivua nin mahao mwa sarisari aluna i dalisia duluai.

Lalaḡova 9:5

Sol mwa hudalinia mwa bevea be, “Giḡo ihei Ratahigi?” Silo mwa bwaliua be, “Inau Jisas gabe gom lol hantai lalaiau.”

Ravrava non Pol lalai ata Rom 1:1

Nin Pol, atatun rovoga non Kraes Jisas. God nu uloiau be nai vora non hala i nu gita luau be nai vev lua Roroi Tavuha.

Ravrava non Pol lalai ata Rom 1:5

Sivi Kraes, God nu lai rovoga non ira hala, be vi tomuai atatu lol ute duluai be rav binihimwasigi i rav ron̄oe.

Ravrava non Pol lalai ata Rom 11:13

Kadogaha nam avo mai kimiu be ira Lolobon̄i. Inau nam bora hala non kera ira Lolobon̄i, i kadogaha be nam haḡo rovoga geki, nav lol rovoga geki vi liu.

1 Korin 1:1

Nin Pol, be God mwa uloinia huri non doroniva be vi vora hala non Kraes Jisas, i mulei nin tuada Sostenes.

1 Korin 10:29

Nam hav vevea be gosav gania tehe hurin binihimwa sibomwa, take huribe binihin atat dolua be nu mandamanda. Take be atatu dolua vwate mwa hudalinigo be,

1 Korin 10:30

“Kun hanigi? Inau nav gan dum ginau, matuke huri hano na sav gan te ginau la binihin atat dolua? Be nam lai avoan avkari huri ginaganiana gea, huri hano ram bev ariariau huribe nan lai avoan avkari huria lalai God?”

1 Korin 11:16

Atatu rituai rav vigaigai radu huri ginau geki, take nai vevea be gida mai ira uloilua dodolua non God, nonda silo vagahi lealea.

1 Korin 3:6

Inau nan riv biri, i Apolos mwa ruhua gin wai. Take God kea n̄an atatu gaituvwa be mwa lolia mwa mauri.

1 Korin 9:19

Inau atat maribwesi i nam hav vora te turin rovoga huri atatu vwate. Take nam loliau kun gabe turin rovoga lalai atatu duluai be nav rav dum sinombu.

2 Korin 10:7

Giv garere huri ira lalaḡova be ran loli lol matamiu. Be giv binihi dumwia be kamai mulei bilan Kraes kun kimiu.

2 Korin 11:5

Nam hav binihia tehe be kera, “ira hala lavoa” kera ran tavuha liuau.

2 Korin 6:1

I gam lol rovoga bul mai God, i gam hudali kimiu be gisav lin̄ te hogoi be gin laira huba nin God be rai van sabwelei.

Kelesia 1:1

Nin Pol, be nu uloinia be vi vora hala nu hav gita te luau be nai vora hala la hala non atatu, sage atatu ram hav horau tehe. Inau nam bora hala sivi Jisas Kraes i God Tata be nu tomarei Jisas nin mateana.

Kelesia 5:1

Tam haḡo maribwesi kadogaha, bwatuna be Kraes nu lol gida gi atat maribwesi. Giv tu wasigi. Gisav leahi tehe i ba ban mulei lol vauvauhi non silo.

1 Tesalonaeka 2:6

Gam hav hiḡe te hala be atatu vi sagerei kamai, huri kimiu sa ira hei dodolua,

1 Timoti 2:7

Ran gita luau be nai vora hala be nav vagahi ira Lolobon̄i be rav binihimwasigi garagusi i rav ilo mwasigi. Nam hav tentene tehe; ta nam bev mwasigi!

2 Timoti 1:11

God nu gita luau be nav vev Leo Tavuha i nai vora hala i vagahi.