1 Korin 8:1 - Hano Niu Testamen

¹ Kadogaha nav avoinia huri ginau duluai gabe gon ravae lalaiau huri nun vatu. Tam iloe be gida duluai “nonda iloilo abena.” Iloilo mwa sogai luago be gomen ravwega, take lolotabetabe mwa mauri hae.

1 Korin 8:1 ပူးပေါင်းရင်းမြစ်များ

Lalaḡova 15:10

Be kunia, huri hano be kadogaha gim doron be giv ruruhi God ginia be gim ibi ira binihimwasigi gin ginau marahi, bwatuna ira sibida sage kamai sibomai mulei gan hav tatal te dum ginau marahi kunia?

Lalaḡova 15:29

be mwa bevea be gisav gan te ginau be mwa dataroi ginia lalai nunu buhiga; i gisav gan te daga; mai buluki be mwa dav n̄andu mwagorona; i gisav togo te deḡeteḡe mai vavine. Nomiu lalaḡova vi tavuha be gisav lol te ginau kera geki. Nomai samwarana gaivua lalai kimiu.”

Lalaḡova 21:25

Take huri ira Lolobon̄i gabe ram binihimwasigi huba, gam hora letasi lalainira gam bev serae be kamai gam binihi tuhi be rasav gan te ginau be mwa dataroi ana ginia lalai nun vatu, sage daga, sage sipsip be rebehina mwa bibili huba, i rav gitaḡoro rebehira gin togoan teḡeteḡe alun rebehin vihogoi.”

Ravrava non Pol lalai ata Rom 11:25

Nam doron be kimiu giv ilo tavuhai gina dauhiligi geki, ira tuaku, i kimiu giv iloe be gim hav ilo te didinini ginau n̄oto. Udun Israel ram lol bwatwasi, take kea vi leahi kebe ivusi ira Lolobon̄i rav mai aben God.

Ravrava non Pol lalai ata Rom 12:16

Giv togo lol tamwata mai kimiu duluai. Gosav ravwega tehe, ta gov mwemwearu mai atat hivhivo. Gosav vinihi tehe be gon mataisaoga nin atat dodolua.

Ravrava non Pol lalai ata Rom 14:10

I huri hano gom bevegi ira tuamwa? I huri hano gom binibe gon tavuha liura? Gida n̄oto tav tu lolmatan God huri vevegi,

Ravrava non Pol lalai ata Rom 14:14

Nam dogo lol Ratahigi Jisas, i nam iloe be ginaganiana vwate nu hav hantai tehe be vi ganiana. Take be atatu rituai rav vinihi mwasigi be ginau vwate nu vahala, kea nu vahala huria sibona.

Ravrava non Pol lalai ata Rom 14:19

I tav lol ron̄oe be tav lol hano be mwa lol tamwata i mwa bului gida gaitutuvwai.

Ravrava non Pol lalai ata Rom 14:22

Nom binihimwasigi huri ginau kerageki ras tu dahuligi lol bwaralolomiru mai God. Atatu ram samwara, kebe rav lol dum hano be ram binibe nu vavtutu i ram hav ron̄oe tehe be nu vahala.

Ravrava non Pol lalai ata Rom 14:3

Atatu be ram iloe be nu vavtutu be vi ganiana na ginaganiana dedeorai, rasav vev te bonogai kera gabe ram ḡan ginagania ata loloara n̄ano. I kera gabe ram ḡan ginagania ata loloara n̄ano rasav vinihi tehe be kera gabe ram ḡan ginau n̄oto ram bahala, huribe God mwa dara la atatu gea.

Ravrava non Pol lalai ata Rom 15:14

Ira tuaku, nam iloe be kimiu gin masiri gin tavuha. Nam iloe be kimiu gim do mai mataisao duluai be gim doronia i be kimiu giv vagahi dum kimiu gingin kimiu.

1 Korin 1:5

Lol Kraes nu lol kimiu gim rosoga la hala duluai, lol nomiu avoana i nomiu mataisao.

1 Korin 10:15

Nam avo lalai kimiu kun gabe ira atat iloute, gov harae sibomwa huri havanau be nam bevea.

1 Korin 10:28

Take kea n̄ano be atat vwate vi vevea lalainigo be “ginaganiana gea ran laia lalai nun vatu,” gosav gania tehe. Gosav gania tehe huribe wani gea mwa bevea lalainigo huribe gov gania kadogaha binihivanana vi vahala.

