1 Korin 7:2 - Hano Niu Testamen

² Take bwatuna be vuro be bwatigoron lagiana mai rebehi be mwa bulu mai rebehi lol ureure, atatu gaitutuvwai vi vora tasalana sibona mahaḡea i vavine vi vora ahoana sibona mahaḡea.

1 Korin 7:2 ပူးပေါင်းရင်းမြစ်များ

Matiu 5:32

Ita inau nam bevea lalai kimiu be, ihei mwa bev dagara tasalana ninia, be tasalana mwa hav lol te ginau vahala lalai ahoana, kea mwa buroga, huri be mwa lol tasalana mwa lol vuro be si lagi mulei. I atamwani be mwa laia, kea mulei mwa lol vuro.

1 Korin 6:18

Haḡe kunia gov rov maragai nin bwatigoron rebehi mai rebehi. Bwatigoro dodolua duluai gabe sinombu mwa lolia kea dagai avare nin rebehi, take kera n̄an gabe ram buroga mai bwatigoron rebehi be nu hantai mai mwasin rebehira sibora.

1 Korin 7:1

Kadogaha nav avoinia huri ginau duluai gabe gon ravae huria lalaiau. Nu tavuha mai atatu be rasav lagi tehe mai vavine.

1 Korin 7:3

I mwa du be atamwani vi lai dumwia lalai tasalana havanau duluai be nona abena lalai tasalana huria kea haḡea mwasin tasalana. I mwa du be vavine vi lai dumwia lalai ahoana huria be kea haḡea mwasin ahoana.

1 Korin 7:9

Take be rasav vwalaui te dumwira sibora, mwa du be rav lagi. Nu tavuha liu be gov lagi ninia be gom onda gin binihivanan bwatigoron lagiana.

Ifisas 5:28

La hala n̄an mulei kunia, ira ahoai mwa du be rav tabe ira tasalara kun gabe ram dabe rebehira sibora. Atatu be mwa dabe tasalana mwa dabe muleinia sibona.

Ifisas 5:33

Take atatu gaitutuvwai vatvataha kimiu vi tabe tasalana kun gabe mwa dabea sibina, tasalai vi binihimarahi alolona.”

1 Tesalonaeka 4:4

Mwa doron kimiu gaitutuvwai be giv huhuinia be giv togonai rebehimiu sibomiu lol hala be nu sabuga i nu marahi.

1 Timoti 4:3

Ram duḡoro sinombu be rasav lagi tehe i ram bevea lalainira be rasav gan ginaganiana rituai be God nu lolira be vi ganiana gin avkari nin sinombu be ram binihimwasigi i ram ilo mwasigi.