1 Korin 8:4 - Hano Niu Testamen

⁴ Geki haḡea hano be nam bevea huri bigi be mwa dataroinia lalai nun vatu. Tam iloe be nun vatu kea vorate ginau vwate lol ureure, i tam iloe be God gaituvwa n̄ano.

1 Korin 8:4 ပူးပေါင်းရင်းမြစ်များ

Leo Tavuha gabe Mak nu Ravae 12:29

Haḡe Jisas mwa bwaliua mwa bevea be, “Geki haḡea muana, ‘Israel, gov roron̄tai! Ratahigi gabe nonda God kea gaituvwa n̄an nonda Ratahigi.

Lalaḡova 14:15

“Hurihano be gim lol ginau kungeki? Kamaru sibomaru atatu vuroi n̄an kun kimiu! Kamaru teti kadogaha huribe garumen seserai Roroi Tavuha, i be rav men lol kimiu be giv taleva nin ginau vurovuroi huri mwasin God, gabe nu tau ute atamare, mai tahi i ureure duluai i ginau duluai gabe mwa du alolona.

Lalaḡova 15:20

Take, mwa du higea be tav rava letasi ba bevea lalainira be rasav gan te ginau be nu bibili bwatuna be mwa dataroiana ginia lalai ira nunu buhiga; i rasav togo te deḡeteḡe mai vavine; i rasav gan te boe be mwa davan roto na mwagorona mwa dadaga.

Lalaḡova 19:26

I kadogaha gim ḡitae i gim ron̄oe sibomiu huri ginau gabe atatu tiri geki Pol mwa lolia. Mwa bevea be tagaro be tanon liman atatu barabe mwasin tagaro, kea mwa leahi binihiva non atatu ivusi i mwa rav atatu ivusi, lol ute gairua teti Ivisas, i mwa abena be vanua Esia duluai.

1 Korin 8:1

Kadogaha nav avoinia huri ginau duluai gabe gon ravae lalaiau huri nun vatu. Tam iloe be gida duluai “nonda iloilo abena.” Iloilo mwa sogai luago be gomen ravwega, take lolotabetabe mwa mauri hae.

1 Korin 8:10

Giḡo gon “mataisaoga,” i gom ḡan ginau lol imwa tataro non ira nun vatu. Take atatu vwate be non binihiva lol vui nu mandamanda vi gitago be gom ḡan ginau aia. Kea vi lolia be vi gan ginau be mwa laiana lalai nun vatu be vi iloe be nu hantai be vi lolia.

1 Korin 8:11

Atat mandamanda geki be tuamwa, Kraes nu mate huria mwa hantai mwa liu bwatun nom “iloute.”

Kelesia 4:8

Amua gon hav ilo te God, i gon vora turi lalai tagaro be mwa hav vora te mwasina.

Ifisas 4:6

Aia God gaituvwa i Taman ginau duluai. Kea mwa lavoa i mwa dogo vataha ute i kea lol ginau duluai.

1 Timoti 1:17

Lalai Ratahigi Vurai be mwa lavoa ḡoro vai tuai, kea sihav mate tehe, kea be tasav gita te dumwia, kea n̄an God, tanon binihi marahi i sarisari vai tuai i vai tuai! Amen.

1 Timoti 2:5

God gaituvwa n̄an i hala gaituvwa be atatu vi votui God. Hala gea sivi Kraes Jisas, kea sibona atatu.

Ravrava nin Jud 1:25

lalai God gaituvwa nonda varahuva, la ihan Jisas Kraes nonda Ratahigi, lalainia samwarana, sarisari, muramura, i mwasigi huri taro be nu nogo, kadogaha i vai tuai. Amen.