1 Korin 8:9 - Hano Niu Testamen

⁹ Binihimiu nu maribwesi. Gov gitaḡoro be nom binihiva si hav lolira tehe be ran mandamanda lol binihimwasigi garagusi be rav hovi lol vuro.

1 Korin 8:9 ပူးပေါင်းရင်းမြစ်များ

Matiu 18:10

“Giv gitaḡoro be gisav vev te kaburai ihei ninira naturirigi kera geki. Nam bev mwasigi lalai kimiu be nora enjel amare ram du tagaro lolmatan Tamaḡu lol ute atamare.

Ravrava non Pol lalai ata Rom 15:1

Gida be tam du wasigi lol binihimwasigi garagusi tas lol ron̄oe be tas bului kera be ram mandamanda mai nora binihimwasigi, take tasav binihi te huri gida siboda.

1 Korin 10:24

Gosav lol te ginau hurigo sibomwa take huri atat dodolua mulei.

1 Korin 10:28

Take kea n̄ano be atat vwate vi vevea lalainigo be “ginaganiana gea ran laia lalai nun vatu,” gosav gania tehe. Gosav gania tehe huribe wani gea mwa bevea lalainigo huribe gov gania kadogaha binihivanana vi vahala.

1 Korin 10:29

Nam hav vevea be gosav gania tehe hurin binihimwa sibomwa, take huribe binihin atat dolua be nu mandamanda. Take be atatu dolua vwate mwa hudalinigo be,

1 Korin 10:32

Gosav lol te ginau be vi lol atat dolua vi ron̄ mwahantai, vara ira Jius, sage ira Lolobon̄i, sage uloilua non God.

1 Korin 8:10

Giḡo gon “mataisaoga,” i gom ḡan ginau lol imwa tataro non ira nun vatu. Take atatu vwate be non binihiva lol vui nu mandamanda vi gitago be gom ḡan ginau aia. Kea vi lolia be vi gan ginau be mwa laiana lalai nun vatu be vi iloe be nu hantai be vi lolia.

1 Korin 8:12

Lol taro be gom buroga vai alun ira tuamwa lol Kraes kun geki i gom lolira ram lol hano be ram iloe be nu vahala, kea gom buroga vai alun Kraes.

1 Korin 9:22

Lalainira be ram mandamanda, inau mulei nam bora kunira, huribe nav lai dum ira mandamanda. Nam mai gi ginau duluai lalai atatu n̄oto huribe nav lol dum rovoga lalainira la hala duluai be vi dumwi.

2 Korin 11:21

Ginau busbusi lalaiau be nai vevea kunia, take gav “mandamanda” maragai be gav lol ginau kera gea lalai kimiu! Take be ihei tehe be nu muramuraga dadariha be vi sasagerega, kunia, inau mulei nav butu i nav sasagerega. (Nam avo kun be daloi)

2 Korin 11:29

Batena be tuara vwate mwa beuga inau mulei nam ron̄ mwahantai, i nam lolovono tagaro be atat vwate mwa hovi lol bwatigoro.

2 Korin 6:3

Gam hav doron tehe be ihei vi habwe vahalana lol nomai rovoga, be havanau be gam lolia vi mai gi taro ririhai lalai ihei tehe.

Kelesia 5:13

Ira tuaku, God nu uloi kimiu huba gi atat mwaribwesi, take gisav haḡo te nomiu ribwesiva gi hala vwate be vi lol kimiu gi atat vuroga sibomiu. Giv lol rovoga lalai kimiu sibomiu gin lolotabetabe.

Kolosi 2:8

Gov iloe be atatu vwate si hav tomuai te dagainigo gin silo vagahi tentene gabe mwa mai nin atatu n̄ano, be mwa mai nin ira Vui hantai ata lol ureure geki, i vorate nin Kraes.

1 Pita 2:16

Giv lin̄ kamai gi atat maribwesi, take gisav haḡo te nomiu maribwesi kun be ginau vwate be gimen lol alen̄ lete. Giv togo kun abe turin rovoga non God.

2 Pita 2:19

Ram datauleo lalainira be rav maribwesi, take kera sibora ram hav maribwesi tehe. Kera ram bora turin rovoga huri ginau be vi lolian kaburai. Huri atatu ram bora atat vauhi huri havanau tehe be mwa domuai nira.

Visirai 2:14

Take ginau ivusi gim lolia be ran hav vavtutu tehe lol mataku. I atatu rituai lol tatan̄an gaituvwa bul mai kimiu, rituai ram huri avoana non atatun vevsera gea Balam tuai. Atatun vevsera gea mwa dogo mwa bagahi halan Ratahigi lavoa Balak be men saruruhi ata Israel huri be ramen hovi lol bwatigoro. I kera ram ḡan bigi gabe ran tataroi ginia huba lalai God dolua, i ran vahala lol halan lagiana mai atat dolua.