1 Korin 14:20

Ira tuaku, gisav binbinihi tehe kun gabe ira naturigi, lol ginau lete giv vora kun naturigi memea be mwa siv vora be mwa gav ilo te ginau vahala vwate. Take lol binihimwa goi vora kun atat gaivua.

1 Korin 15:34

Giv mai mulei la mwasin halan binbinihi i gisav mom buroga tehe, kimiu rituai giv busbusi huribe gim hav ilo te God.

1 Korin 4:10

Bwatuna be tam lol rovoga huri Kraes, tam mai gi bwaḡele lolmatan atatu, take kimiu gin mataisaoga huribe kimiu non Kraes. Atatu ram ḡita bahivoi kamai, take ram binihi marahi kimiu.

1 Korin 4:18

Rituai alolomiu ram bavora ram sasagerega, ram binihia be nasav mom mai te mulei vai abemiu.

1 Korin 4:6

Ira tuaku mai ira hogosiku, Inau nam avo maragai la ihamaru mai Apolos kun gabe malele i kimiu giv huhuinia alumaru, huribe giv gita batoi ira binihivanan avoana kera geki, “Giv huri havanau n̄an lua be mwa ravae lol Ravrava Sabuga.” I aia gosav sagerei te atatu gaituvwa liu nin atatu dodolua.

1 Korin 5:2

Huri hano gom sasagerega? Mwa du be kimiu giv masiri gin ron̄ mwahantai huria be atatu be mwa lolia kungeki vi tauana dagai nin tatan̄ana be gim dogo huba alolona.

1 Korin 5:6

Nom avoan sasagerega ivusi butbutui nu hav tavuha tehe. Kimiu giv ilo avoana geki, “Marahan is kolo n̄ano mwa lol vulaoa mwa buge maragai tanona mwa masiri latlate.”

1 Korin 8:2

Be gom binibe gom ilo ginau vwate, gam hav ilo te ginau radu kebe mwa du be si vora kunia.

1 Korin 8:4

Geki haḡea hano be nam bevea huri bigi be mwa dataroinia lalai nun vatu. Tam iloe be nun vatu kea vorate ginau vwate lol ureure, i tam iloe be God gaituvwa n̄ano.

1 Korin 8:7

Take vorate atatu n̄oto ram ilo ginau geki. Atatu rituai ram binihi dum radui nun vatu i lol taro be ram ḡan bigi. Ram binihi dumwia be ran tataroinia lalai nun vatu. Binihira ran mandamanda, lol taro be ram ḡania, ram ron̄oe kunbe ran vahala.

Ifisas 4:16

Rebehi duluai mwa du alun Kraes, i ira mavuvun rebehi duluai ram dari i ram bulbulu n̄an utegaituvwa. Vataha mavuvu duluai mwa lalaḡoi mwasin non rovoga be men lol rebehi duluai be vi mauri wasi mai lolotabetabe.”

Kolosi 2:18

Gosav lin̄ te atatu vwate be vi vevegigo huribe atatu keragea ram binihi sagera huri kera ira mataigigila i ram ḡogonai ira enjel. Bwatbwatun nora binihiva sigai i ram ravravwega huribe binihin atatu n̄ano.

Visirai 2:14

Take ginau ivusi gim lolia be ran hav vavtutu tehe lol mataku. I atatu rituai lol tatan̄an gaituvwa bul mai kimiu, rituai ram huri avoana non atatun vevsera gea Balam tuai. Atatun vevsera gea mwa dogo mwa bagahi halan Ratahigi lavoa Balak be men saruruhi ata Israel huri be ramen hovi lol bwatigoro. I kera ram ḡan bigi gabe ran tataroi ginia huba lalai God dolua, i ran vahala lol halan lagiana mai atat dolua.

Visirai 2:20

Take geki ginau gabe nai van burigai kimiu aluna: take gim lin̄ia vavine gea mwa dogo radu mai kimiu, gabe kea kun vavine gea be nu togo tuai Jesebel, kea nu togo mwa bagahi be kea horata non God. I lol non silo vagahi kea mwa salai noḡu atatun rovoga la hala be atatu mwa lol bahala lol halan lagiana, i ram ḡan bigi gabe mwa dataroi ginia huba lalai nun vatu.