1 Korin 7:25 - Hano Niu Testamen

²⁵ Gon ravae lalaiau huri atatu mwa hav lago tehe i geki haḡea noḡu avoan vwaliu. Nam hav lai te avoan wasi vwate nin God, take nav vev dum binihiḡu siboku huribe Ratahigi nu tavuha maiau i nu hagaviau huba, huribe gom binihimwasigiau.

1 Korin 7:25 ပူးပေါင်းရင်းမြစ်များ

1 Korin 15:10

Take hogoi non God mwa loliau nam bora kunia, i non hogoi lalaiau vorate mwa mai bonogai. Sigai! Nam lol rovoga wasi liu ira hala dodolua. (Take vorate inau mwasigi; take hogoi non God mwa dogo maiau.)

1 Korin 4:2

Kunia la hala haḡea geki kera gabe mwa dau non butuana alura, alun raumatan ginau be mwa du dahuligi radu rav seserainia be kera ran dadariha alun taritari gea be mwa daria alura.

1 Korin 7:10

Kadogaha nam bev leo horai geki lalai ira atat lagi, geki mwa hav mai te niniau take mwa himai nin Ratahigi: vavin lagi sihav lin̄ te derai dum ahoana;

1 Korin 7:12

Huri hala rituai mulei, inau nam bevea geki, take mwa hav vora te Ratahigi. Be sivora atatun uloilua vwate tasalana abena be mwa hav lai te garuhisabuga radu take kea mwa samsamwara bul maia be men vora ahoana, kunia sihav vev te dagara dumwia.

1 Korin 7:28

Take be gom binibe gov lagi, kea vorate gom buroga. Kebe daulato vwate vi vinihia be men lagi, kea vorate mwa buroga. Take kera be ran lagi rav habwe taro ririhai lol rahuana, take nam doronbe giv togo dagai nin taro ririhai.

1 Korin 7:34

i binihina mwa hurin hala gairua. Vavine sage daulato be mwa hav lagi tehe kea mwa lol rovoga hahavwani huri God. Mwa doronbe vi sabuga lol rebehi i lol vui. Take vavin lagi mwa lol rovoga hahavwani huri ginau ata lol ureure, huribe vi lol doroniva non ahoana.

1 Korin 7:40

Take vavine vi samwara liu lol taro be si hav mom lagi tehe. Geki binihiḡu, take nam binihimwasigi be nam haḡo Vui Sabuga non God.

1 Korin 7:6

Nam bevea geki be men lai avoan vevsera lalainigo, take nuhav vora te leo horai vwate be gomen lolia kunia.

2 Korin 11:17

Batena be nam av ravravwega, bwatuna be nam ron̄ batoia aloloku siboku, nam hav avo te kun be Ratahigi si avo take kun be daloi vwate.

2 Korin 2:17

Gam hav salei te avoana non God huri be gav lai homu aluna kun sinombu ivusi ram lolia huba. Take alun Kraes gam bev mwasigi lolmatan God, kun be kamai ira vwalaua huri non avoana.