1 Korin 8:6 - Hano Niu Testamen

⁶ take lalai gida God gaituvwa n̄ano gabe tamanda. Ginau duluai ram mai ninia, i tam rahu huria. Mulei Jisas Kraes gaituvwa n̄ano. Ginau duluai mwa loli sivinia, i gida mulei tam bora sivinia.

1 Korin 8:6 ပူးပေါင်းရင်းမြစ်များ

Matiu 11:27

“Tamaḡu nu lai ginau duluai lalaiau. Atatu vwate mwa hav ilo te Nitui, take Tata n̄an. Haḡe atatu vwate mwa hav ilo te Tata, take Nitui n̄an, i irahei Nitui mwa doron be vi lol bisirainia lalainira.

Matiu 28:18

Jisas mwa mai sosorira, mwa bevea be, “God mwa lai roron̄o lalaiau ḡoro ute atamare i ataa lol ureure.

Leo Tavuha gabe Jon nu Ravae 1:10

Avoan mwa dogo lol ureure, i God nu tau ureure ginia, take ureure mwa hav gita te batoia.

Leo Tavuha gabe Jon nu Ravae 1:3

God nu lol ginau duluai ginia; ginau vwate lol tauva nu hav tauana te dagai ninia.

Leo Tavuha gabe Jon nu Ravae 10:30

Inau mai Tata gaituvwa n̄an.”

Leo Tavuha gabe Jon nu Ravae 13:13

Gim uloiau be Vagahi i Ratahigi, i mwasigi be gim uloiau kunia, bwatuna gabe inau haḡea nam lai iha gairua gea.

Leo Tavuha gabe Jon nu Ravae 14:20

Mahavana be gubwen̄i gea vi mai, giv iloe be inau lol Tamaḡu i kimiu aloloku, kunia n̄an gabe inau alolomiu.”

Leo Tavuha gabe Jon nu Ravae 17:3

Rahuana vai tuai gin binihiva be atatu vi ilogo, be giḡo n̄ano God mwasigi, i be atatu ramen ilo Jisas Kraes gabe gon horae.

Leo Tavuha gabe Jon nu Ravae 20:17

Jisas mwa bevea lalainia be, “Gosav sibweriau tehe, bwatuna be nam hav hae te radu vai aben Tata. Take goi vano huri ira tuaku ba bevea lalainira be nam dabagilu mulei vai abena gabe Tamaḡu i Tamara, noḡu God i nora God.”

Lalaḡova 17:28

kun gabe atatu vwate nu vevea be, ‘Bwatuna be tam bulu mai God n̄an gaituvwa, tav rahu dumwi, i tav lagolago i tav lol ginau duluai.’ Kunia be nomiu avoana rituai mwa bevea be, ‘Gida mulei ira nituna.’

Lalaḡova 2:36

“Haḡe sinombu duluai ira Jius rav iloe mwasigi be, Jisas geki gabe gin vohae vai alun volovolo, kea mwasigi atatu gabe God nu taua, Ratahigi i Wani Vurai.”

Lalaḡova 5:31

God nu lol domareinia vai la mwatuana kun gabe Tomuai i Varahu, be vi lai lalai sinombu ira Jius mahin̄ana huri tanon binihi leahi i, vi tugu kaburai vurora.

Ravrava non Pol lalai ata Rom 11:36

Uwe, God nu lol ginau duluai, i ginau duluai mwa du mwa loli sivinia i lalainia. Lalainia sarisari vai tuai! Amen.

1 Korin 1:2

Lalai uloilua non God Korin, i lalai kimiu duluai be gin togo sabuga lol Kraes Jisas, nu uloi kimiu be giv vora atat sabuga non God, mai sinombu duluai be ram dataro lol ihan Ratahigi Jisas Kraes, nora God i nonda.

1 Korin 12:3

Nam doronbe giv iloe be atatu sigai be mwa lin̄ Vui non God mwa domuainia, vi vevea be, “vi vevegiana na Jisas.” Atatu vwate si hav vev te dumwia be, “Jisas kea Ratahigi,” be buluiana non Vui Sabuga sigai maia.

1 Korin 6:13

Atatu vwate vi vevea be “Ginaganiana kea huri tabwan̄i, i tabwan̄i huri ginaganiana.” Uwe, take God vi lol kaburai saraḡora. Rebehi mwa hav vora te huri vuron bwatigoro take huri Ratahigi, i Ratahigi kea mwa ḡita ḡoro rebehi.

1 Korin 8:4

Geki haḡea hano be nam bevea huri bigi be mwa dataroinia lalai nun vatu. Tam iloe be nun vatu kea vorate ginau vwate lol ureure, i tam iloe be God gaituvwa n̄ano.

Ifisas 1:3

Uloi roron God i Taman nonda Ratahigi Jisas Kraes. Lol Kraes, God nu lai lalai gida ira vatavuha lol vui lol ureure ata amare.

Ifisas 3:14

Haḡe inau nam dai bwatuku lol tataro la lolmatan Tata,

Kolosi 1:6

Lol ute duluai lol ureure, Roroi Tavuha gea mwa lon̄ahi ute n̄oto lol ureure. Roroi Tavuha geki mwa lai vatavuha vataha ute lol ureure, kun vatavuha be nu mai alumwa lol muan gubwen̄i be gon ron̄oe huri hogoi non God. Kadogaha gom iloe ginau n̄oto i mwasigi huri hogoi non God.

1 Pita 1:21

Sivi Kraes gim binihimwasigi God, gabe nu tomarei Kraes nin mateana i nu lai lalainia ute Sarisari. Nomiu binihimwasigi garagusi i nomiu doronhohov mwa do alolon God.

Visirai 1:18

Inau gabe nam rahu. Nan mate take kadogaha nam rahu mulei vai tuai vai tuai. Nam muramuraga ḡoro mateana ureure non ira atat mate.