1 Korin 7:30 - Hano Niu Testamen

³⁰ Kera gabe ram dei rav togo kun gabe ram hav dei tehe. Kera gabe ram samwara rav togo kun gabe ram hav samwara tehe. Kera gabe ram bol vataha ginau rav togo kun gabe nora ginau sigai.

1 Korin 7:30 ပူးပေါင်းရင်းမြစ်များ

Leo Tavuha gabe Luk nu Ravae 16:25

Take Ebraham mwa bevea be, “Gov binihi dumwia nituku, be lol gubwen̄in rahumwa gon haḡo ginau tavtavuha ivusi, i Lasarus nu to ririhai lol rahuna. Ta uhugaha kea mwa samsamwara teti i giḡo gom ron̄ ḡagarasi.

Leo Tavuha gabe Luk nu Ravae 6:21

“Kimiu gabe maro mwa ḡas kimiu uhu gaha; giv ron̄ mwandavuha huri be God vi lol bamasiri kimiu!” “Giv samwara kimiu gabe gim deidei uhu gaha, huri be giv mana!”

Leo Tavuha gabe Luk nu Ravae 6:25

“Hahagavi lalai kimiu gabe gim ḡubwa uhu gaha; huri be maro vi gas kimiu!” “Hahagavi lalai kimiu gim mana uhu gaha; huri be giv deidei.”

Leo Tavuha gabe Jon nu Ravae 16:22

Kunia haḡea mulei mai kimiu: kadogaha gim ron̄ mwahantai, take nav gita mulei kimiu, i lolomiu vi masiri gin samwarana, samwarana gabe atatu vwate sihav lai te dagai dumwia nin kimiu.”

1 Korin 7:29

Ira tuaku, geki haḡea binihivanan hano be nam bevea: Taro vwelvwele huba mwa du lalai gida. Mwa dau bwatuna kadogaha, kera gabe tasalara abena rav togo kun gabe tasalara sigai.

1 Korin 7:31

Kera gabe ram haḡo ginau ata lol ureure rav togo kun gabe ram hav haḡora tehe, huribe ureure lol taro geki be mwa du si hav n̄ava tehe vi vano.

Visirai 18:7

Vavine gea mwa binihi sagea sibona mwa lol rahuna gin ginau be volvol marahi. Kimiu giv lolia be kea vi ron̄ mwahantai maragai lol rebehina i binihina, vi dadariha kun non samwarana ata tuai. Mwa bevea gin mwasin lolona be, ‘Inau ratahigi lavoa vavine! Nasav vora te bwero dum n̄an haḡea sage be men ilo ron̄ovanan ron̄mwahantai.’

Visirai 7:17

bwatuna be, nitui sipsip gabe mwa du bora lolon tanon togotogon ratahigi, vivora nora radaiḡoro, i vi tomuai nira vai la matavuravuran wai rahu. God vi man̄ dagai matarua duluai nin matara.”