1 Korin 7:9 - Hano Niu Testamen

⁹ Take be rasav vwalaui te dumwira sibora, mwa du be rav lagi. Nu tavuha liu be gov lagi ninia be gom onda gin binihivanan bwatigoron lagiana.

1 Korin 7:9 ပူးပေါင်းရင်းမြစ်များ

Lalaḡova 19:36

Atatu vwate mwa hav lol te salil silon ginau kera geki. Haḡe kunia mwa du be nomiu binihiva vi to mahurigi, i gisav lol te hantai ginau vwate.

1 Korin 7:2

Take bwatuna be vuro be bwatigoron lagiana mai rebehi be mwa bulu mai rebehi lol ureure, atatu gaitutuvwai vi vora tasalana sibona mahaḡea i vavine vi vora ahoana sibona mahaḡea.

1 Korin 7:28

Take be gom binibe gov lagi, kea vorate gom buroga. Kebe daulato vwate vi vinihia be men lagi, kea vorate mwa buroga. Take kera be ran lagi rav habwe taro ririhai lol rahuana, take nam doronbe giv togo dagai nin taro ririhai.

1 Korin 7:36

Be atatu vi vinihia be mwa hav lol te ginau vavtutu mai vavine be nu tauan ḡoro huria, be tauluna nu dadariha huri lagiana i mwa ron̄oe be si hav lagi tehe maia, kea vi lol hano be mwa doronia. Kera raruvi lagi i kea mwa hav vora te vuro.

1 Korin 7:39

Vavine vi togo mai ahoana lol rahuana duluai. Take ahoana vi mate, kea nu tavuha n̄ano be vi lagi atamwani hei tehe be mwa doronia, take atamwani n̄ano lol uloilua.

1 Tesalonaeka 4:4

Mwa doron kimiu gaitutuvwai be giv huhuinia be giv togonai rebehimiu sibomiu lol hala be nu sabuga i nu marahi.

1 Timoti 5:11

Gosav tau te ihan ira bwero be vavin bweihe lol ihara bwero bwatavwe. Ataguna be ram lin̄ira la ihan Kraes, vuvuri ram ban burigainia bwatuna doroniva non rebehira, haḡe ram doron lagiana mulei.

1 Timoti 5:14

Haḡe nam doronia be ira bwero bweihe rav lagi, rav bav naturirigi, i rav gitaḡoro imwara sibora. Kunia ivwalu halan nora vi sigai be rav av vai alura.