1 Korin 7:21 - Hano Niu Testamen

²¹ Be gon vora turin rovoga lol taro be God mwa uloinigo, gosav vinihia tehe. Take be gov mwalue dumwi, gov gitaḡoro tavuhai nom mwasigi.

1 Korin 7:21 ပူးပေါင်းရင်းမြစ်များ

Leo Tavuha gabe Luk nu Ravae 12:29

“Gisav binbinihi te maragai huri havanau be giv gania sage giv mwinua.

Leo Tavuha gabe Luk nu Ravae 21:34

“Giv mamata ḡoro kimiu sibomiu! Gisav mahin̄a tehe be giv van lol ginaganian lalavoa tagaro i gisav mwin te maragai wai i gisav binbinihi tehe huri rahuana geki, bereva Gubwen̄imwa gim mai vilvilehi,

1 Korin 12:13

Kraes kunia haḡea, rituai nin gida kera vara ira Jius, i rituai ira Lolobon̄i. Rituai nin gida ira turin rovoga, take rituai atat vuroi. Take gida n̄oto tam ḡaruhisabuga lol rebehi gaituvwa sivi Vui Sabuga gaituvwa. I nu tau gida duluai be tav harahara lol vui gaituvwa gea.

1 Korin 7:20

Kimiu gaitutuvwai giv rahu kunia be God mwa uloi kimiu.

1 Korin 7:22

Kera be ran vora ira turin rovoga lol taro be God nu uloinira kera ram bora maribwesi lolmatan God. La hala n̄an gea, atat maribwesi be Kraes nu uloinira ram bora non turin rovoga.

Kelesia 3:28

Lol Kraes nu hav vora te dolua lol davolan ira varan ira Jius mai ira Lolobon̄i, atat vauhi i atat maribwesi, atamwani i vavine, kimiu n̄oto gin dadariha lol Kraes Jisas.

Filipae 4:11

Inau nam hav vevea tehe lalai kimiu kungeki bwatuna be nam doron ginau vwate. Nan huhuinia be nav lai sine mahuri mai ginau be nam haḡo dumwira huba ram mai lalaiau.

Filipae 4:6

Gisav lai te binihiva huri hano be gin doronia, take giv tataro i giv hudali God huri ginau duluai be gim doronia, tagaro giv lai avkari.

Kolosi 3:11

Lol rahuan gara ginau vwate nu hav dolua tehe lol davolan ira Lolobon̄i mai ira Jius, kera gabe ran tav dovon̄ara i kera gabe ran hav tav te dovon̄ara, ira tausala sage ira len̄len̄aga, ira turi i ira mwaribwesi. Take Kraes kea lol ginau n̄oto, i Kraes mwa dogo lol ginau duluai.

Hibru 13:5

Giv tu dagai nin doronivanan homu, i giv samsamwara mai doronivanan havanau kolo be gin togo huba maia. Bwatuna be God mwa bevea be, “Nasav lin̄ te derainigo be gov togo gahemwa. I nasav vis te dagai ninigo.”

1 Pita 5:7

Giv lai nomiu binbinihi bovonosi duluai lalai nia, bwatuna kea mwa ḡitaḡorogo.