1 Korin 7:35 - Hano Niu Testamen

³⁵ Nam bevea kungeki be men buluigo, be gosav votui te tovtovo vwate. Take nam doronbe giv rahu la hala be nu vavtutu, be giv lai mulei kimiu lalai God be gisav vinihi tehe huri ginau dodolua.

1 Korin 7:35 ပူးပေါင်းရင်းမြစ်များ

Matiu 19:12

Ginau dodolua rituai ram du ḡoro atatu rituai be kera rasav lagi te dum. Rituai ram hav lagi tehe bwatuna be la mahavana gabe ram vora mai, ta nu tau rebehira haḡea kunia. I rituai bwatuna be atatu ram lol hantainira. I rituai ram hav lagi tehe huribe Ute Lavoa atamare. Ihei vi lai dum avoana geki, vi laia.”

Matiu 22:15

Ira Varise ram bano ram lol taritari be rav sani Jisas alolona gin avoan hudaligi.

Leo Tavuha gabe Luk nu Ravae 21:34

“Giv mamata ḡoro kimiu sibomiu! Gisav mahin̄a tehe be giv van lol ginaganian lalavoa tagaro i gisav mwin te maragai wai i gisav binbinihi tehe huri rahuana geki, bereva Gubwen̄imwa gim mai vilvilehi,

Leo Tavuha gabe Luk nu Ravae 8:14

Biri gabe ram hovi lol ḡauli mwa du hurira gabe ram ron̄ avoana, take kalkaliana mai rosomiu mai doronivanan vigohoi ram mai alura i ram haravuinira, i mwasira ram hav metua te dum.

1 Korin 7:2

Take bwatuna be vuro be bwatigoron lagiana mai rebehi be mwa bulu mai rebehi lol ureure, atatu gaitutuvwai vi vora tasalana sibona mahaḡea i vavine vi vora ahoana sibona mahaḡea.

1 Korin 7:28

Take be gom binibe gov lagi, kea vorate gom buroga. Kebe daulato vwate vi vinihia be men lagi, kea vorate mwa buroga. Take kera be ran lagi rav habwe taro ririhai lol rahuana, take nam doronbe giv togo dagai nin taro ririhai.

1 Korin 7:36

Be atatu vi vinihia be mwa hav lol te ginau vavtutu mai vavine be nu tauan ḡoro huria, be tauluna nu dadariha huri lagiana i mwa ron̄oe be si hav lagi tehe maia, kea vi lol hano be mwa doronia. Kera raruvi lagi i kea mwa hav vora te vuro.

Ifisas 5:3

Take vahalana mai vavine i mai atamwani vi sigai alolomiu, sage lalan̄an ginau hahantai sa bugurana. Ginau kera gea ran hav tavuha tehe mai sinombu sabuga non God.

Filipae 4:8

Ira tuaku giv binihi huri ginau be ran tavuha i ran dadariha huri avkariana. Binihi huri ginau be ran mwasigi i binihi marahi i ran vavtutu, i ran melmelo i ran gabwola i mwa ḡogonaiana.

1 Timoti 1:10

Ram bulu lol bwatigoro lol rebehi, be atamwani mai atamwani sa vavine mai vavine, kera be ram surai turin rovoga, kera be ram dentene, kera be ram bev avoan tentene, i ram lol ginau duluai ḡoro silo vagahi mwasigi God.

Taetas 2:3

Kunia n̄an mulei, goi vagahi ira vavin mituaga be rav togo lol togoana be nu sabuga lol alen̄ara