1 Korin 8:10 - Hano Niu Testamen

¹⁰ Giḡo gon “mataisaoga,” i gom ḡan ginau lol imwa tataro non ira nun vatu. Take atatu vwate be non binihiva lol vui nu mandamanda vi gitago be gom ḡan ginau aia. Kea vi lolia be vi gan ginau be mwa laiana lalai nun vatu be vi iloe be nu hantai be vi lolia.

1 Korin 8:10 ပူးပေါင်းရင်းမြစ်များ

Lalaḡova 15:20

Take, mwa du higea be tav rava letasi ba bevea lalainira be rasav gan te ginau be nu bibili bwatuna be mwa dataroiana ginia lalai ira nunu buhiga; i rasav togo te deḡeteḡe mai vavine; i rasav gan te boe be mwa davan roto na mwagorona mwa dadaga.

Ravrava non Pol lalai ata Rom 14:14

Nam dogo lol Ratahigi Jisas, i nam iloe be ginaganiana vwate nu hav hantai tehe be vi ganiana. Take be atatu rituai rav vinihi mwasigi be ginau vwate nu vahala, kea nu vahala huria sibona.

Ravrava non Pol lalai ata Rom 14:23

Ta kera gabe ram ḡan ginau be ram len̄a be nu vavtutu, kera ram bahala huribe ram hav binihimwasigi garagusi tehe be nu vavtutu. Havanau tehe be mwa loliana be gom hav binihimwasigi garagusi be nu vavtutu, kea vuro.

1 Korin 10:32

Gosav lol te ginau be vi lol atat dolua vi ron̄ mwahantai, vara ira Jius, sage ira Lolobon̄i, sage uloilua non God.

1 Korin 8:4

Geki haḡea hano be nam bevea huri bigi be mwa dataroinia lalai nun vatu. Tam iloe be nun vatu kea vorate ginau vwate lol ureure, i tam iloe be God gaituvwa n̄ano.

1 Korin 8:7

Take vorate atatu n̄oto ram ilo ginau geki. Atatu rituai ram binihi dum radui nun vatu i lol taro be ram ḡan bigi. Ram binihi dumwia be ran tataroinia lalai nun vatu. Binihira ran mandamanda, lol taro be ram ḡania, ram ron̄oe kunbe ran vahala.

1 Korin 8:9

Binihimiu nu maribwesi. Gov gitaḡoro be nom binihiva si hav lolira tehe be ran mandamanda lol binihimwasigi garagusi be rav hovi lol vuro.